¹ Nanomboka nampianatra zareo tamin'ny fagnohoaragna Jeôsy. Nivaolagna Izy hoe: "Nisy lalahy nagnano tanim-boaloboka, nasiany vala magnodidigny zany, aveo, nagady famiazagna. Nanangagna tilikambo izy avakeo nampagnaofa lehy tanim-boaloboka tamin'ny mpamboly voaloboka. Dia niala nadaiha lavitry izy aviteo. ² Tamin'ny fotoagna manjary, dia nagniraka mpanompo andaiha amin'ny lehy mpamboly voaloboka izy mbô hangala amin-jareo zay tôkony ho anjarany amin'ny vokatra lehy tanimboaloboka. ³ Fao nisamborin-jareo izy, nipopohiny, avakeo niroahigny tsy hinday na ino na ino. ⁴ Nagniraka mpanompo hafa handaiha amin-jareo ndraiky izy, aveo nivakin-jareo tamin'ny lohany avakeo nalainy baraka. ⁵ Dia mbôla nagnandaifa hafa koa izy, ary nivonon-jareo io araiky io. Natan-jareo hotry zany reo maro hafa, nipopohigny ny sasany avakeo nivonogy reo hafa. ⁶ Mbôla nanagna ôlogno araiky hafa hirahigny izy, dia zanaka tiany. Izy no farany nalaifany tagny amin-jareo. Nivaolagna izy hoe: Mbô hagnaja ny zanako lahy zareo." ⁷ Kanaifa nifampivolagna zareo mpamboly voaloboka hoe: "Tô lehy mpandaova. Avia, alô hivonontsika izy, dia hohazontsika ny laova." ⁸ Nisamborin-jareo izy, dia novonoiny, ary natsipiny tagny ambailan'ny tanim-boaloboka. ⁹ Kay, ino ary no hatan'ny lehy tômpon'ny tanim-boaloboka? Ho avy izy handringagna reo mpamboly voaloboka ary hagnomia ny tanim-boaloboka amin'ny hafa. ¹⁰ Tsy nivakinareo moa zao Soratra Masigny zao? 'Ny vato zay nilavin'ny mpagnorin-tragno, no natao vato fehizoro. ¹¹ Avy tamin'ny Tômpo zany, ary mahagaga akeo ankilantsika." ¹² Nizaha ny hanambaoragna Jesôsy zareo, kanaifa natahotra vahoaka, satria hain-jareo fao hanohairagna zareo no nivolagnany zany fagnoragna zany. Kay navailan-jareo Izy ary lôsogno nandaiha zareo. ¹³ Dia nagniraka fariseo ndraiky Herodiana sasany handaiha Aminazy mbô hamandriky Azy amin'ny vaolagna zareo. ¹⁴ Koafa avy zareo, dia nivaolagna zareo taminy hoe: "Mpagnanatra ô, hainay fao tsy mikônty hevitrin'ny ôlogno Anao, avakeo tsy mizaha fiangaragna eo amin'ny ôlogno. Mampagnatra marigny ny lalan-Jagnahary Anao. Ara-dalàgna moa sa tsia ny magnaifa haitra amin'i Kaisara? Tôkony hagnaifa haitra moa zahay sa tsia? ¹⁵ Fao hain'i Jesôsy ny fiatsarambelatsihin-jareo kay nivolagna Izy tamin-jareo hoe: Nagnino moa areo mitsapa Zaho? Itongoaso denaria araiky Zaho mbô hizahavako zany." ¹⁶ Dia niotongoasan-jareo vola ariky Jesôsy. Nivolagna Izy tamin -jareo hoe: "Soran-jôvy tô sary ndraiky soratra tô?" Nivolagna zareo hoe: "Nihiny Kaisara." ¹⁷ Nivolagna Jesôsy hoe: "Amiazo Kaisara zay nihin'i kaisara, ary amiazo Zagnary zay an-Jagnahary." Dia gaga taminazy zareo. ¹⁸ Avakeo reo Sadoseo, zay mivaolagna fao tsisy fitsanganagna amin'ny maty, dia tonga taminazy. Nagnontany Azy zareo, nagnano hoe: ¹⁹ "Mpaagnanatra ô, nanaoratra zao taminay Mosesy hoe: 'Izikoa maty ny rahalahin'ny lalahy araiky avakeo nagnambaila vady izy, kanaifa tsy mbô nanan-janaka, tôkony manambady lehy vadiny rahalahiny lehy lalahy, kay hanagna taminga ho an'ny rahalahiny.' ²⁰ Nisy fito mirahalahy, nanabady lehy voalohany aveo maty, tsy nagnambaila taminga. ²¹ Avakeo nangala azy ny faharoa dia maty, tsy nagnambaila taminga, dia mitôvy amin'zany koa lehy fahatelo. ²² Tsisy nagnambaila taminga izy fito. Lehy taigna farany, maty koa lehy ramotoa. ²³ Amin'ny fitsanganagna amin'ny maty, koafa hitsangagna ndraiky zareo, dia ho vadin-jôvy izy? Satria samby nanambady azy jiaby izy fito mirahalahy." ²⁴ Ary nivaolagna Jesôsy hoe: "Tsy zany moa no antony mahadiso hevitra areo, satria tsy hainareo na ny Soratra Masigny na ny herin-Jagnahary? ²⁵ Satria raha mitsangagna amin'ny maty zareo, dia tsy hanambady na hatôlotro amin'ny fanambadiagna, fao mitôvy ny anjely agny andangitry. ²⁶ Fao mahakasika ny amin'ny fitsanganan'ny taigna amin'ny maty, tsy nivakinareo moa ny tao amin'ny bokin'i Mosesy, ao amin'ny andalagna mahakasika lehy voaroy, ny nikoragnan-Jagnahary taminazy kay nivolagnany hoe: 'Zaho no Zagnaharin'i Abrahama ndraiky Zagnahan'i Isaka avakeo Zagnaharin'i Jakoba'? ²⁷ Izy dia tsy Zagnaharin'ny maty, fao nihin'ny velogno. Somary diso hevitra areo." ²⁸ Nisy araiky tamin-jareo mpanaoratra lalàgna havy ary naharegny koragnan-jareo; hitany fa nivalian'i Jesôsy tsara zareo. Aveo nagnontany izy hoe: "Ino no didy taigna gaida amin'izy jiaby?" ²⁹ Jesôsy namaly hoe: "Ny tegna gaida dia ny hoe: 'Mitandrignaisa, ny Tômpo Zagnaharintsika, ry Israely, araiky ny Tômpo. ³⁰ Tsy maintsy mankatia ny Tômpo Zagnaharinao amin'ny fonao jiaby anao, amin'ny fagnahinao jiaby, amin'ny saigninao jiaby, avakeo amin'ny angôvonao jiaby. ³¹ Tô no didy faharoa: 'Tsy maintsy mankatia ny namanao mitôvy ny haigninao anao.' Tsisy didy hafa gaida mihoatra ankoatran'ny reo." ³² Ninainagna lehy mpanaoratra lalàgna hoe: "Tsara zany, Mpagnanatra! Voambaranao marigny fao Zagnahary dia araiky, avakeo tsisy ankoatran'ny Izy. ³³ Ary ny mankatia Azy amin'ny fo jiaby ndraiky amin'ny saigny jiaby avakeo ny angôvo jiaby, avakeo mankatia ny namagna mitôvy amin'ny haigny, dia tsara mandilatra ny fagnatitry roagna jiaby." ³⁴ Koafa hitan'i Jesôsy fa nagnamia valin-teny hendry izy, dia nivolagna taminy Izy hoe: "Tsy lavitry ny fanjakan-Jagnahary anao." Aveo tafaran'ny zany, dia tsisy ôlogno nahasaiky nagnapaitraka fagnontaniagna tamin'i Jesôsy eky. ³⁵ Namaly Jesôsy, raha nampianatra tao amin'ny tempoly Izy; Dia ninainagna Izy hoe: "Manankôry moa ivolagnan'ny mpanoratra lalàgna fao Kristy dia zanak'i Davida? ³⁶ Davida haigniny, tamin'ny Fagnahy Masigny, nagnano hoe: 'Ny tômpo nivaolagna tamin'ny Tompoko hoe: mipitraha akeo an-tanako ankahery, mandram-panaovako ny fahavalonao ho fitoeran-tongotroa.' ³⁷ Davida haigniny aby nagnantso Azy hoe: 'Tompoko', kay ino maha zanaka'i Davida an'i Kristy?" Nitandregny Azy tamink-aravoagna reo vahoaka maro be. ³⁸ Tamin'ny fagnanaragna Jesôsy dia nivaolagna hoe: "Mitandraima amin-jareo mpanoratra lalàgna, zay tia mandaiha amin'ny ankanjo lava ary tian-jareo ny fiarahabagna azon-jareo agny an-tsaina ³⁹ ary tian-jareo ny mahazo sezy alaohaka agny amin'ny synagoga ndraiky toeragna alaohaka agny amin'ny fety. ⁴⁰ Mandroba ny tranon-jareo mpitondran-taigna zareo, avakeo magnano vavaka lava be mbô ho hitan'ôlogno. Reo lalahy reo dia hahazo fagnamelohagna gaidagaida. ⁴¹ Aveo Jesôsy nidôko fanan-jôko ny vatan-drakitra tao amin'ny faritry ny tempoly; nizaha reo ôlogno jiaby zay nandatsaka vola tao amin'ny vatandrakitry. Mpanakariagna maro no nandatsaka vola fôntry. ⁴² Dia nisy vaiavy mijaly mpitodrataigna araiky avy nandatsaka farantsahely aroa, zay hely ventim-bary aroa ohoarigny amin'ny iraimbilanja. ⁴³ Dia nantsôviny reo mpianany avakeo ninainagna Izy tamin-jareo hoe: "Ambarako areo taigna marigny, fao tô vaiavy mijaly mitomdra taigna tô no nandatsaka maro mandilatra ny ôlogno zay nandatsaka vola tao amin'ny vatan-drakitra. ⁴⁴ Satria ny jiaby dia namiany tamin'ny fanagnam-ben-jareo. Fao tô mpitondrataigna tô ndraiky, tamin'ny fijaliany, dia nandatsaka vola jiaby zay tôkony hivilaomany tao."