¹ Tsy hainarô ma,Ralahy (fôtony mikoragna amin`olo mahay lalàgna za), fa lalàgna io micomandy olo araiky zegny ty ho velogno? <sup>2</sup> Ny magnangy zegny mbala manambady voafeny lalàgnan`ny vadiny izy ka izy mbala velogno, fa koa fa maty vadiny kay, dikany zegny. ³ Ka mbala velogno, mandèha mandry amin`ny lelahy hafa izy,mandrànto izy zegny,fa izy ka maty vadiny kay, tsy voafehy lalàgna izy, kay tsy mandrànto izy zegny na mandry amin`ny lelahy hafa. ⁴ Dikany zegny, ralako ô,natao maty tamin`ny lalàgna ka arô tamin`ny alalan`i Kristy. Natao zegny mba hitambaranarô amin`ny hafa, mídikà zegny,ami-Nazy maty nimpody velogno, havitantsika mamoa voa amin-Dragnahary. ⁵ Taminntsika tagnatin`ny nôfotro,irô fitiavagna fahotagna,zegny nataitaitry lalàgna,niasa tamin`ny sampagnatsika hamoa voany amin`ny fafatèsagna. <sup>6</sup> Izio ty nadoso tamin`ny lalàgna atsika. maty tami`zegy namèhy atsika atsika. Zegny hafatsika manômpo amin`ny fagnahy vaovao,fa tsy amin`ny sôratra fakày. <sup>7</sup> Kay ino zaka ambaratsika? tsisy ané dikany zegny ai. Kanèfa, tsy nahay fahotagna zegny fekny za,izy ka tsy tamin`ny lalàgna zegny. Tsy honohono nahay nagniry fekny za izy ka tsy baka tamin`ny lalàgna nivolagna hoe. "Aza magniry loatra. <sup>8</sup> "Fa nangala vahagna tamin`ny didy ny fahotagna naviany fagniriagna rôso loatra aminaka ato. Fa izy ka tsisy lalàgna igny,maty ota. ⁹ Fa èla za velogno tsisy lalàgna, fa ka fa navy didy,velogno ndraiky ota,kay maty ka za. ¹⁰ Didy tôkony hitòndra fiainagna nivadiky fafatèsagna taminaka. ¹¹ Fa fahotagna niraikitry baka tamin`ny didy namitaka za. Baka tamin`ny zegny namonoagna za. ¹² Dikan`izegny masigny lalàgna, Masigny ka didy, marigny, salakady tsara. <sup>13</sup> Kay hivadiky fafatesagna aminaka raha tsara? Tsy hisy fekny zegny. Fa ota, mba hiboany andèha amin`ny fahotagna amin`ny alalan`ny raha manjary, nitòndra fafatesagna tagnàtiko. Zegny mba andeha baka amin`ny didy, Fahotagna io mety mbala hihôva fahotagna araiky fo. <sup>14</sup> Kanèfa haitsika ara-pagnàhy lalàgna, fa za baka amin`ny nôfotro. Èfa nalafo andèha amin`ny fagnadevozagnan`ny ota za. ¹⁵ fa raha ataòko, tsy dia haiko loatra, fôtony zegny tiako fo ataò, kay tsy ataòko, fa zaka tsy tiako ndraiky, atao. ¹⁶ Fa izy ka za magnano raha tsy tiako, minkôn-doa amin`ny lalàgna fa tsara lalàgna zegny. <sup>17</sup> Fa l'heur ziô tsy za eky magnano zegny, fa fahotagna velogno agnatiko ato. <sup>18</sup> Fa haiko fa agnatiko zegny ndraiky amin`ny nôfotro naka, fa fagniriagna raha manjàry aminaka ato, kanèfa tsy afaka magnano zegny za. ¹⁹ Fa raha mananjary tiako tsy vitako, fa ny tsy manjàry ndraiky, nataoko. ²⁰ Fa za ka magnano raha tsy tiako atao, dikany zegny tsy za eky miasa zegny, fa fahotagna mihaigny agnatiko ato. ²¹ Izo ndraiky fa hitako, fitsipiky agnatiko ato tia agnano kabàro manjàry, kanèfa kabàro tsy manjàry fo agnatiko ziô. ²² Fa za ravoravo amin`ny lalàgnan-Dragnahary amin`ny fagnahy maha olo. ²³ Kanèfa mahita fitsiky hafa ka za mahakasiky tègnako. Zegny raha mampiady fitsiky vaovao agnatin`ny saigniko zegny. Mitàna za ho laifakan`ny fahotagna mahakasiky vatagna naka zegny. ²⁴ Olo mampalahelo za! kay azôvy agnadoso za amin`ny tègnan`ny fafatesagna ty? ²⁵ Fa ankasitrahagnan-Dragnahary tamin`ny alalan`n`i Jesosy Kristy Tompontsika ah! dikany zegny, za vatagna naka manompo lalàgnan-Dragnahary amin`ny jeriko. Kanèfa ndraiky, za manompo fitsipikin`ny fahotagna amin`ny nôfotro.