¹ Ino basy hivolagnitsika? Tokony hanohy amin'ny fahotogna fo mba atsika hanogan'ny fahatsaragna? ² Tsisy feky zegny. Atsika zegny maty amin'ny adalagna, amin'ny fomba akory koa bola hiaignatsika amin'ny zegny? ³ Tsy hainarô mba irô jiaby natao batisa tao amin'i Kristy Jesosy natao batisa tao amin'ny fahafatesany? ⁴ Izy koa voalevigny, niaraka taminany baka tamin'ny alalan'ny batisa andeha amin'ny fahafatesagna atsika. Nitranga raha zegny mba hitovizagna amin'ny nanaganagna iKristy tamin'ny maty tamin'ny voninahitry Baba, andihianantsika amin'ny fiainagna vaovao koa. ⁵ Izy koa mitambatra Aminany mitovy amin'ny fahafatesany atsika, hitambatra amin'ny fitsanganany koa. ⁶ Hay tsika zegny, vatagnatsika taloha nifantsiagna niaraka taminany, mba androtoegna ota. Nitranga zegny mba tsy hiboten'ny ota feky atsika. ⁷ Izy maty io kony nambara fa marigny sady afaka amin'ny fahotogna. ⁸ Izy koa maty niaraka tamin'i Kristy atsika, matoky fa hiaraka velogno Aminany koa. ⁹ Atsika mahay fa nitsangana tamin'ny maty i Kristy, bakô tsy maty feky Izy. Tsy manjaka Aminany feky fahafatesagna. ¹⁰ Izy koa momba fahafatesagna, maty baka amin'ny fahotagna Izy, maty indraiky mandeha ho an'olo jiaby Izy. Kanefa, fiainagna hiaignany iaignany an-dRgnahary. ¹¹ Izy koa zegny, tsy maintsy miheritreritry tegnanarô efa maty amin'ny fahotagna koa anarô, fa velogno an-dRagnahary ao amin'i Kristy Jesosy. ¹² Izy koa zegny aza ambela hanjaka ao amin'ny vatagnanarô mety maty ny ota mba hagnarahanarô filany. ¹³ Aza amezagna fahotagna ratsam-batagnanarô, ho fitaovagna ampiasaigny amin'ny tsy fahamarignana. Fa ameza an-dRagnahary vatagnanarô, kara nitsanganany tamin'ny maty velogno amizio ty. Ameza an-dRagnahary ratsam-batagnanarô mba fitaovagna ampiasaigna amin'ny fahamarignana. ¹⁴ Aza ambela hanjaka aminarô adalagna. Fôtony tsy ambany lalàgna anarô, fa ambany fahatsaragna. ¹⁵ Ino basy? Tokony hagnano hadalagna zegny atsika fotony tsy ambanin'ny làlagna, fa ambanin'ny fahatsaragna? Tsisy feky izegny. ¹⁶ Tsy hainarô fa i araiky agnamezanarô vatagnanarô ho mpanompo araiky hankatoavinarô? Marigny zegny na mpanompo fahotagna mitariky anarô agny amin'ny fahafatesagna, na mpanompo fakantoavagna mitariky agny amin'ny fahamarignana. ¹⁷ Fa ankasitrahigny Zagnahary! fotony efa mpanompo fahotagna anarô, kanefa tafidriky am-pônarô fomba fampianaragna namezagna anarô. ¹⁸ Nadoso tamin'ota anarô, bakô natao mpanompo fahamarignana. ²¹ Noho zegny, koa fa nataoko asa ary nagnamafy fa voaray dro vokatra izay navory, andeha a Espaina za hitsidika anaro no diako. ²⁹ Aiko fa za koa mandeha aminaro ka hiditry agnatiny fitahian'i kristy. ²² Amizio ty izy koa nadoso tamin'ny adalagna anarô bakô navy mpanompon-dRagnahary, mahazo ny fahamasignana. Fiaignana mandrakizay raha azo. ²³ Raha azo amin'ny adalagna fahafatesagna, fa fagnamezagna azo avy amin'ny Zagnahary fiainagna mandrakizay ao amin'i Kristy Jesosy Tompontsika.