¹ Ho agny amin'ny fahafagna ane ny nagnavôtan'ny Kristy atsika. Mioregna tsara, dikany zegny, kaza magneky ho ambakain'ny fagnandevozagna eky. ² Igny, za Paoly mivolagna aminarô fa izikoa magneky ny haigninarô hivosiragna anarô, tsy agnano tsara anarô na ny hely foeky zegny i Jesosy Kristy. ³ Mitsangana vavolombelogno amin'ny olo tsaraiky araiky zaigny mamaila taignanany ho voafora ndraiky za fa voatery hagnaraka lalàgna jiaby izy. ⁴ Tafisaraka tamin'ny kristy anarô, te ho hamarigny amin'ny lalàgna; sady tegna tsy miaigny fahasoavagna anarô. ⁵ Fa baka amin'ny Fagnahy amin'ny finoagna, no hiambaisan-tsika mare fagnatenagna fahamarignana. ⁶ Ao amin'ny Kristy Jesosy tsy midika na ino na ino na voafora na tsy voa, fa finoagna miasa amin'ny fitiavagna fo. ⁷ Anaro fa nilomay tsara. Azovy nanakagna anarô fangnekenarô ? ⁸ Tsy baka amin'n araiky nikaiky anarô fandresen-dahatra zegny. ⁹ Lalivay hely mampitombo ny koba jiaby. Fa za matoky Tompo fa tsy hangala fomba hafa fizahagna anarô. ¹⁰ Fa araiky zaigny mampikorontagna anarô, hagnaifa sazy na azovy na azovy. ¹¹ Rahalahy e! izy koa mbala miovy amin'ny famoragna za, nangina za mbala iagniny ? Baka amin'ny hazo fijaliagna, mahafaka raha jiaby mampalahelo. ¹² Fa nindrô zaigny magnakorontagna anarô, ainganie irô hanapaka tegnandrô! ¹³ Fa nikahiagna amin'ny fahafagna anarô ralahy. Fa kaza andesinaro hagnaraka nofo zegny fahafagna zegny fa mifampanompoa amin'ny fitiavagna. ¹⁴ Fa lalàgna jiaby tantairaka ao amin'ny didy araiky; ao amin'ny hoe : " Tsy maintsy mitia namanao kara ataonao tia taignany anao. ¹⁵ Fa izy koa mifangnekitry sady mifampihinagna anarô, mitandraima tsoa hifandavo. ¹⁶ Fa ho za, mandiana araka fagnahy fa tsy hahatantairaka zegny filan'ny nofo zegny anarô. ¹⁷ Fa ny nofo manohitry Fagnahy, ndraiky fagnahy manohitry filagnan'ny nofo, avio mifanohitry iro roe, mba tsy hahazoandrô magnano zay raha jiaby tiandrô atao. ¹⁸ Tsy ho amban'ny lalàgna zegny anarô izy koa fagnahy mitariky anarô. ¹⁹ Miharihary asan'ny filan'ny mofo amin'ny zioty : fandratoagna, fahalotoagna, fijejojejoagna, ²⁰ fanompoan-tsampy, famosaviagna, fankahalagna, fifamandriagna, farahy, fipohan'ny heloko, firafaisagna, fisaran-bazagna, ²¹ fialomagna fahamonoagna, fagnakoron-tagnana, ndraiky raha mitovy amin'ny zegny. Mampitandrigny anarô za, kara nampitandrigny anarô taloha, fa tsy handova ny fanjakan-dRagnahary irô zaigny mampihatra raha aby rô. ²² fa vokatra fagnahy fitiavagna, fifaliagna, faharetagna, hatsaram-pagnahy, fagnanaovagna tsara, finoagna, ²³ fahalemem-pagnahy, aviô fahafehezan-taigna; tsisy lalàgna manohitry raha kara zegny. ²⁴ Irô zaigny an'i Kristy Jesosy aifa nanombo jery feno fahotagnany niaraka tamin'ny fahafinaraitagnany ndraiky filany. ²⁵ Izy koa miaigny Fagnahy atsika, alô andaiha amin'ny Fagnahy fo koa. ²⁶ Alô atsika tsy ho rôso mpipoerapoera, mifandragitry, mifampialogno.