¹ Anarô tompo, ataova amin'ny mpanomponarô zay marigny ndraiky ny mety jiaby, fotony, hainarô fa anarô koa mba managna Tompo andangitry agny. ² Mahareta amin'ny fivavahagna. Miambesa amin'ny fagnamaizagna fisaoragna zegny. ³ Mivavaha ho anay koa, mba hanokafan-dRagnahary varavaragna ho an'ny teny, mba hilazagna fahamarignana araiky misitrik'i Kristy. Dikan'izegny, voafahy zaha. ⁴ Mivavaha mba hahavitako magnano ny tokony hivolagniko. ⁵ Mandihana amin'ny fahendregna amindrô agny ivailany, aviô, araraota tsara ny fotoagna. Aoka ny teninarô hiaraka amin'ny fahasoavagna mandrakariva. ⁶ Aoka irô ho feno sira, mba hahafahanarô mahay ny fomba tokony hamalianarô olo jiaby. ⁷ Ka izy koa raha mikasiky zaha, dia i Tykyko no hampahafantatra anarô zegny. Rahalahy malala izy, mpanompo mahatoky sady mpiara-manompo amin'ny Tompo. ⁸ Baka avy amin'izegny no nandifasako izy aminarô agny, mba hahafahanarô mahay raha mikasiky zahay, aviô, afahanay koa mampahery fonarô. [Fagnamarihagna ambanin'ny page: Ny dikan-teny sasany taloha vakigny hoe: "Baka avy amin'izegny no nandifasako izy aminarô agny, mba hahafahanarô mahay raha mikasiky zahay, aviô, afahanay koa mampahery fonarô." ] ⁹ Nalefako niaraka tamin'i Onesimosy izy, ralahy araiky mahatoky sady malala, hampahay anarô raha jiaby. ¹⁰ Magnano veloma anarô Aristarka, mpiara-migadra aminaka, ndraiky Marka, havan'ny Barnabasy ( araiky nahazahoanarô baiko; izy koa mandaiha aminarô agny izy, alaiva), ¹¹ ndraiky Jesosy kaiagna koa hoe : Josto. Irô baka amin'ny voafôra io fa koa mpiara-miasa aminaka ho an'ny fanjakan-dRagnahary. Fankaherezagna zaha jiaby zegny. ¹² Miarahaba anarô i Epafra. Araiky aminarô izy sady mpanompon'ny Kristy Jesosy. Mivavaka maré ho anarô fo izy, mba hatantairaka anarô sady hahzahoanarô antoko tantairaka amin'ny sitrapon-dRagnahary jiaby. ¹³ Fa mitsangagna vavolombelogno ho izy zaho, miasa maré ho anarô izy, ndraiky ho andrô agny Laodika agny, aviô, amindrô zay agny Hierapolia. ¹⁴ Miarahaba anarô i Lioka araiky mpitaha malalantsika igny ndraiky i Demasy . ¹⁵ Arabainarô irô lahalahy agny Laodika, ndraiky irô agny Nymfa, ndraiky irô fiangonagna an-ntragnonany ao. ¹⁶ Izy koa fa voavaky agnivonarô iô taratasy ty, ataova vakigny amin'ny eglizin'ny Laodikiana koa, aviô, ataova voavakinarô koa taratasy baka agny Laodikia. ¹⁷ Volagna Arikipo hoe: " Tandraima ny asa fanompoagna zay nalainao tamin'ny Tompo, fa tokony ho tantirahinao zegny." ¹⁸ Fagnanaovagna veloma ty zegny, ataon'ny tagnako manôkagna Paoly. Tsarova fifatorako. Ho aminarô anie ny fahasoavagna.