¹ Laha narandray gn'andro, gne lohan'gne mpisorogny aby sy gne loholona da nitadia hevitry hiampangà an'i Jesosy mba hamonoa anazy. ² Ary raha nofeheziny izy, da nindesiny ka nomeny an'i Pilato governora. ³ Ary Jodasy, namadiky Anazy, raha nahita fa nosazy i Jesosy, da nanegny ka nagnapody gne Sekely volafotsy telo-polo tamè lohan'gne mpisorona sy gne loholona, ⁴ ka nizàka hoe: " Nanota iao, satria, namadiky raha marina. Fa hoy indreo: " Aninay ino izà? fa asakasakao ". ⁵ Ary raha napitsikiny teo amè tempoly gne vola, da lasa izy nandeha niala, ary nagnano tadimody da nagnashapy gn'ainy, ka da maty. ⁶ Ary gne lohan'gne mpisorona nangala gne vola sady nizàka hoe: " Tsy mety raha alatsaky amè rakitre tempoly io , fa vidin-drà. ⁷ Ary raha mbola nindray nidiniky indreo, da navidiny gne Sahane mpanefy vilagny gne vola ho fandevegnam-bahiny. ⁸ Ka izà gn'agnamboara gne agnaran'izà saha izà mandrak'androany hoe: " Sahan-drà". ⁹ Ary tamin'izàny, da tanteraky izay nampizakay an'i Jeremia mpaminagny hoe: " Da nalainy gne sekely volafotsy telo-polo, vidin'gne notombagna, da gne notombanan'gne Zanak'Israely, ¹⁰ ka nomeny havidy gne sahanè mpanefy vilagny izà, araky gne nandidian'i Jehovah anah. ¹¹ Ary Jesosy nitsanga teo agnatrehan'gne governora; ary gne governora nagnotany anazy hoe: " Anao me gne mpanjakan'gne Jiosy?" Da hoy Jesosy taminazy se : " Vôzakanao". ¹² Ary raha napangaine lohane mpisorona sy gne loholona izy. ¹³ Da hoy Pilato taminazy: " Tsy renao me gne raha iampangà Anao izà? ¹⁴ Fa tsy namaly ndre da indraiky izy. Ka gaga gne governora. ¹⁵ Ary isake gn'avy gn'andro firavoravoa da faninè governora gne gadra raiky ho ané vahôky, arakigne tiany. ¹⁶ Ary tamin'izà, danisy gadra malaza atao hoe: " Barabasy". ¹⁷ Ka raha tafavory gn'olo, da hoy i Pilato taminazy: " Iao me gne tianareo homeko anareo, Barabasy sa Jesosy, Izay hanigny hoe i Kristy?" ¹⁸ F'izy fatany fa fialogna gne nagnolorandreo anazy. ¹⁹ Ary raha nidoboky tamè fitsarà izy, gne vadiny gne nagniraky handeha aminazy ka nizâka hoe: " Tsy mana na ino na ino atao amin'ity lehilahy tsy magna-tsigny ity iao. Fa ory lôtry iao androany nohon'gne nofy azoko momba Anazy." ²⁰ Ary gne lehiben'gne mpisorona sy ireo loholona nandresy lahatry gne vahoaky mba hangataky an'i Barabasy, ary hampamono an'i Jesosy. ²¹ Nagnotany andreo gne Governora hoe: " Ia amindreo roy gne tianareo halefako ho anareo?" Hoy indreo hoe: " Barabasy." ²² Pilato nizàka tamindreo hoe: " Ino e rokony ho aniko amin'i Jesosy izay angia hoe Kristy?" Indreo agnaby namaly hoe: " Fantsiho amè hazo fijalia Izy." ²³ Da hoy Izy hoe: " Naoa, ino gne heloky nanìny?" Fa maika indreo nizàka mafy hoe: " Fantsiho amè hazofijalia Izy." ²⁴ Fa rehefa hitan'i Pilato fa tsy afaky hagnano na ino na ino izy, kanefa efa manomboky gne tabataba, da nangala rano izy, nanasa gne tagnany teo anoloan'gne vahoaky, ary nagnano hoe: " Tsy manan-tsigny amè ràn'ity lehilahy tsy manan-tsigny ity iao. Fa asanareo izany." ²⁵ Ireo olo agnaby nizàka hoe: " Ho aminay sy gne zanakay anie gne ràny." ²⁶ Da nalefany ho andreo Barabasy, fa nifiky karavasy an'i Jesosy izy ary nagnolotry Anazy ho fantsihy. ²⁷ Avy teo indreo miaramilan'gne governora nangala an'i Jesosy hegnagny an-dapa ary nanambatry ireo vondrona miaramila rehetra. ²⁸ Nangala gne fitafiany indreo ary nampagnano akanjo jaky Anazy. ²⁹ Nagnambôtry satro-boninahitry fantsy indreo ary nametraky izà tamè lohany, ary nametraky tehina teo amè tagn'ankavagna. Nandohaliky teo anatrehany indreo ary nagneso Anazy, nagnano hoe: " Akôraby, ry mpanjakan'gne Jiosy!" ³⁰ Da nandrorany Izy, ary nalainy gne volotara, ka notakapiny gne lohany. ³¹ Ary raha nagneso Anazy izy, da nangala gne lamba taminazy, ka napitafiny anazy indraiky gne lambany, ary nindesiny izy mba haisy amè hazo fijalia. ³² Ary raha nandeha izy, da nahita lehilahy raiky Syrena angia hoe Simona, ka izy gne noforoseny hinday gne hazo fijalian'i Jesosy. ³³ Ary raha avy teo tamè tany atao hoe Golgota izy, izany hoe " Toeran'gne Karandoha." ³⁴ Nomendreo divay mifangaro amè efero Izy mba ho indranominy. Fa rehefa nandramany izà, da tsy nindragno Izy. ³⁵ Rehefa nofantsiandreo tamè hazo fijalia Izy, da nanindreo loka gne fizarà gne fitafiany, ³⁶ ka nidoboky indreo ary nijanogny niamby Anazy. ³⁷ Teo ambonin'gne lohany gne nametrandreo soratry mizàka gne nagnamelohana Anazy, izay magnambara hoe: " Ity gne Jesosy, mpanjakan'ireo Jiosy." ³⁸ Nisy jiolahy roy nofantsia niaraky taminy, gne raiky teo ankavagnany ary gne raiky teo ankavia. ³⁹ Ireo izay nandalo da nagnano tsinotsino Anazy, nanivingivigny gne lohany indreo ⁴⁰ ary nagnano hoe: " Anao handrava gne tempoly ary hagnambôtry izà agnatin'gne telo andro, vonjeo eky gne tegnanao aloha! Raha anao gne Zanak' Andriamanitry, mijosoa laha-tegny amè hazofijalia tegny raha mafy!" ⁴¹ Ary da nagneso akôiza koa gne lohane mpisorogny izy amè mpanoratry lalàgna sy gne loholona ka nizàka hoe: " ⁴² Gne sasany novonjeny; fa gn'ainy tsy hainy vonjè. Mpanjakan'gne Israely Izy, aoka hijoso hiala am'gne hazo fijalia izy amisia, raha ankasitrahany Izy satria hoy Izy : " Zanak'Andriamanitry iao" ⁴³ Natoky an'Andriamanitry Izy, apetray Andriamanitry hamonjy Anazy etoa, raha mankasitraky gne hanafaky Anazy Andriamanitry. Fa na Izy ary da nizàka hoe: " Iao gne Zanak'Andriamanitry." ⁴⁴ Mitovy amin'izà koa ireo jiolahy izay nafantsia niaraky taminy nizàka fanevateva taminy evakoa. ⁴⁵ Ary hatramè lera fahenina sy fahasivy da mizy gne tany aby. ⁴⁶ Ary tokony tamè lera fa sivy, da nangaiky tamè feo mafy i Jesosy ka nizàka hoe: " Ely,Ely, lamà sabaktany?" izany hoe : " Andriamanitry ô, Andriamanitry ô, nagnino raha mahafoy anah Anao?" ⁴⁷ Ary gne sasany tam'izay nijano teo, raha nahare anzà, da nagnano hoe: " Mangaiky an'i Elia izy. ⁴⁸ Ary niaraky tam'izà gne raiky taminazy teo da nihazakazaky nangala sipaonjy ary raha natsombokony tamè vinaingitra izà da notohizany tamè volotara, da nomeny hotsetsefin'i Jesosy. ⁴⁹ Fa gne sasany koa nizàka hoe: " Apetray Izy. Hitantsika eo raha ho avy hamonjy Anazy Elia." ⁵⁰ Da nihiaky tamè feo mafy indray Jesosy ary nagnolotry gne fagnàny. ⁵¹ Ary gne efitry lamba tao ame tempoly da triatry nizara roy hatragny ambony ka hatramè ambany; da nisy horohoro tany, ka nitresaky gne pelapelam-bato. ⁵² Ary nipôky gne kobory, ka maro gne fatin'olo masina izay efa nody mandry gne nitsanga. ⁵³ Ka nijoso tamè kobory indreo tafaranè nitsanganan'i Jesosy; da nandeha tamè tanà masina ka naboda tamè maro. ⁵⁴ Ary gne kapiteny sy gne fehiny, izay niamby an'i Jesosy, raha nahita gne horohoro tany izy amè raha hisy teo, da tena natahotry ka nizàka hoe: " Marigny datò fa zanak'Andriamanitry io lehilahy io." ⁵⁵ Ary nisy viavy maro nitsinjo lavitry, izay nagnaraky an'i Jesosy hatragny Galilia ka magnompo anazy. ⁵⁶ Isan'izà i Maria Magdalena sy Maria endrin'i Jakoba sy Josefa, ary gne endrindreo zanakalahin'i Zebedio. ⁵⁷ Ary raha ariva gn'andro, da avy gne lehilahy manan-karena avy any Armatia, angia hoe Josefa, izay mpianatr'i Jesosy evakoa. ⁵⁸ Nagnato an'i Pilato izy ary nangataky gne fatin'i Jesosy. Da nobaikon'i Pilato omè anazy izany. ⁵⁹ Nangala gne faty Josefa, namono izany tamè lamba rongony madio, ⁶⁰ ary nampandry izany tamè kobory vaovao izay nolavahany tamè vatolampy. Da nagnakodia vato zakabe hanohina gne varangaran'gne kobory izy ary nijoso. ⁶¹ Maria Magdalena sy ireo Maria hafa da teo, nidoboky teo ampitan'gne kobory. ⁶² Ary raha omaray gn'andro fiomagna,da nivory tam'i Pilato gne lohan'gne mpisorona sy gne Fariseo. ⁶³ Ka nizàka hoe: " Tompoko, tadidinay fa igny mpamitaky igny, tamin'izy ambola velo, da nizàka hoe: ' Raha afaky telo andro, da hitsanga iao.'" ⁶⁴ Ka hanio tsara hambiny tsara gne kobory mandrapevisan'gn'andro fahatelo, fa sao avy evao gne mpianatriny ka hangalatry anazy, da izàka amin'olo hoe: " Efa natsanga tamè maty Izy", ka ho ratsy gne fitaky farany hono ne voalohany. ⁶⁵ Hoy Pilato taminazy se: " Mangala mpiamby ka mandehana, ary anio mafy araky gne hainareo gne fembena. ⁶⁶ Ary ndreky lasa izy, da nalefany gne mpiamby hiamby mafy gne kobory, rehefa naisiny tombo-kase gne vato.