¹ Nivôka ny tempoly Jesosy ary lasa nande. Nagnatona an'Azy reo mpianagny mbô hanorona an'Azy ny rafitry ny tempoly. ² Nefa namaly Izy ary nikoragna tamin-jareo hoe: "Tsy hitanareo ma reo ra daôly reo? Lazaiko marina aminareo, tsisy vato ho tavela amin'ny raika hafa ze tsy ho ravàna. ³ Raha nipetraka takeo an-tendrombohitr'Oliva Izy, de nagnatona an'Azy mangingina reo mpianagny ary nitare hoe: "Lazao an'nay, rôvina reo ra daôly reo no hitranga? Ino no famantarana ny fatongavanao sy ny fara-andro? ⁴ Namaly Jesosy ary nitare an-jareo hoe: "Mitandrema mbô tsisy hamitaka an'nareo. ⁵ Fa ho maro no ho avy amin'ny agnarako. Ary hitare zaro hoe: 'Za no Krity,' ary maro no ho vôfitaka. ⁶ Handregny ady sy tatitr'ady anareo. Mitandrema mbô tsy hitebiteby anareo, fa tsy maintsy hitranga zany ra daôly zany; nefa tsy mbôla ho tonga ny faragny. ⁷ Fa hisy firenena hitsangana hagnohitra firenena, ary fanjakana hagnohitra fanjakana. Hisy silaona sy horohoron-tany amin'ny tôrana samihafa. ⁸ Nefa zany ra daôly zany de fendôhan'ny fanaintaignan'ny fitirahana fotsiny iany. ⁹ Ka ho atolotr'zareo ho amin'ny fahoriana anareo ary ho voniny. Ho halan'ny firenena daôly anareo nohon'ny agnarako. ¹⁰ Ary betsaka ny ho tafitôna, ary hifamadika sy hifankahala ny tsiraikaraika. ¹¹ Mpaminagny sandoka betsaka no hitsangana ka hamitaka ôla betsaka. ¹² Satria ny faratsena de hitombo, ary hihamangatseka ny fitiavan'ny maro. ¹³ Fa le raika ze miharitra hatramin'ny faragny de ho vôvonjy. ¹⁴ Ty filazantsaran'ny fanjakana ty de ho toriana magnerana an'zao tontolo zao ho vavolombelona amin'ny firenena daôly. Avy akeo de ho tonga ny faragny. ¹⁵ Noho zany, raha matazagna ny favetavetagn'ny fandravana anareo, ze nolazain'i Daniela mpaminagny, de hitsangana akeo amin'ny tôrana Masina anareo" (ôka ny mpamaky hatakatra), ¹⁶ "Ôka reo ze aigny Jodia hilefa ho aigny an-tanety, ¹⁷ ôka ze akao an-tampon'ny tragno tsy hidigna hiaka ra avy akao an-tragnony, ¹⁸ ary ôka ze aigny an-tsaha tsy hiverigna hiaka ny lambany. ¹⁹ Fa loza ho an'reo bevoka sy mampinono am'zany andro zany! ²⁰ Mivavà mbô tsy ho amin'ny ririnina na amin'ny Sabata no hitranga ny fandosiranareo. ²¹ Fa hisy fahorena gedabe, ze tsy mbôla nisy ôtran'zany hatraigny am-pendohan'zao tontolo zao mandrak'gniany, tsia, ary tsisy tsony. ²² Raha tsy afoherina reo andro reo, de tsisy nofo ho vonjena. Fa nohon'ny ôlom-bôfidy, de hafoherigna reo andro reo. ²³ Fa raha misy ôla mitare an'nareo hoe: 'Indro, ty le Kristy' na, 'iry le Kristy' de aza mino an'zany. ²⁴ Fa ny Kristy sandoka sy ny mpaminagny sandoka de ho avy ary hampibôgna famantarana gedabe sy ra mahagaga, mbô hamitaka, raha azo atao, iôny fa na reo ôlom-bôfidy aza. ²⁵ Indro, efa notaraviko an'nareo melôn'ny fotôna. ²⁶ Noho zany, raha mitare an'nareo zareo hoe: 'indro, aigny agn-efitra izy," de aza mankaigny agn'efitra. Na hoe 'indro, aigny agnaty efitragno izy' de aza mino an'zany. ²⁷ Fa ôtran'ny varatra ze mitselatra avy aigny antsinanana ka mazava hatraigny andrefana, de salan'zany ny fevin'ny Zanak'Ôla. ²⁸ N'aiza n'aiza misy biby maty, de aigny no hiangonan'ny voltora. ²⁹ Ary raha vô afaka ny fahorena am'reo andro reo de ho maizigna ny masoandro, tsy hagnome ny hazavagny ny volana, hilatsaka avy aigny an-dagnitra ny kintana, ary hiozongozogna ny herin'ny lagnitra. ³⁰ Avy akeo de hibôgna aigny amin'ny lagnitra ny famantaran'ny Zanak'Ôla, ary ny foko daôly ambonin'ny tany hisaona. Hatazagna ny Zanak'Ôla tonga amin'ny rôndron'ny lagnitramiaraka amin'ny hery sy voninatra gedabe Zareo. ³¹ Handefa reo anjeliny Izy miaraka amin'ny feo trompetra mafy, ary hanangona ny ôlom-bôfidiy avy aigny amin'ny vazan-tany efatra zareo, manomboka amin'ny faravodilagnitra ka hatraigny amin'ny hafa. ³² Menara ny lesona avy amin'ny aviavy. Raha vantany vô matoy ny sampana ary mamôka ny ravygny, de fantatrareo fa manankeky ny favaratra. ³³ Ôtran'zany iany kô, raha matazagna an'zany ra daôly zany anareo, de tokony ho fantatrareo f'efa ankeky Izy, akeo am'reo vavady mitsy. ³⁴ Taraviko marina aminareo, fa tsy ho lany ty taranaka ty mandra-pibôgnan'zany daôly zany. ³⁵ Tsisy tsony ny lagnitra sy ny tany, fa ny teniko de tsy mbô ho levona mandrakizay. ³⁶ Kanefa ny makasika an'zany andro sy ora zany de tsisy mafantatra, na ny Anjelin'ny lagnitra aza, na ny Zanaka lahy, fa ny Ray fôgna. ³⁷ Ôtran'ny tamin'ny andron'ny Noa, de salan'zany fôgna kô ny fevin'ny Zanak'Ôla. ³⁸ Fa ôtran'ny tam'reo andro melôn'ny safo-dragno de nihinana sy nisotro zareo, nagnambady sy nampakarina mandra-patongan'le andro nidiran'i Noa takao agnatin'le sambo fiara, ³⁹ ary tsy nafantatra na ino na ino zareo mandra-patongan'ny safo-dragno ka mandringana an'azy daôly - de salan'zany ny fevin'ny Zanak'Ôla. ⁴⁰ Avy akeo hisy leila rôy aigny an-tsaha - raika ho raisina, ary ny raika ho avela. ⁴¹ Vevavy rôy no hitoto vary - ny raika ho raisina, ary ny raika ho raisina, ary ny raika avela. ⁴² Noho zany de membena, fa tsy fantatrareo ze andro hevin'ny Tomponareo. ⁴³ Fantatro zao, raha fantatry ny tompo-tragno hoe am'firy alina no hiaven'ny mpangalatra, de ho niambina izy ary tsy namela ny tragnony ho vaky. ⁴⁴ Noho zany de tsy maintsy mivonona fôgna kô anareo, fa ho avy ny Zanak'Ôla amin'ny ora tsy ampozinareo. ⁴⁵ Ka iza ma le mpanompo matoky sy hendry ze notendren'ny tompony hanapaka ny fianakaveny mbô hagnomezana an-jareo ny sakafon-jareo amin'ny fotôna mety? ⁴⁶ Sambatra zany mpanompo zany ze hitan'ny Tompony fa magnano an'zany rafa tonga izy. ⁴⁷ Taraviko marina aminareo fa ny tompony no hanapaka an'azy ho agnambon'ny ra daôly ze anagnany. ⁴⁸ Fa raha misy mpanompo ratsy mitare akao am-pony hoe: 'Ela fiavy ny tompoko', ⁴⁹ ka magnomboka mamono reo mpanompo namany, sy mihinana ary misotro miaraka am'reo mpimamo; ⁵⁰ de ho avy ny tompon'le mpanompo amin'ny fotôna ze tsy ampozigny ary amin'ny ora ze tsy fantany. ⁵¹ De ho kapakapain'ny tompony izy ary ho ataony ôtran'ny an'reo mpiatsaravelatsy ny anjarany, ze hisy ny fitomanena sy ny fikotroha-nify.