¹ Amizao fotôna zao mikasika ireo fotôna sy reo vanim-potôna, ry ralà, tsy mila na ino na ino vôsoratra ho anareo nareo. ² Fa anareo tegnanareo mafantatra tsara ny andron'ny Tompo de ho avy ôtran'ny mpangalatra amin'ny alina. ³ Rafa miteny zareo, "Miadana sy milamina," de fapotena tampoka no ho avy amin-jareo. Ho ôtran'ny fararen'ny vevavy mitondra ivagna rafa miteraka zany. Tsy ho afaka milefa mitsy zareo. ⁴ Fa anareo, ry ralà, de tsy akao agnatin'ny aizigna ka hatakatra anareo tampoka ôtran'ny mpangalatra ny andro. ⁵ Fa anareo daôly de zanaky ny mazava sy zanaky ny andro. Tsy zanaky ny alina tsika na zanaky ny aizigna. ⁶ No zany, ndeha tsika tsy atory ôtran'ny fataon'ny ambiry. ⁷ Fa kosa, ôka tsika iambina sy ahonon-tena. Fa reo ze matory de magnano an'zany amin'ny alina, ary reo ze mamo de magnano an'zany kô amin'ny alina. ⁸ Fa ra mbôla amin'ny andro tsika, de tsy maintsy mahonontegna tsika ary mitafy ny finona sy fitiavana ho ferovan-tratra, ary ny antoky ny fagnavotana amin'ny ho avy ho ferovan-dôntsika. ⁹ Fa Andriamanitra tsy manendry antsika ho amin'ny fahatezerana, fa hazaôna ny famonjena amin'ny alalan'i Jesosy Kristy Tompontsika. ¹⁰ Izy la maty ho an'tsika, na mifôtsika na matory, de afaka miara-miaigna aminazy. ¹¹ Ka noho zany mifampionona ary mifampahereza anareo, ôtran'ny efa nataonareo. ¹² Mangataka aminareo zahay, ry ralà, mba agnikenareo ze misasatra aminareo sy mitondra anareo amin'ny Tompo ary ze magnanatra anareo. ¹³ Mangataka anareo ihany kô zahay mba hagnaja an'jareo am-pitiavana noho ny asan-jareo. Mihavàgna amin'ny tegnanareo. ¹⁴ Magnanatra an'nareo zay, ry ralà: mampitandrema ny fikorontagnana, ampaherezo reo kivy, ampeo reo malemy, mahareta amin'ny daôly. ¹⁵ Indro tsisy ôla mamaly ratsy ny ratsy na amin'iza na iza. Fa kosa, mikarà ze tsara ho an'ny tsiraikaraika sy ho an'ny daôly. ¹⁶ Mifale mandrakariva. ¹⁷ Aza mitsatra mivavaka. ¹⁸ Misaora amin'ny ra daôly. Fa zany no sitrapon'Andriamanitra ao amin'i Kristy Jesosy ho an'nareo. ¹⁹ Aza mamono ny fagna. ²⁰ Aza magnano tsinotsinona reo faminanina. ²¹ Andramo ny ra daôly. Mifikira amin'ny ze tsara. ²² Alao reo fisehoan'ny ratsy daôly. ²³ Andriamanitry ny fiadanana ane hampamasina anao tanteraka. Ôka ny fagnanareo magnotolo, ny aigna, ary ny vatagna de hotahirizina tsy hanan-tsigny ho amin'ny fatongavan'i Jesosy Kristy Tompontsika. ²⁴ Matokia izy le miantso an'nao, le raika ze hagnano zany iany kô. ²⁵ Ry ralà, mivavaha ihany kô ho an'nay. ²⁶ Arabao amin'ny fagnorohana masina ny ralà daôly. ²⁷ Mangataka aminareo amin'ny Tompo za mba ho vakina amin'ny ralà daôly ty taratasy ty. ²⁸ Ho aminareo ane ny fasoavan'i Jesosy Kristy Tompontsika.