¹ Da ra fantatr'i Jesosy hoe regnin'e Fariseo fa nahazo sy nagnano batisa mpianatry maro noho Jaona ² Izy (ndre tsy Jesosy tegnany gne nagnano batisa, fa gne mpianatriny), ³ da niala ta Jodia Izy da niverigny nandea ta Galilia indraiky. ⁴ Fa ilainy gne mamakivaky an'i Samaria. ⁵ Da Tonga tame tanàgny raiky ta Samaria Izy, hangiagny hoe Sykara, mariny an'ilay ampahan-tany izay nimen'i Jakoba an'i Josefa zanany. ⁶ Teo gne fangalan-dranon'i Jakoba. Natsiaro valaky tame diany Jesosy da nidoboky tame fangalan-drano. Tokony tme gn'ora fahaenina teo. ⁷ Nisy viavy Samaritans raiky Tonga angala rano, da hoy Jesosy taminazy hoe: "Mba agnomezo rano Iao ho sotroiko." ⁸ Fa gne mpianatriny efa dila t'an-tanàgny mba hividy hanigny. ⁹ Avy teo hoy igny viavy samaritana igny taminazy hoe: "Akognaia anao, izay Jiosy, gne mangataka aminà, iao viavy samaritana ty, rano ho sotroigny?" Fa indreo Jiosy tsy misy hifandraisagny ame samaritana. ¹⁰ Fa Jesosy namaly da nizaka taminazy hoe: "Raha lalanao gne fagnomezan'Andriamanitry, da gne mizaka aminao hoe: 'omeo iao hosotroiko,' da anao avakoa gne nangataky taminazy, da omeny rano velogny." ¹¹ Hoy igny viavy igny taminazy hoe: "Tompoko, Anao da tsy managny fanovozagny sady gne fangalan-drano da laligny. Da Akognaia gne hahazaoanao rano velogny? ¹² Anao da tsy zakabe, sa, noho Jakoba razambentsika, izay magnome anay gne fangalan-drano sy nisotro tam'izany gne tegnany, akô gne nanin-dreo zanany miaraky amin'e biby?" ¹³ Jesosy namaly da nizaka taminazy hoe: " Izay mindrano am'ity rano ity da mbola hangetaheta indraiky, ¹⁴ fa ndre ia ndre ia misotro ame rano homeko anazy da tsy hangetaheta mandrakizay. F'izy, gne rano izay omeko anazy da hanjary loharano miboiboiky agnatiny, izay mitondra amin'e fiainagny mandrakizay." ¹⁵ Hoy raviavy taminazy hoe: "Tompoko, omeo an'izany Rani izany iao mba tsy hangetaheta sady ho avy angala rano eto koa." ¹⁶ Hoy Jesosy tamin-draviavy hoe: "Mandiana, angio gne vadinao, da miviregna aty." ¹⁷ Namaly igny viavy igny da nizaka taminazy hoe: "Tsy manambady iao." Namaly Jesosy hoe: 'Marigny e zakanao hoe: 'Tsy manambady anao,' ¹⁸ f'izy efa manambady indimy anao, da gne raiky hipetrahanao amizao da tsy mbola vadinao. Marina gne raha zakaina." ¹⁹ Hoy raviavy taminazy hoe: "Tompoko, itako fa mpaminany Anao. ²⁰ Indreo razantsika nivavaky tamin'ity tendrombohitry ity tendrombohitry ity, f'izy anareo magnambara fa Jerosalema gne toeragny tokony hivavahan'olo." ²¹ Hoy Jesosy taminazy hoe: "Minoa Anà, raviavy, fa ho avy gn'andro hideranareo gne Ray da tsy am'ity an-tendrombohitry ty gne tsy a Jerosalema. ²² Fa anareo mandoaliky amin'izay fantanareo. Fa Iay da mandoaliky am'izay fantanay, satria gne famonjegny da avy am'e Jiosy. ²³ F'izy, ho avy gn'andro, da tonga amizao, raha hidera gne Ray amin'e fagnahy sy fahamarinagny indreo tena mpivavaky, satria e Ray da mitady olo akô izany ho mpidera Anazy. ²⁴ Andriamanitra da Fagnahy, da gne olo izay midera Anazy da tsy maintsy midera amin'e fagnahy sy fahamarinagny." ²⁵ Hoy igny viavy igny taminazy hoe: "Fantako fa ho avy gne Mesia (gn'antsovagny hoe Kristy). Da ra avy Izy, da hagnazava amintsika gne raha aby." ²⁶ Hoy Jesosy taminazy hoe: "Iao izay mikoragny aminao, gne Izy." ²⁷ Tamin'izany fotoagny izany da nipody gne mpianatriny. Da nagnontany tegna indreo hoe nagnino Izy gne miresaky ame viavy, fa tsy nisy nizaka hoe: "Ino gne tadiavinao?" na hoe: "Nagnino Anao rà miresaky amin'azy?" ²⁸ Noho izany da namela gne sininy raviavy, da nandea nipody ta tanàgny, sady nizaka tamign'olo hoe: ²⁹ "Aska, agnety gne lelà nizaka gne raha namboariko marobe. Tsy ho Kristy izany, sa Izy?" ³⁰ Da niala tame tanàgny indreo da nandea taminazy. ³¹ Nandritry an'izany, namporisiky Anazy indreo mpianatry, magnano hoe: "Raby, mihinàna." ³² Fa hoy Izy tamin-dreo hoe: "Iao da managny hanigny afaky hoanigny izay tsy fantatrareo." ³³ Da nifampizaka indreo mpianatry hoe: "Tsy nisy olo ninday Raha ho hanigny ho anazy, sa nisy?" ³⁴ Hoy Jesosy tamindreo hoe: "Gne hanigny da gne magnano gne sitrapon'Ilay nagniraky Ana sady magnano gn'asany. ³⁵ Anao me tsy mizaka hoe: "Efa-bolagny sisa da ho avy gne fararano?' Zakaiko aminareo, hatsipizo gne masonareo da iteo gne an-tanimboly, fa efa masaky sady ho hilaigny indreo! ³⁶ Izay mihila da mandray karama sady manangogny vokatry ho ame fiainagny mandrakizay, ka hiaraky faly gne mpamafy miaraky ame mpihila. ³⁷ Fa amin'izany da marigny e zaka magnano hoe: 'Gne raiky mamafy, da gne raiky mihila,' ³⁸ Nagniraky anareo hihila gne tsy nisasaranareo Iao. Indreo hafa gne nisasatry, da anareo gne niditry tamin'izany nisasarany." ³⁹ Maro tamindreo samaritana tamin'izany tanàgny zany gne nino Anazy nohon'e tatitrin'igny viavy nizaka hoe: " Nozakainy taminà aby e raha nataomk aby io." ⁴⁰ Da rehefa nagnantogny Anazy indreo samaritana, da nangataky nAnazy mba hijanogny hiaraky amindreo, da nijanogny tamignao roy andro Izy. ⁴¹ Maro gne nino nohon'e Zanany. ⁴² Hoy indreo tamin-draviavy hoe: "Tsy noho gne raha nozakainao gne hinoanay, fa anay minsy gn'efa nahare, da fantanay fa Izy tokôtry gne Mpamonjy am'izao tontolo izao." ⁴³ Tafaran'e Roy andro io, da niala avy tao Izy handea a Galilia. ⁴⁴ Fa Jesosy mihintsy gne nagnambara fa gne mpaminany da tsy manan-danja ame taniny nanokagny. ⁴⁵ Rehefa avy ta Galilia Izy, da nandray Anazy indreo Galilia. Indreo da nahita gne raha aby naniny ta Jerosalema tamign'andro firavoravoagny, satria nandeha tamin'e andro firavoravoagny avakoa indreo. ⁴⁶ Da avy te Kana a Galilia indraiky Izy, gne toeragny namadiany gne rano ho divay. Nisy tandapa raiky zay nanagny zanaky là marary ta Kapernaomy. ⁴⁷ Rehefa regniny fa avy ta Jodia ande a Galilia Jesosy, da nagnantogny tam'i Jesosy Izy sad nangataky taminazy mba nidigny mba hagnasitragny gne zanany là, izay efa ho faty. ⁴⁸ Avy teo Jesosy nizaka taminazy hoe: "Raha tsy mahita famantaragny sy fahagagagny anareo, tsy mba hino minsy." ⁴⁹ Hoy e tandapa taminazy hoe: "Tompoko, midigna alohan'e fahafatesan'e zanako." ⁵⁰ Hoy I Jesosy taminazy hoe: "Mandiana. Velogny e zanakao." Nino gne zakan'i Jesosy ra lelà, da dila izy. ⁵¹ Raha igny izy nidigny igny, da nitsena anazy indreo mpanompony, nizaka fa velogny gne zanany. ⁵² Da nagnontany andreo gne lera nagnaretagny izy. Namaly anazy indreo hoe: "Omaly tamin'e lera fafafito gne nelan'e tazo taminazy. ⁵³ Fantatr'i abany avy teo fa tamin'io lera io e nizakan'i Jesosy anazy hoe: "Velogny e zanakao." Da nino gne tegnany miaraky amin'e fianakaviany marobe. ⁵⁴ Izany gne famantaragny faharoy nanin'i Jesosy tamin'Izy niala ta Jodia ho a Galilia.