¹ Aveo zaho nahita lagnitra ambana tany vaovao, ka fôgna ny lagnitra amban'ny ny tany voalohany, ka tsisy koa ny ranomasina. ² Hitako ny tanàna masina, de Jerosalema vaovao, zay nijotso avy tagny an-dagnitra, avy amin'Andriamanitra, vôhomagna kara ny ampipôziavina ho an'ny vadiny. ³ Haregny feo mafy avy tamin'ny seza fiandrianana zaho mizaka hoe: "Io! Eo amin'ny olona ny toeran'ny taberna bitaka an'Andriamanitra, de hiaigna miaraka amin'iary zareo izy. Ho olony iary zareo, ka Andriamanitra tegnany no hiaraka amin'iary zareo ka Izy ho Andriamanitr'iary zareo. ⁴ Hamafa ny ranomaso marobe amin'ny mason'iary zareo Izy, ka de Tsy hisy fafatesana koa, na alahelo, na tomagny, na fanaitanana. Efa dila ny raha taloha. ⁵ Ny raika nipetraka tambon'ny seza fiandrianana nizaka hoe: "Io! Namboariko vaovao ny raha marobe." Nizaka Izy: "Soraty zao satria ny zaka Io de mahatoky sy marina." ⁶ Nizaka Izy tamiko hoe: "Efa vita raha Io! Izaho no Alfa sady Omega, ny fanombohana sady fiafarana. Zay tehinan-drano de ameko ho anina maimaim-pôgna avy amin'ny loharano ny fiaignana. ⁷ Zay mandresy de handova ny raha Io, de zaho no ho Andriamaniny, ka izy ho zanako. ⁸ Fa ny osana, Tsy manam-pinoana, mahadikidiky, mpamono olona, mpijangajanga, mpagnano ody, mpanomposampy,sady mpandainga, de agny amin'ny farihy mirehitr'afo solifara no petrahan'iary zareo. Zay no fahafatesana faharoy." ⁹ Nagnatogna an'ahy ny raika tamin'ny anjely fito, ny raika nanagna ny kopy fito feno ny loza fito farany, de nizaka izy hoe: "Avy atiky. Hatoroko anao ny ampakarina, ny vadin'ny Zanak'ondry." ¹⁰ Aveo de nandaony tamin'ny Fanahy tagny amin'ny vohitra ambo zaho de natorony ahy ny Jerosalema tanàna masina midina avy tan-dagnitra tamin'Andriamanitra. ¹¹ Nanagna ny voninahitr'Andriamanitra i Jerosalema, de ny famirampiratany de kara ny vato tsara sarobidy, kara ny vato kristalina jaspy madio. ¹² Nanagna rindrigna ambo lebe miaraka tamin'ny vavahady roy ambin'ny folo, miaraka tamin'ny anjely roy ambin'ny folo tamin'ny zanak'Israely. ¹³ Nisy vavahady telo tantsignianana,de tavaratra, de ny tatsimo ambin'ny tandrefana. ¹⁴ Nanagna fototra roy ambin'ny folo ny rindrignin'ny tanàna, ka tamin'io no nisy ny anarana apôstôlin'ny Zanak'ondry roy ambin'ny folo. ¹⁵ Ny raika zay nikorana tamina de nanagna fandrefesana volotara vita tamina volamena mba handrefesana ny tanàna, de ny vavahadiny, ambin'ny rindrignany ¹⁶ Mitovy amina efa-joro i tanàna igny; mitovy ny lavany sy ny sakany. Nandrefy ny tànana tamin'ny fandrefesana volotara Igny Izy, roy arivo metatra ny halavany (mitovy ny halavany, mbamin'ny sakany, de ny hamboasany). ¹⁷ De nandrefy ny rindrignan'zany koa izy, 114 hakiho ndreka refesin'ny olona (de refin'ny anjely my koa zany). ¹⁸ Vita tamina jaspy i rindrigna igny de tamina volamena tsisy fagnarony, kara ny fitaratra madio. ¹⁹ Ny fototra ny rindrigna igny de nasena tamin'iregny karazagna vato sarobidy marobe. Ny vôlohany de jaspy, ny faharoy safira, ny fahatelo kalkedôna, ny fahaefatra emeralda, ²⁰ ny fahadimy sardôniksa, ny fahenina, karneôla, ny fahafito krysôlita, ny fahavalo beryla, ny fahasivy tôpaza, ny fahafolo krysôprasô, ny faha raika ambin'ny folo jacinta, ny faha roy ambin'ny folo ametysta. ²¹ Ny vavahady roy ambin'ny folo de vato soa roy ambin'ny folo; ny tsirairaika tamin'iregny vavahady de vita tamin'ny vato soa raika. Ny làlam-be tan-tanàna de volamena tsisy fagnarony, ôtrany fitaratra magnarahara. ²² Tsy nahita fiangonana tamin'ny tanàna zaho, satria Tompo Andriamanitra Tsitoha mbaminy Zanak'ondry no fiangonany. ²³ Ny tanàna de tsy nilana masoandro na volana mba hampazava amin'zany satria ny voninahitr'Andriamanitra de nanazava tamin'zany, de ny Zanak'ondry no jiron'zany. ²⁴ Handea amin'zany fahazavan'zany tanàna zany iregny firenena. Iregny mpanjakan'ny tany de hitondra ny hatsaran'iary zareo ho ao amin'zany. (Fagnamarihana: Ny antotan-taratasy taloha sanagny de mivaky hoe: "Iregny firenena zay vôvonjy de handea amin'ny fahazavan'zany tanàna zany.") ²⁵ Tsy ihidy zany vavahady zany mandrapatapitra ny andro, de tsy hisy alina agny. ²⁶ Hitondra ny fahatsarana mbaminy hajan'iregny firenena ao amin'zany iary zareo, ²⁷ de tsy hisy maloto hiditra amin'zany mihitsy. Tsy hisy niza niza hagnano raha mahamegnatra amban'na mamitaka hiditra ao, fa zay vôsoratra agnarana amin'ny Bokin'ny Zanak'ondrin'ny fiaignana my.