¹ Ny fariseo mbàn'ny mpanoradalàna de tonga nivory, magnodidigna an'Azy. ² De hitan'iary zareo ny mpianatrany sasany nihinagna mofo tamina tagnana tsy madio, izany hoe, tsy nisasàna. ³ (Fa ny Fariseo sy ny Jiosy marobe koza de tsy avy ihinagna na tsy efa avy nanasa tagnana iary zareo, satria, magnaraka ny fomban'iary zareo loholona). ⁴ Ka ndreka nierigna avy tagny a bazary ny Fariseo, de tsy avy ihinagna iary zareoraha tsy efa avy nandro sady nifady raha marobe, karan'ny fanasana mbàn'ny kapôka, fagnaranana, de ny entagna varahina, atramin'ny fandrena ihinana'iary zareo.) ⁵ Ny fariseo mbàn'ny mpanoradalàna nagnotany an'i Jesôsy hoe: "Nagnino mpianatranao na tsy mandeha magnaraka ny fombafombab'iary zareo loholona, fa de mihinagna ny mofon'iary zareo amina tagnana tsy nisasana?" ⁶ Nefa de nizaka izy tamin'iary zareo: "Isaia naminany tsara mombanareo mpetsaravelatsihy . nisoratany hoe: "Tôgny fokonolona tôgny de magnaja anaha tamin'ny molotrany fa i fon'iary zareo, koza de lavitra anaha. ⁷ Fôgna aby ny fivavahana omen'iary zareo anaha , ndreka mampianatra ny fomban'olombelona ho fampenarana iary zareo. ⁸ Afoinareo ny didin'Andriamanitra ka de tananareo mafy ny fomban'olona." ⁹ De nizaka koa Izy tamin'iary zareo hoe: "karan'ino ny fagnarenanareo ny didin'Andriamanitra mba agnarahanareo ny fomba-ndrazagnareo! ¹⁰ De nizakain'i Mosesy; 'hajay iabanao izy amin'ny endrinao; sady koa ndregny magnasaha an'ny iabany na i endriny de ho faty tegnany.' ¹¹ Nefa anareo mizâka hoe: 'Raha misy lilahy raika mizaka an'ny iabany na ny endriny hoe: "Ndre ino ndre ino tenareo ho azo taminaha de efa Korbana," (midika hoe:" 'Nomen'Andriamanitra') -- ¹² de ekenareo hagnano n'ino n'ino amin'ny iabany amin'ny endriny koa izy. ¹³ Magnafôgna ny zakan'Andriamanitra satria fomban-drazagnanareo my nitànanareo." ¹⁴ Sady raha maro karan'izany koa namboarinareo. De nagnantso ny fokonolona ndreka Izy ady nizaka tamin'iary zareo hoe: "Mitenoa anaha, anareo marobe, ka fantaro. ¹⁵ Tsisy raha avy ambelagny miditra agnatin'olona ka mampaloto an'azy, miditra amin'azy ao. Fa ny raha mivôka avy agnatin'olona igny mampaloto an'azy." ¹⁶ [Ny fandikana tena tsara de tsy asena andininy faha 16: ndreka misy managna tadigny iton0ôna de tokony iteno izy.] ¹⁷ Ka ndreka nenga tamin'ny fokonolona teo Jesôsy ka nitsofoka tandragno. Ny mpianatrany nagnotany an'Azy momba ny fagnoharana. ¹⁸ De nizaka Jesôsy tamin'Azy: " Anareo koa ma ka mbola tsy managna fahalalana? Tsy hitanareo ma fa zegny raha miditra avy ambelagny de tsy mampaloto an'Azy, ¹⁹ satria tsy tafiditra agnatin'ny fony izany, fa agnatin'ny kibo ao my de mivôka amin'ny fivoahana?" Tamin'nizany fampandregnesana izany de nampadio ny hanina marobr i Jesôsy. ²⁰ Nizaka Izy: "Ndregny nivôka avy amin'olona ny mampaloto an'azy. ²¹ Fa raha avy agnatin'olona, avy amin'ny fony ivoahan'ny tognotogno ratsy, ny fahavetavetana, ny fangalarana, ny famonoana olona, ²² ny fijangajangana,ny fagniriana mihôm-pampagna, ny haratsem-pagnahy, ny fagnambakana, ny fijejojejôna, ny felognana, ny fizakana afetsy, ny fevognana, ny hafokana. ²³ Zany raha ratsy marobe izany no mivôka avy agnatin'olona, de io no mampaloto an'azy." ²⁴ Nenga teo Izy ka de nandeha tagny amin'ny faritanin'ny Tyro de Sidona. Niditra tamina tragno raika Izy teny ho fantan-jovy na jovy fa tao Izy, nefa de tsy afaka nivony. ²⁵ Kanefa niaraka tamin'igny de nisy viavy raika, sady efa nisy fagnahy maloto raika ny zanagny viavy bitaka, naregny ny momba an'azy, tonga, de nandohalika tamin'ny tongotrany. ²⁶ Sady Grika raviavy igny, Syro-foinika ny feveny. Nengavy tamin'Azy izy mba handrôka ny devoly hoenga amin'ny zanagny viavy . ²⁷ De nizaka Izy tamin'azy : "Mba omeo hanina hanina eky za-madinika. Satria tsy mety ny mangalaka ny mofon-jaza ka hanipy an'izany ho an'amboa. ²⁸ Nefa namaly izy ka nizaka tamin'Azy hoe:" Fa ndre de amboa ao ambany latabatra aza de mihinagna ambinkambiny amina mofon-jaza." ²⁹ De nizaka Izy tamin'azy hoe: "Raha izany arika ny raha zakainao de de mahazo mandeha anao. Efa nenga tamin'ny zanakao viavy ny devoly". ³⁰ Ka ndreka nierigna tandragnony raviavy igny de nahita zaza nandry tambony fandrena, sady devoly efa nenga. ³¹ De nivôka ndreka Jesôsy nenga ny faritran'ny Tyro, de namaky an'i Sidona hatragny amin'ny ranomasinan'ny Galilia ka niakatra ny faritran'ny Dekapolisy. ³² De nindôsin'iary zareo tamin'azy teo ny olona ny olona maregnina sahiragna ndreka mizaka, sady nitaraigna tamin'iary zareo agnapetrahan'ny tagnana amin'azy. ³³ Nitondra an'ny ralilahy nenga tamin'ny olona marobe io teo Izy, de nametraka rantsan-tagnana tamin'ny tadigniny Izy, ka ndreka avy nandrora, de nitàna ny lelany. ³⁴ De nitraka nizaha lanitra Izy, de nisento ka nizaka tamin'azy hoe: "Efata", midika hoe: "Maladia" ³⁵ De tsielatsela teo de ny tadigniny de nalady, sady zegny nagnidy an lelany de potika sady afaka nizaka mazava tsara izy. ³⁶ Sady Jesôsy nandrara an'iary zareo mba tsy hizaka na amin-jovy na amin-jovy. Kanefa ndre de nirarana iary zareo, vomaika niparitaka be izany. ³⁷ De gaga aby ny olona, ka nizaka hoe: "Namboariny tsara aby ny raha marobe. Nataony naregny ndre ny maregnina sady nizaka ny môgna."