¹ Ny fanjakan'ny lanitra de karan'ny virjiny folo izay nangalaka ny jirony ka nandeha nihaogna tamin'ny mpampakatra. ² Foka ny dimy tamin'iary zareo fa ny dimy koza kanty. ³ Ndreka nitondra ny jirony iary zareo virjiny foka de tsy nitondra solika niaraka tamin'azy. ⁴ Fa iary zareo virjiny kanty koza de nitondra fampirimana solika niaraka tamin'ny jirony. ⁵ Ka ndreka tara ny mpampakatra, de torizina izy marobe ka nandry. ⁶ Fa tamin'ny sasak'alina de nisy feo nagnantso mafy hoe: "Igny, ny mpampakatra ! mivoaha mba hiaogna amin'azy." ⁷ Aveo niarina ny virjiny marobe ka nikarakara ny jirony. ⁸ Nizaka iary zareo foka io tamin'iary zareo kanty hoe: Mba omeo tapany amin'ny solikanareo anay fa efa ho faty ny jironay. ⁹ Fa namaly iary zareo kanty ka nizaka hoe: " Sô de tsy ho ampy anay sady tsy ampy anareo, mandàna koza mividy agny amin'ny mpivarotra ho an'ny tegnanareo." ¹⁰ Ndreka nandeha nivanga iary zareo de tonga ny mpampakatra,de zegny efa vognona de niara-nandeha tamin'azy ho ao amin'ny fanasam-panambadena, ka nihidy ny vavahady. ¹¹ Ndreka afaka zany de tonga koa ny virjiny sanagny ka nizaka hoe: " Tompoko, Tompoko, mba vohay izahay." ¹² Fa namaly izy de nizaka hoe: "Zakaiko marina aminareo, tsy mafantatra anareo aho." ¹³ Koa amin'izany membena, fa tsy fantatrareo ny andro na ny lera. ¹⁴ Fa izany de kara ny lilahy raika zay handeha ho agny amin'ny firenenan-kafa. Nagnantso ny mpiasany izy ka nampitantana an'iary zareo ny harenany. ¹⁵ Ny raika tamin'iary zareo nameny talenta dimy, ny raika hafa nameny roy de ny raika hafa koza nameny talenta raika. Ny tsirai-draika de samby nangalaka talenta zay hainy aby, de nandeha tamin'ny deny zany lilahy zany. ¹⁶ Ny raika zegny nangalaka talenta dimy de nandeha teo no ho eo ka nampiasa ka nahazo talenta dimy hafa. ¹⁷ Karan'izany koza ny raika zay nahazo talenta roy nahazo roy hafa. ¹⁸ Fa ny mpiasa raika zay nahazo talenta raika koza, nandeha ka nangady lavaka tamin'ny tany, ka nadevigna ny volan'ny mpampiasa anazy ¹⁹ Ka fotôna ela taty afara de niherigna ny mpampiasa ny mpiasany de nandamin-draharaha tamin'iary zareo. ²⁰ Niditra ny mpiasa nahazo talenta dimy sady nitondra talenta dimy hafa. Nizaka izy hoe: "Tompoko, namenao talenta dimy izaho. Ka nampitombo talenta dimy hafa aho." ²¹ Nizaka ny mpampiasa tamin'azy hoe: " Tsara izany ry mpiasa tsara sady mahatoky! Natoky tamin'ny raha vitsivitsy anao. Zaho hampandrekitra anao amin'ny raha maro. Midira amin'ny fifalen'ny mpampiasanao." ²² Ny mpiasa nahazo talenta roy de nagnantogna ka nizaka hoe "Mpampiasa, namenao talenta roy aho, igny, de nampitombo talenta roy hafa ." ²³ Nizaka an'azy ny mpampiasa hoe: 'Tsara zany, ry mpiasa tsara sady mahatoky! Nahatoky tamin'ny raha vitsitsy anao. Zaho hampiandrekitra anao amin'ny raha maro. Midira amin'ny fifalen'ny mpampiasanao.' ²⁴ Aveo ny mpiasa nahazo talenta raika de nagnantogna sady nizaka hoe: "Mpampiasa, fantako fa lilahy hentitra anao. Mambely egny amin'izay tsy namafazanao anao, sady mangorogna vokatra egny amin'izay tsy nambolenao. ²⁵ Natahotra aho, ka nandeha nagnamony ny talentanao tangatin'ny tany. Jerevo, igny zany anao. " ²⁶ De namaly anazy ny mpampiasany de nagnano tamin'azy hoe:" Anao mpanompo ratsy sady malaigna, fantanao fa zaho de mambely amin'izay tsy namboleko sady mangorogna vokatra amin'izay tsy namboleko. ²⁷ Amin'izany de tokony nomenao ny mpanjana-bola ny volako, ka ndreka nierigna iaho de nandray nenaha miaraka amin'ny tombony. ²⁸ Ka amin'izany alay amin'azy agny ny talenta de omeo an'ny mpiasa zay managna talenta folo zany . ²⁹ Fa zegny managna de omena be kokoa mihôtra lavitra aza. Fa ho an'iary zareo zegny tsy mbola managna na ino na ino koza, ndregny anagnany de alaina amin'azy. ³⁰ Areo agny amin'ny mizigna agny ambelagny ny mpiasa tsy tsara, agny no misy fitomagnena mban'ny fikotroha-nify. ³¹ ka ndreka tonga amin'ny voninahitrany Zanak'Olona mban'ny anjely marobe miaraka Amin'Azy, de hipetraka eo amin'ny seza fihandrihanan'ny voninahitrany Izy. ³² De ny firenena marobe de haotrika eo alohany, de hampiavaka ny olona raika amin'ny ny raika hafa Izy, mitovy amin'ny ny mpiambina ondry mampiavaka ny ondry amin'ny osy. ³³ Hametraka ny ondry ankavananan'izy, de ny osy ankaviany. ³⁴ De ny mpanjaka hizaka amin'iary zareo zay eo an-tagnan-kavanany hoe: 'Malaky, anareo zegny notahin' Iabako, mandovà ny fanjakana zay efa vôhomagna ho anareo hatramin'izay namoronana an'izao tontolo izao. ³⁵ Fa mosarena Aho de nomenareo hanina; te hinan-drano nomenareo ho goina; nivahiny Aho de nampadrosoinareo; ³⁶ tsy nanagna akanjoAho de nampekanjoinareo; narary Aho de nikarakarainareo; de tagny am-pigadrana Aho de nandeha taminaha anareo.' ³⁷ Ka ndregny marina de hamaly sady hizaka hoe: 'Tompo, ovena zahay no mahita Anao mosarena ka namahana Anao? Na te hinan-drano ka nampihinaninay ? ³⁸ Ovena Anao no hitanay nivahiny ka nampandrosoinay? Na tsy niakanjo ka nampekanjoinay? ³⁹ Ovena izahay no nahita Anao narary na tagny am-pigadrana ka nandeha taminao? ⁴⁰ De ny mpanjaka namaly ka nizaka an'azy hoe: 'Zakaiko marina aminareo, zegny nataonareo tamin'ny rahalahiko farany bitaka io, de nataonareo taminaha.' ⁴¹ De izay hizaka amin'iary zareo zegny eo ankaviany hoe: ' Mengà aminaha, anareo zegny vôhozogna, ho agny amin'ny afo mirehitra mandrakizay zay efa vôhomagna ho an'ny devoly sy ny anjeliny, ⁴² satria mosarena Aho, fa tsy nomenareo hanina; te hinan-drano Aho, fa tsy nomenareo ho goina; ⁴³ nivahiny Aho, de tsy nampandrosoinareo, tsy niakanjo Aho, nefa tsy nampekanjoinareo;narary sady tao am-pigadrana Aho, fa tsy nokarakarainareo.' ⁴⁴ De namaly ndreka iary zareo ka nizaka hoe: 'Tompo! tamivena ahay nahita Anao mosarena, na te hinan-drano, na nivahiny, na tsy niakanjo, na narary, na ny tagny am-pigadrana, ka tsy nanompo Anao? ⁴⁵ De Izy hamaly an'iary zareo ka hizaka hoe: ' Zakaiko marina aminareo, fa zay tsy nataonareo tamin'ny raika farany bitaka io, de tsy nataonareo taminaha.' ⁴⁶ Io de ho alefa ho ao amin'ny fagnasaziana mandrakizay fa ny marina koza ao amin'ny fiaignana mandrakizay."