¹ Fantaro izao: amin'ny farany de hisy ny fotôn-tsarotra. ² Satria ny olona ho te-tegna, te vola, ho mpirehareha, ho mpidera tegna, ho tsy mpagnaja an'Andriamanitra, tsy magnaja ray aman-dreny, tsy misôtra, sady tsy masina. ³ Tsy hanam-pitiavana ny fianakaviany iary zareo, mpanohitohitra, ho magnendrikendrika, tsy hahafehy tegna, hahary setra, tsy ho tia ny tsara. ⁴ Ho mpamadika iary zareo, tsisy eritreritra, mpagnambony tegna, tia fahafinaretana mihôtra noho ireo tian'Andriamanitra. ⁵ hanagna ny toetra kara ny an'Andriamanitra iary zareo, kanefa de handà ny heriny. Mengà amin'ny olona io. ⁶ Satria ny sanagny tamin'io de lilahy miditra ao an-tokantrano sady mahatara ny viavy foka. Io no viavy zay tsy afaka amin'ny fahotana sady vôtarika amin'ny filàna samihafa. ⁷ Io viavy io de mianatra fehizay, kanefa tsy ho tonga amin'ny fahafantarana ny fahamarinana mihitsy. ⁸ Karan'izany my koa i Jana sy i Jambra nitsangana noanohitra an'i Mosesy. Tamin'izany de nitsangana my koa ny mpampianatra sandoka io hanohitra ny marina. Iary zareo io de lilahy ratsy fisaignana, tsy nankasitrahana tamin'ny finôna. ⁹ Fa tsy handroso lavitra iary zareo. Satria ny hafokany de hita mazava amin'ny olona marobe, kara nen'ny lilahy io aby. ¹⁰ Fa na anareo koza, de efa nagnaraka ny fampianarako, ny fitondrana, ny fikasana, finôna, ny faharetam-po, ny fitiavana, ny faharetana, ¹¹ ny fagnenjehana, ny fijalena, mban'ny zay mitranga taminaha tany Antiokia, tagny Ikonioma sady tagny Lystra. Niharitra ny fagnenjehana aho. Avy amin'ny maro aby io, de namanjy anaha ny Tompo. ¹² Zegny maro te-hiaigna araka ny fomban'Andrimanitra amin'ny Kristy Jesôsy de ho enjehina. ¹³ Ny olon-dratsy mban'ny mpisandoka de ho agny amin'ny ratsy kokoa fehizay. Iary zareo de hitarika ny olon-kafa agny amin'ny lalan-diso. Sady iary zareo tegnany de ho vôtarika amin'izany. ¹⁴ Fa na anareo koza, mipetraka amin'ny raha zegny efa nenaranareo sady efa ninônareo mafy hoe avy amin'iza no efa nenaranareo. ¹⁵ Fantanareo fa hatramin'ny fahazazana de efa nahalala ny asa soratra masina anareo. Izy io de hahavita hampakanty anareo ho amin'ny famonjena amin'ny alalan'ny finôna an'i Jesôsy Kristy. ¹⁶ Ny Soratra Masina marobe de avy amin'ny tsindrimandrin'Andriamanitra. Izany tombony ho an'ny fotom-pampenarana, ho an'ny fanondrôna ny diso, ho an'ny fagnitsiana, de ho an'ny fampiofagnana amin'ny fahamarinana. ¹⁷ Izany de mba hatonga ny lehilahin'Andriamanitra hahay tsara, sady ho vôhomagna tanteraka amin'ny asa tsara maro aby.