¹ Amizao mikasika ireo fotôna mbamin'ny vanim-potôna, ry rahalay, tsy miharagna na ino na ino voasoratra ho anareo ianareo. ² Fa ny tegnanareo mahalala tsara fa ny andron'ny Tompo de ho avy ôtra ny mpangalatra amin'ny alina. ³ Ndreka mizaka iary zareo hoe: "Miadana sady milamina," de fahapotehana tampoka no ho avy amin'iary zareo. Ho kara ny ny fahararian'ny viavy bevohoka ndreka miteraka zany. Tsy afaka milefa mihitsy iary zareo ⁴ Fa anareo, ry rahalay, de tsy agnatiny haizigna ka hagnatratra anareo tampoka kara ny mpangalatra amin'ny atoandro zany. ⁵ Fa anareo ndreka de zanaky ny mazava sy zanaky ny atoandro. ⁶ Noho ny zany, andao atsena tsy hoandry kara ny famboarin'ny sanagny. Fa atsena koja, aoka hitandrina sy hamehy tegna. ⁷ Fa iary zareo zay mandry de magnano an'zany amin'ny alina, ka iary zareo mamo de magnano an'zany my koa amin'ny alina. ⁸ Fa na mbola an'ny atoandro atsena, de tsy mentsy mahafehy tegna sady misikina finoana sy fitiavana ho fiarovan-tratra, ka ny antoky ny famonjena amin'ny ho avy ho fiarovan-dohantsena. ⁹ Fa Andriamanitra tsy nanokana antsena ho amin'ny fahavignirana, fa mba hazaoana famonjena amin'ny alalan'i Jesôsy Tompontsika. ¹⁰ Izy efa maty ho antsena, na mifoa atsena na mandry, de afaka miaraka miaigna amin'Azy. ¹¹ Ka amin'zany mifampionona sy mifampahereza anareo, kara ny efa nataonareo. ¹² Mangataka aminareo zahay, ry rahalay, mba hagnekenareo zay misahirana aminareo sy mitondra anareo amin'ny Tompo sady magnanatra anareo. ¹³ Magnataka aminareo my koa zahay mba hagnaja an'iary zareo am-pitiavana naho ny asan'iary zareo. mihavàna amin'ny tegnanareo. ¹⁴ Magnanatra anareo zahay, ry rahalay: ampitandremo ny fikorontagnana, hampaherezo iregny ketraka, ampeo ny malemy, mahareta amin'ny raha marobe. ¹⁵ Tsisy olona mamaly ratsy ny ratsy na amin'iza na amin'iza. Fa koja, miaragna zay tsara ho an'ny tsirai-draika sady ho an'ny marobe. ¹⁶ Mifalia fehizay. ¹⁷ Aza megnina mivavaka. ¹⁸ Misaora amin'ny raha marobe. Fa zany no sitrapon'Andriamanitra ao amin'ny Kristy Jesôsy ho anareo. ¹⁹ Aza mamono ny Fanahy. ²⁰ Aza magnano tsinotsino ny faminaniana. ²¹ Andramo ny raha marobe. Tano mafy zay tsara. ²² Fadio ny fomba ratsy marobe. ²³ Andriamanitry ny fiadanana ane hagnamasina anao tanteraka. Aoka ny tegnanareo raika manontolo de fehezina tsy hanagna tsigny ho amin'ny fihaven'i Jesôsy Kristy Tompontsika. ²⁴ Mahatoky Izy zay magnatso anao, ny raika zay hagnano an'zany my koa. ²⁵ Anareo rahalay, mivavaha my koa ho anay. ²⁶ Arabay amin'ny fagnorohana masina ny rahalay marobe. ²⁷ Magnataka aminareo amin'ny Tompo zaho mba ho vakiana amin'ny rahalay marobe ity taratasy ity. ²⁸ Ho aminareo ane ny fahasoavan'i Jesôsy Kristy Tompontsika.