¹ Ado pun posan nang sasungguhnyo samo kamu di muko Allah dan Yesus Kristus Diolah nang manghakimi orang hidup dan nang mati: Korno kadatangan-Nyo dan karajaan-Nyo sudah ado. ² Baritokanlah firman nang baek ato pun nang tak baek waktu nyo; Togurlah, nasehatilah, dan tolaklah orang tu dongan kasabaran dan pengajaran. ³ Orang - orang tu tak ondak lagi manarimo ajaran sehat. Untuk mangonyangkan talingo jugo mangumpulkan guru - guru buat diri orangtu sandiri nang sasuai kainginan orangtu. ⁴ Orangtu pun manutup pandongaran dari kabonaran dan babalik samo dongeng - dongeng. ⁵ Samantaro kamu bajago - jago dalam segala hal, batahanlah dalam kasulitan, karojokanlah tugas pambarita Injil, dan salosekanlah palayananmu. ⁶ Sobab, aku dah dicurahkan bagai cangkir persembahan, dan waktu kepergian ku sudah tibo. ⁷ Aku sudah bakalai dalam pakalaian nang baek aku sudah mangakhiri partandingan, aku sudah mamalihara iman. ⁸ Sakarang, mahkota kabonaran sudah disadiakan bagiku. Pas hari tu Tuhan, hakim nang adil jugo manghadiakannyo samo ku dan tak samo mu, malainkan kapado samuo orang nang marindukan kadatang-Nyo. ⁹ Copatlah datang samo ku. ¹⁰ Korno Demas maninggalkan aku, sobab dio lobih mancintai Dunio ni dan pogi ka Tesalonika. Krekes sudah pogi kah Galatia dan Titus ka Dalmatia. ¹¹ Hanya Lukas nang ado samoku. Jomputlah Markus dan bawaklah dio basamo dongan kau korno dio baguna samoku untuk palayanan. ¹² Aku sudah manyuruh Tikhikus ka Efesus. ¹³ Kalok kau datang, bawaklah jubah nang ku tingggalkan ka Karpus di Troas dan jugo buku-bukuku, nang ponting samuo parkamen tu. ¹⁴ Si Aleksander, si tukang bosi tuh sudah marugikan aku. Ondaknyo Tuhan mambalas sasuai ulah nyo. ¹⁵ Bajago-jagolah kamu samo dia korno io sangat manontang ajaran kito. ¹⁶ Pas pambelaan ku nang patamo tak saorang pun nang mandukung aku korno samuo nyo sudah maninggalkan aku. Samoga tontang ni di balaskan orang samo orang tu. ¹⁷ Sobab, Tuhan togak di sabolahku dan manguatkanku sahinggo barito dapat dibaritokan saponuhnyo malalaui aku, samuo orang nang bukan Yahudi dapat mandongarnyo. Dongan bagitu aku di lopasksn dari mulut singa. ¹⁸ Tuhan ondak manyalamatkan dari samuo parbuatan jahat dan ondak mambawakku ka karajaan surgowi-Nyo dongan salamat. Dio lah kamuliaan sampek salama-lamanya. Amin. ¹⁹ Sampekkan posdan ku ka Priskila dan Akwila, dan ka saisi rumah Onesiforus. ²⁰ Eratus totap tinggal di Korintus dan Trofimus, aku di tinggalkan dalam kaadaan sakit di Miletus. ²¹ Barupayo bak datang ka sini sabolum musim dingin. Ebulus, Hudes, Linus, Klaudia, dan samuo sudaro saiman mangkirim salam ka kau. ²² Tuhan manyortai rohmu. Anugrah manyortai kamu.