¹ Pahami lah maso-maso tarakhir, katiko maso-maso pancuboan nang datang. ² Sobab, dio akan cinto dirinyo sandiri, cinto uang, pambual, sombong, manghino, tak patuh ka prang tuo, tak ondak batarima kasih, tak suko badame, ondak mamfitnah, orangnyo tak tararah, kojam, suko manengok nang susah, ⁴ Pemfitnah, sompor, angkuh, lobih ponting cinto hawa nafsu dari pado mancintai Allah, ⁵ Nampak nyo dio soleh tapi tak pacayo pado kuasonyo. Makonyo manjauh kau dari orang-orang macam tu. ⁶ Korno, ado jogo orang tu nang mangondap-ondap ka jamaat, orang tu jugo manyokap parawan-parawan tak badayo korno orang tu banyak dosonyo dan manyeret orang dongan bamacam hawa nafsu. ⁷ Parawan-parawan salalu balatih, tapi orang tu tak sampe mangonal apo tu kabonaran. ⁸ Samo dio macam Yanes dan Yambres mambantah Musa, Macam orang ni lah manantang kabonaran. Pikirannyo kotor samuo dan iman orang tu tak kobal di cuboi. ⁹ Korno, orang tu tak biso lagi malangkah jauh korno orang sudah mangorti kabodohan orang tu tabukti samuonyo, macam kaduo orang tu. ¹⁰ Tapikan, kau sudah mangikuti ajaranku, cara hidupku, tujuan hidupku, imanku, kasabaranku, kasihku, dan katurunanku, ¹¹ Macam panyiksaan dan padaritaan nang di alami di Antioksia, Ikonium, dan Listra. Aku batahan dalam panyiksaan, dan Tuhan salamatkan aku dari samuonyo. ¹² Sabotulnyo samuo orang nang ondak hidup saleh dalam Yesus Kristus pasti di siksa. ¹³ sobab orang-orang jahat dan samuo panipu barubah jadi buruk, orangtu manyosatkan dan disosatkan. ¹⁴ Sobab kamu samuo, toruskan apo nang sudah latih, dan kamu pacayo, kamu kan sudah tau samo siapo kamu mamplajarinyo ¹⁵ Kan sudah kamu konal Kitab Suci samaso kamu kocik, nang sanggup mangkasih hikmat jugo kasalamatan malalui iman dalam Yesus Kristus. ¹⁶ Samuo Kitab suci dinafasi oleh Allah dan baguno buat balatih, supayo mangaku salah, bak mambotulkan sikap, bak mandidik dalam kabonaran. ¹⁷ Sobab tu, manusia kapunyaan Allah akan bijak dan dilongkapi bak satiap parbuatan baek.