¹ Dari Paulus, Rosul Yesus Kristus oleh kamauan Allah ka orang-orang kudus di Efesus', orang-orang bariman dalam Yesus Kristus. ² Anugorah dan dame sojahtora bagi kamu dari Allah Bapa kito, dan Tuhan Yesus Kristus. ³ Tapujilah Allah dan Ayah dari Tuhan kito Kristus Yesus, yang sudah mamborkati kito dalam Kristus dengan satiap borkat rohani di tompat sorgawi'. ⁴ Sobab, Dio mamilih kito dalam Kristus sabolum parmulaan dunio supayo kito manjadi kudus' dan tidak bacola di dopan-Nyo. Dalam kasih, ⁵ Dio manotapkan kito dari samulo ondak diangkat manjadi anak-anak-Nyo malalui Kristus yang sasuai dengan kasukoan kamauan-Nyo. ⁶ Dio mangkarojokan tu bagi kapujian, kamuliaan, anugorah-Nyo, yang sudah di karuniakan-Nyo dengan pore-pore ka kito dalam Anak-Nyo yang takasih. ⁷ Dalam Dio, kito mandapat panobusan malalui darah-Nyo yaitu pangampunan atas palanggaran-palanggaran kito, sasuai dengan kakayaan anugorah-Nyo, ⁸ yang Allah limpokan ka kito dalam sagalo hilmat dan pangortian. ⁹ Dio mangkasitaukan ka kito rahasio kamauan-Nyo sasuai dengan maksud baik yang Dio rancanokan dalam Kristus, ¹⁰ yang mau dijalankan waktu kaponuhan-Nyo' tibo ondak mamparsatukan sagalo sasuatu dalam Kristus, yang ado di sorga maupun yang ado di bumi. ¹¹ Dalam Kristus, kito jugo sudah manjadi bagian dari warisan yang sudah di totapkan-Nyo dari samulo sasuai dengan rancano-Nyo, yang mangkorjokan sagalo sasuatu dalam kaputusan kamauan-Nyo. ¹² Supayo kito yang mulo-mulo malotakkan pangharapan ka Kristus akan manjadi pujia-pujian bagi kamuliaan-Nyo. ¹³ Dalam Dio, kamu jugo, sasudah mandongar firman kabonaran yaitu Injil' kasalamatanmu, dan parcayo ka Dio, disahkan dengan Roh Kudus yang dijanjikan. ¹⁴ Roh Kudus adalah jaminan' atas warisan kito, sampe panobusan tarjadi atas orang-orang yang manjadi milik kapunyaan Allah sandiri - bagi pujian kamulian-Nyo. ¹⁵ Oleh sobab itu, sojak awak mandongar tontang iman kamu dalam Tuhan Yesus dan kasihmu ka samuo orang kudus, ¹⁶ awak tak honti-hontinyo mangucap syukur untuk kamu waktu aku mangingat kamu dalam doa-doaku. ¹⁷ Awak badoa supayo Allah dari Tuhan kito, Kristus Yesus, Ayah dari kamuliaan, mangkasimu roh hikmat dan parnyatoan dalam pangatahuan tontang Dio. ¹⁸ Awak badoa supayo mato hatimu di torangi sahinggo kamu bisa mangorti pangharapan yang ado dalam panggilan-Nyo, kakayaan yang ado dalam warisan-Nyo yang mulio bagi orang-orang kudus, ¹⁹ lalu kakuatan bosar yang tak tarukur bagi kito yang pacayo, sabagaimano ditunjukkan dalam kamahabosaran kakuatan-Nyo. ²⁰ Kamahabosaran kakuatan-Nyo ni, Dio tunjukkan waktu Dio mambangkitkan Kristus dari antaro orang mati lalu mandudukkan Dio di sabolah kanan-Nyo di tompat sorgawi, ²¹ yang jauh lobih tinggi dari samuo aturan, kakuasoan, kakuatan, pamarintahan, dan lobih tinggi dari samuo namo yang pornah ado, bukan hanyo ka maso sakarang ni, tapi jugo ka maso yang akan datang. ²² Dio mangalahkan sagalo sasuatu di bawah kaki-Nyo lalu mangkasihkan diri-Nyo manjadi kapalo atas sagalo sasuatu bagi jamaat, ²³ yang adolah bandan-Nyo, dimano kaponuhan-Nyo mamonuhi samuonyo dan sagalonyo