¹ (Disalamatkan oleh Anugorah) Dulu, kamu mati dalam palanggaran-palanggaran dan doso-dosomu. ² Yang mano waktu tu kamu bajalan mangikuti jalan dunio, mangikuti panguaso-panguaso karajoan udaro, roh yang kinin bakorjo diantaro budak-budak yang tidak taat. ³ Dianbtaro orang tu, kito samuo dulu jugo hidup dalam nbafsu badan kito, mamuasakan kainginan badan dan pikiran kito. Kito pado dasarnyo adalah budak-budak. ⁴ Tapi, Allah, yang kayo bolas kasihannyo atao karono kasih-Nyo yg bosar tu Dio mangasihi kito, ⁵ Bahkan waktu kito mati dalam palanggaran-palanggaran kito, Dio manghidupkan kito basamo dengan kristus -- oleh anuhgorah kamu tolah disalamatkan --, ⁶ dan Dio mambangkitkan kito dengan Dio kalo mandudukkan kito samo denganSio di tompat surgo dalam Yesus Kristus, ⁷ supayo pado maso akan datang, Dio boleh manunjukkan kakayoan anuhgorah-Nyo yang tak tarukur dalam kabaikan-Nyo kapado kito dalam Yesus Kristus. ⁸ Sobab, oleh anuhgorah kamu diselamatkan malalui iman dan ini tak dari dirimu sandiri, tatapi karunio Allah, ⁹ bukan hasil usahamu, supayo tak saorangpun manyombongkan diri. ¹⁰ Kito ni buatan Allah, diciptakan dala Yesus Kristus untuk malakukan pakarojoan elok yang dipasiapkan Allah dulu supayo kito bisa hidup di dalamnyo ¹¹ Karono tu, ingatlah dulu kamu lahir sabagai orang kafir "orang tak basunat", oleh orang yang manyobut dirinyo sabagai "orang basunat", yaitu sunat yang dikarojokan pada badan oleh tangan manusio. ¹² Ingatlah waktu tu kamu hidup tanpa Kristus, tapisah dari kawargaan Israel dan orang asing bagi ikatan parjanjian yang dijanjikan, tak punyo pangharapan da tanpa Allah dalam dunio ni. ¹³ Namun, kini dalam Yesus Kristus, kamu dulu sangat jauh tolah dibawa manjadi dokat oleh darah Kristus. ¹⁴ Sobab, Dio sandiri adalah dame sajahtorah kito yang tolah mambuat kaduo bolah pihak manjadi satu dan sasudah manghancurkan tembok parmusuhan yang mancorekan, ¹⁵ dengan manghapus parmusuhan dalam badan-Nyo, yaitu Hukum Taurat yang barisi parintah-parintah dan katotapan-katotapan sahinggo di dalam diri-Nyo Dio mambuat kaduonyo manjadi satu manusio baru, sahinggo tarjadi pardamean, ¹⁶ dan mandamekan kaduonyo dengan Allah dalam satu tubuh malalui salib, sahinggo mamatikan parmusuhan. ¹⁷ Dio datang dan mangabarkan dame sejahtora samo kamu yang jauh dan dame sajahtora kapado orang dokat. ¹⁸ Sobab, malalui Dio, kito baduo punyo jalan masuk kapado Ayah dalam satu Roh. ¹⁹ Jadi, kamu tak lagi orang -orang asing dan pandatang, tapi sasamo warga dengan orang-orang kudus dan anggota-anggota kaluarga Allah, ²⁰ yang dibangun di atas dasar para rosul dan para nabi dengan Yesus Kristus sandiri sabagai batu panjurunyo. ²¹ Dalam Kristus, saluruh bangunan sodang disatukan basamo dan batumbuh manjadi Bait Suci dalam Tuhan. ²² Dalam Dio, kamu jugo sodang dibangun basamo manjadi tompat tinggal Allah dan Roh.