¹ Jehimaa'-jehimaa' pate, imam-imam kepala mengadakan ji' bua' perundingan dahim lim muku'-muku', dahin ahli-ahli Taurat, serta lim Sanhedrin. Dahin, daha' ngatung Jisus, geri'-Hia' leka', dahin mai-Hia' ta' Pilatus. ² Lalo, Pilatus metang ta'-Hia', "Nun kah Ika' Hipi' kalunaan Yahudi?" Dahin, Hia' nyuee ina', "Ika' alang megi' ina'." ³ Au anan, lim imam kepala menuduh Jisus bertubi-tubi. ⁴ Dahin, Pilatus metang ngua' ta' hia', "Nun kah ika' jaan nyue ina'? Nginaang, kuri' ngahum tuduhan daha' jung melawan-Ika'." ⁵ Tapi, Jisus jaan ngua' nyue atang Pilatus hiran. ⁶ Teguu' Do Raya Paskah, Pilatus biasa membebaskan man daha' ji' kalunaan tahanan alang daha' ake. ⁷ Dahin, te' ji' kalunaan araan na' Barabas au ga' tahan peji' lim pemberontak alang na' penelematean halam ji' bua' pemberontakan. ⁸ Kalunaan banguu' atang dahin nahari' ake ta' Pilatus jung na' kelung kebiasaan alang hia' na' man daha'. ⁹ Dahin, Pilatus nyuee daha' dahin duaan, "Nun kah ika' ikam sebe akui membebaskan man ika' Hipi kalunaan Yahudi ani'?" ¹⁰ Kenan, hia' jaam bahwa lim imam kepala au mai Jisus kenan iri hati. ¹¹ Tapi, imam-imam kepala malah mempengaruhi kalunaan banguu' sebe ake Pilatus membebaskan Barabas. ¹² Lalo, Pilatus duaan nguaa' ta' daha', "Jadi, nun alang harus akui na' dahin Kalunaan alang ika' uvi' Hipi' kalunaan Yahudi ani'?" ¹³ Dahin, daha' pebuka'-pebuka' ngua', "Salibkan Hia'!" ¹⁴ Au anan, Pilatus duaan ta' daha', "Na' nun? Kejahatan nun alang au Hia' na'?" Namun, daha' pebuka'-pebuka' lebi' mahing ngua', "Salebkan Hia'!" ¹⁵ Kenan ikam meamuaskan kenap kalunaan banguu', Pilatus melepaskan Barabas man daha', dahin au mencambuk Jisus, hia' mai kan-Hia' jung ga' salebkan. ¹⁶ Dahin, lim prajurit geri' Jisus mutam ha' istana, hia' ti' gedung pengadilan berkumpul. ¹⁷ Lalo, daha' mete kan Hia' jubah ungu, dahin au menganyam ji' bua' mahkota berduri, daha' mete kan ina' ta' Jisus. ¹⁸ Au anan, daha' nahari' megi' salam ta'-Hia', "Salam, Hipi' kalunaan Yahudi!" ¹⁹ Dahin, daha' nukul kuhung-Hia' dahin ji' bua' buluh dahin nelemura'-Hia', lalo sujud menyembah-Hia'. ²⁰ Au daha' mengolok-olok Jisus, daha' ma'ap jubah ungu man Jisus, dahin metekam hakaow-Hia' dap. Lalo daha' geri' Jisus musang jung menyalebkan Hia'. ²¹ Dahin, daha' memaksa kalunaan alang tengaah lawat, Simon kalunaan Kirene, alang tengaah atang man desa, ame man Aleksander dahim Rufus, jung memikul saleb-Hia'. ²² Lalo, daha' geri' Jisus ha' ngayaan ataan na' Golgota, alang arti na' "Ngayaan Tengkorak". ²³ Daha' mai-Hia' anggur bercampur mur, tapi Hia' jaan apik ina'. ²⁴ Au anan, daha' menyalebkan Hia' dahin membagi-bagikan hakaow-Hia' ha' antara daha', sambil meso undi jung menentukan bagian nun alang haman ga' apik man dap-dap. ²⁵ Dahin, teguu' anan jam ke telo' teguu' daha' menyalebkan-Hia'. ²⁶ Dahin, tulisan mengenai tuduhan ta' Jisus tertulis, "Hipi' Kalunaan Yahudi." Lalo, daha' menyalebkan dua' ²⁷ kalunaan perampok peji' dahin-Hia', ji' kalunaan ha' behenji beta'oh-Hia' dahin ji' kalunaan ha' behenji' behule-Hia'. ²⁸ Jadi, tergenapi nah Kitab Suci alang duaan, "Dahin, Hia' terhitung ha' antara d'kalunaan durhaka." ²⁹ Au anan, d'kalunaan alang tengaah lawat menghujat Jisus sambil menggelengkam kuhung daha' dahin duaan, "Hai! Ika'alang sang meruntuhkan Uma' Tipang dahin ngebiti' kan ina' nguaa' halam telo' do, ³⁰ selamatkan mah diri'-Ka' dap dahin ngileh nah man saleb!" ³¹ Nunan pun imam-imam kepala, peji' dahin lim ahli Taurat, mengejek Jisus dahin duaan ji' dahin alang bale, "Hia' menyelamatkan kalunaan bale, tapi Hia' jaan hamaan menyelamatkan diri'-Hia' dap! ³² Sebe nah Mesias, Sang Hipi' Israel, kere ngileh man saleb sebe ita' ha,an nginaang dahin pesaya'." Daha' alang ga' salebkan peji' dahin Jisus pun mencela Hia'. ³³ Teguu' jam ke enam, terjadi kelidaman ha' lim tanaa' anan atang teguu' jam kesembilan. ³⁴ Teguu' jam ke-9, Jisus pebuka' dahin dahun alang mahing, "Eloi, Elii, lama sabakhtani," alang arti na' "Tipang-Kui, Tipang-Kui, na' nun Ika' mela' Akui?" ³⁵ Dahin, au ngering ina', kuri' kalunaan alang nekering jelang Hia' duaan, "Nginaang! Hia' muvi' Elia." ³⁶ Lalo, ji' kalunaan liung, dahin mengisi ji' bua' spons dahin anggur masam, dahin menempatkan ina' ta' ji' bua' buluh, dahin mai kan ina' ta' Jisus jung ga' dui', sambil duaan, "Sebe nah ita' nginaang nun kah Elia sang atang jung ngilehkan Hia'." ³⁷ Au anan, Jisus pebuka' dahin dahun alang mahing dahun ngepaah hengaaan baya'-Na'. ³⁸ Teguu' anan, tirai Uma' Tipang birak jadi dua', man husun atang hida'. ³⁹ Dahin, teguu' kepala pasukan, alang nekering ha' nang Jisus, nginaang nuno' Jisus ngepaah hengaan bayaa'-Na', hia' duaan, "Laan, kalunaan ani' Hia' ti' Anaa' Tipang!" ⁴⁰ Ha' tinan pun te' kuri' dooh alang nginaang man suk, ha' antara daha' te' Maria Magdalena, dahin Maria hinaan Yakobus Muda dahin Yoses, serta Salome. ⁴¹ Teguu' Jisus te' ha' wilayah Galilea, daha' ne Hia' dahin melayani Hia'. Dahin, ha' tinan te' ngahum doih bale na' alang atang peji' Jisus ha' Yerusalem. ⁴² Teguu' do au malam, kenan do anan Do Persiapan, hia' ti' do sebelum do Sabat, ⁴³ Yusuf kalunaan Arimatea atang, ji' kalunaan anggota Majelis Aya' alang ga' hormati, alang diri' na' pun menanti-nantikan keatangan Kerajaan Tipang, memberanikan diri' dahin te ta' Pilatus dahin ake lu'ung Jisus. ⁴⁴ Pilatus takjat ngering Jisus au mate. Hia' muvi' kepala pasukan dahin metang ta' hia', nun kah laan Jisus au mate. ⁴⁵ Au Pilatus jaam man kepala pasukan, hia' mai mayat anan ta' Yusuf. ⁴⁶ Dahin, Yusuf mele' kan kain linen dahin ngileh kan mayat Jisus, au membungkus Hia' halam kain lenan anan, hia' miri' kan-Hia' ha' halam kuburan alang ga' gali ha' bukit bato'. Dahin, hia' menggulingkan ji' bua' bato' ha' betaman mutam kuburan. ⁴⁷ Maria Magdalema dahin Maria hinaan Yoses nginaang ngayaan mayat Jisus ga' miri' kan.