¹ Dah nyint, aku nenongant sebuah lawank tebukok di sorga, kant suaro tadi, yo aku dingo tokuh suaro terompet bebicaro khant'ku, bekato, "Nait'am kituk, kant Aku akant ngetongankant ka ikau ope yo arus tejedi se'dah tuk." ² nyint gak, aku dikuaso'ik Roh kant tongant'am, sebuah takhta ado di surgo kant Seurank dudok di atas takhta nyint. ³ Kant, Io yo dudok di atas takhta nyint, ketongant tokuh b'tu pemata yaspis kant sardis; kant ado sebuah pelangi di sekelilink takhta nyint, yo ketongant tokuh jamrud. ⁴ Di sekelilink takhta nyint ado duok puluh ompat takhta kant di atas takhta-takhta nyint aku nongant duok puluh ompat tuo-tuo dudok, makai jubah putih kant mahkota-mahkota omas ado dikepalok sidok. ⁵ Kant, derik takhta nyint keluar kilatant potir kant gemuruh suaro guntor. Kant, ado tujuh api yo menyalok di adop takhta nyint, yo adolah tujuh Roh Allah. ⁶ Kant, di adop takhta nyint gak tedepat sesuatu tokuh lautant kaco, tokuh kristal. Di tongah kant di sekelilink takhta nyint ado ompat makhluk yo ponuh khant mato di b'giant depant kant belakank'a. ⁷ Makhluk yo petamo tokuh seikuk singo, kant makhluk yo keduo tokuh seikuk lembu jentant, kant makhluk yo ketigo bewajah tokuh wajah ensio, kant makhluk yo ke ompat tokuh seikuk burunk elank yo gik terobank. ⁸ Keompat makhluk nyint , mansink-mansink empunyaik onam sayap yo ponuh khant mato, be'et b'giant luar ndakpunt delom'a; siank kant melom, keompat makhuk nyint com pernah behonti bekato , "Kudus, kudus, kudus'a Tuhan, Allah Yo Mahakuasa, yo dah ado, kant yo 'kant d'tank." ⁹ Kant, setiop kali makluk-makhluk nyint mborikant kemulioant, hormat kant ucapant syukur ka Io yo duduk di atas takhta, yo idop selamo-lamo'a, ¹⁰ keduok puloh ompat tuo-tuo nyint sujod di adopant Io yo duduk di atas takhta nyint, kant nyombah Io yo idop sampai selamo-lamo'a, kant ngelempar'ik mahkota sidok di adop takhta nyint sambel bekato, ¹¹ "Yo Dato kant Allah kami, Duent layak nerimok kemuliaant, hormat, kant kuaso dongah Duent dah enciptokant segalo jolu kant dongah kehendak-Mu semuo nyint ado kant diciptokant