¹ Dongah nyin, kito arus lobih teliti mperatikan opei yo udah kito dingo supayo kito com teseret arus. ² Sebob, bilo ajeran yo disampaikan tam b'lo malekat tebukti com d'pat diubah, kant setiap pelanggeran atau kecomtaatan akan nrimok hukuman yo adil, ³ begeimone mungkin kito d'pat lolos mun ngabaikan keslamatan yo bosar nyin? Yonyin, keslamatan yo petamo- tamo dibritokan tam Doto, kant dibuktika kebenaran'a kepado kito tam urang-urang yo ngeningo-A. ⁴ Selain nyin, Allah gak morik kesaksian nglalu'ik tando-tando kant hal-hal ajaib, belbagai mukjizat serto karunia-karunia Roh Kudus yo di b'gikan nurut kehendak-A. ⁵ Allah com naklokkan dunio yo akan d'tang, yonyin dunio yo tongah kito bicarokan, kepado b'lo malekat. ⁶ Tapi, ado sikuk urang yo dah morik kesaksian d'lom sebuah nas: Sopei'ak ensio sehinggo Duen mikerkan'a? Sopeikah anak ensio sehinggo Duen doduli,a? ⁷ Ntuk sesaat, Duen mulah'a lobih rendah d'ripado malekat; Duen mahkota'ik ngan kemuliaan kant hormat. ⁸ Duen naklokkan segelo sesuatu di beruh kaki-a". Mazmur8:5-7 Sebob, ngan nakluk segelo sesuatu di beruh kaki-A, mako Allah com mbierkan sesuatu pun yo com takluk kepado-A. Akan tetapi, tum kito bolom nongan segelo sesuatu takluk kepado-A. ⁹ Tapi, kito udah nongan Yesus yo ntuk sementaro dipulah lobih rendah d'ripado b'lo malekat, yonyin Yesus yo di mahkotai ngan kemuliaan kant hormat dongah udah nderito supayo tam Anugrah Allah, Io d'pat rasokan kematian b'gi semuo urang ¹⁰ Udah selayak-a Io- yo b'gi Io kant nglalu'ik Io segelo sesuatu ado- nyempurnokan Perintis Keslamatan anak- anak-A nglalu'ik penderitoan, ntuk mbeik sidok kepado kemuliaan. ^{12 11} Sebob, b'et Io yo nyucikan ndakpun sidok yo di sucikan, semuo'a beasal d'ri satu Bapa; Nyin'ak sebob'a Yesus com malu nyobut sidok sebegei saudero-saudero-A .12 Ngan bekato: "Aku akan nyatokan demo Ikau kepado saudro-sauderoKu. Di tongah- tongah seluruh umat Ikau, Aku akan nyanyikan pujian b'gi Ikau.".Mazmur22:23 ¹³ Kant agik, "Aku akan naruh keyakin-Ku kepado Allah." Yesaya 8:17 Kant agik, "Nyin'ak Aku, sereto anak-anak yo udah di borikkan Allah kepado Aku: " Yesaya. 8:18 ¹⁴ Dongah anak-anak nyin te ensio yo nd'pat derah kant degin, mako Yesus gak ngamik b'gian d'lom keadaan sidok supayo nglalu'ik kematian-A, Io d'pat mbinasokan io yo mpunya'ik kuaso atas kematian, yonyin Iblis ¹⁵ Kant mbebaskan sidok yo seumur hidup'a dipebudak tam kegolak'an akan kematian. ¹⁶ J'di, jelas-am bahwa Io com morik penulung'an kepado b'lo malaikat, tetapi kepado keturunan Abraham. ¹⁷ Dongah nyin, d'lom segelo hal Yesus arus nj'di tokuh saudero-saudero-A, supayo Io d'pat nj'di Imam Bosar yo penuh belas kasihan kant setia d'lom pelayanan kepado Allah. Ngan piok, Io d'pat mbeik penobusan atas dosa-dosa umat. ¹⁸ Sebob, Yesus surang ndrito trengkalo dicobo'ik, mako Io d'pat nulung sidok yo tongah di cobo'ik.