¹ sebob nyint, nyedia peniru-peniru Allah sebegeimone anak-anak yo tekasih. ² Idup'a dlom kasih, samo tokuh Kristus ngasihik kito kant ngemborikant dirik-A ntuk kito sebegei pesembahant kant korban yo arum begi Allah. ³ Tapi, nank ado pecabulant atau segelo macam kecemarant atau ketamakant, bahkatn di sobut punt nank dongah hal nyint com layak ado di antaro urank-urank kudus. ⁴ Nank ado pekatoant kotor, pekatoant bodoh, atau lelucont-lelucont kasar --yo com pantas-- lebih be'et, ucapkant syukur. ⁵ Sebab, ikau tau ngant pasti mun urank cabul, urank com suci, atau urank tamak yo nyembah berhala com 'kant nepat warisant dlom Kerajaan Kristus kant Allah . ⁶ nank ado urank yo nipu ikau ngant kato-kato kosonk dongah hal-hal nyint'a yo ngedtangkant murka Allah atas anak-anak merako. ⁷ jedi, nank begaul ngant sidok. ⁸ Doluk ikau adolah kegelapant, tapi tum ikau adolah terank dlom Doto. idup'a sebegei anak-anak terank ⁹ dongah buah deri torank adolah semuo kebe'etant, keadilant, kant kebenarant, ¹⁰ kant ngecobo ngogok tau opei yo nyenangkant Doto. ¹¹ Nank pogi ngamik begiant dlom pemulahant kegelapant yo com ngaselkant buah, sebe'et'a telanjank'ik pulahant-pulahant nyint. ¹² Sebab, ngenyobut hal-hal yo sidok laku'a secaro diom-diom punt sangat ngemaluik. ¹³ Tapi, semuo yo diklanjank'ik oleh torank ngennyedi ketongant ¹⁴ dongah semuo yo nyedi nyato adolah torank. Nyint'a sebob'a, dikatokan, '' Bngunt, hai ikau si tukank tiduk! Bengkit'a deri antaro urank mati, kant Kristus akant besinar atas kau. Yesaya 60; 1 ¹⁵ Jedi, pratikant 'ngant seksamo begeimone ikau idup, Nank tokuh urank bebal, jedi'ak bijak. ¹⁶ gunokant'ak waktu yo ado ngant sebe'et-be'et'a dongah ari -ari tuk adolah jahat. ¹⁷ Dongah nyint, nank'ak nyedi bodoh, tapi ngereti'ak opei nyint kemaok Doto. ¹⁸ Nank mabuk tam anggur dongah hal nyint com pantas, sebe'et'a ponoh'ak ngant Roh. ¹⁹ Bacakap'am satu samo lain dlom mazmur, kidunk pujiant, kant nyanyiant rohani, nyanyi'am kant mulah'am lagu pujiant kepado Doto ngant segonap atikau. ²⁰ Ngucap syukur mogel atas segelo jolu kepado Allah Apak dlom demo doto kito, Kristus Yesus. ²¹ Tunduk'am seurank kepado yo laint dlom golak akant Kristus. ²² Bini- bini, tunduk'am kepado lakikau, tokuh kepado Doto. ²³ Sebob, laki adolah kepalok derik bini, tokuh Kristus adolah kepalok jemaat, yonyint tubuh-A, kant Io surank'ak Juru Selamat'a. ²⁴ Tapi'ak, koti jemaat tunduk kepado Kristus, piok gam bini arus tunduk kepado laki dlom segelo hal. ²⁵ laki-laki, kasihi'ak binikau tokuh Kristus ngasihi jemaat kant ngemborikant dirik-A begi jemaat, ²⁶ ntuk nguduskant sidok 'ngant mbresihkant'a 'ngant pembesuhant aik ngant firmant. ²⁷ Ngan piok, Kristus dpat pesembahkant jemaat kepado dirik- A dlom kemuliaant, com ado noda, atau com ado kerut, atau sejenis'a sehinggo jemaat nyedi kudus kant com becola. ²⁸ Piok gak'am, laki-laki arus ngasihi bini'a tokuh tubu',a surank. Io yo ngasihi bini'a, ngasihi dirik'a surank. ²⁹ sebob, com ado urank yo kolok bonci tubuh'a surank, tapi io meliaro kant ngerawat'a. Piok gak'am Kristus lakukant begi jemaat. ³⁰ Dongah kito adolah anggota-anggota tubuh-A. ³¹ Nyint'am sebob'a, seurank leleki akant ninggelkant apak kant umak'a lalubesatu 'ngant bini'a sehingo keduok'a nyedi satu tubuh. ³² Rasia tuk bosar, kant aku ngatokant tuk dlom hubungatn antaro Kristus kant jemaat. ³³ Tapi, bier'am mansink-mansink ikau ngasihik binikau tokuh ikau surank kant bini arus ngormat'ik laki'a.