¹ Untok Alasant tuk'a, aku Paulus, dipenjero dongah Yesus Kristus demi ikau, urank- urank kafir. ² Ikau pasti dah ngeningo tentank tugas penatalayanant anugrah Allah yang diborikant ka aku untok ikau, ³ bahwo ngant penyatoant rahasio nyint diboriktahukant ka aku tokuh yo dah kutulis secaro singkat sebolom'a. ⁴ Sewaktu mbeco nyint, ikau dpat ngemahamik pengertant aku ngenaik rahasio Kristus, ⁵ yo com di boriktaukant ka urank-urank derik generasi laint, tapi yo tum dinyatokant ka paro rasul kant paro nabi-A yo kudus oleh Roh Kudus. ⁶ Rahasio nyint adolah bahwa ngelaluik Injil urank- urank kapir nyedi sesamo ahli waris, sesamo anggota derik satu tubuh, kant samo -samo ngamik begiant derik jenji dlom Yesus Kristus. ⁷ Aku nyedi pelayant Injil sesuai 'ngant karunia derik anugrah Allah, yo di borikant ka aku ngenurut pekrejoant kuaso-A. ⁸ Ka aku yo palink hino di antaro semuo urank kudus, anugrah tuk diborikant 'ntuk ngembritokant kepado urank-urank kapir kekayoant Kristus yo com terselamik, ⁹ kant mbeik terank ka setiap urank tentank rasio yo tetapuk selambet beabad-abad dlom Allah, yo ngenciptokant segelo jolu. ¹⁰ Ngant piyok, nglaluik jemaat, bebegei hikmat Allah tum dimoriktaukant kepado paro pemerintah kant penguaso di tompat surgawi. ¹¹ Tuk sesuai rencana kekal yo diyatokant dlom Yesus Kristus, Doto kito, ¹² yo dlom Io, kito dpat kebreniant kant jelent mansuk kepado Allah 'ngant yakint dongah kesetiaant Kristus. ¹³ Dongah nyint, aku mintok kepado ikau supayo nank putus aso ngenongant sengsaro yo aku alamik demi ikau. Sengsaro nyint adolah kemuliaan ikau. ¹⁴ Untuk alasant tuk'a, aku belutut di adopant Apak. ¹⁵ Derik Io'lah, setiap keluargo di surgo kant di bumi ngenerimok demo-A. ¹⁶ Aku bedoa supayo sesuai ngant kekayoant kemuliaant-A, Io bekenant ngaruniakant kepado kau kekuatant di dlom batint kau, kant kuaso nglalu'ik Roh-A, ¹⁷ sehinggo Kristus bekenant tinggel di dlom atikau nglaluik imant sehinggo ikau beakar kant bedasar dlom kasih, ¹⁸ kant ager ikau besamo semuo urank kudus dpat ngemahamik betapo lebar kant panjank kant tinggi, kant dlom'a kasih Kristus. ¹⁹ Ngant piok, ikau dpat ngenal kasih Kristus yo ngelampauik pengetauant sehinggo ikau di ponoh'ik 'ngant seluruh keponohant Allah . ²⁰ Begi Io, yo mampu ngelakukatn jeuh lebih ngelimpah derikpado semuo yo kito mintok ndakpunt pikerkant, sesuai 'ngant kuaso yo bekrejo di dlom kito ²¹ Begi Iolah kemuliaant dlom jemaat kant dlom Yesus Kristus begi seluruh generasi sampai selamo-lamo'a. Amin.