¹ Doluk, ikau mati d'lom pelanggerant-pelanggerant kant dosa-dosa'kau, ² yo mone pado waktu tuk kau bejelent nuntut jelent dunio, nuntut penguaso kerajaan udara, roh yo tum bekerejo di antaro anak-anak yo com taat. ³ Di antaro sidok, kito semuo duluk gak am idup dlom nafsu kedeginant kito, ngemuaskant keinginant degint kito kant pikerant kito. Kito pado dasar'a adolah anak-anak merako, samo tokuh ensio laint'a. ⁴ Tapi, Allah, yo kayo kant beles kasih kant dongah kasih-A yo bosar nyint Io ngasih'ik kito, ⁵ bahkan tengkalo kito mati dlom pelanggerant-pelangggerant kito, Io ngidupkant kito besamo 'ngant Kristus-- dongah anugrah kau dah diselamatkant --, ⁶ kant Io mbengkitant kito 'ngant Io kant ngendudukant kito besamo 'ngant Io di tompat surgawi delom Yesus Kristus, ⁷ supayo pado maso yo nak dtank, Io depat nunjukkant kekayoant anugrah-A yo com teukor dlom kebe'etan-A kepado kito dlom Yesus Kristus. ⁸ Dongah, oleh anugrah ikau diselamatkant ngelalu'ik imant kant tuk com deri derik kau surank tapi karunia Allah, ⁹ kan'a hasel usahakau, supayo com ado seurank punt yo nyombunkant dirik. ¹⁰ Kito tuk pulahant Allah, diciptokant dlom Yesus Kristus ntuk ngelakukant pekerejoant be'et yo disiapkant Allah sebolom'a supayo kito dpat idup di dlom'a. ¹¹ Dongah nyint, ingat'a bahwo ikau doluk lahir sebegei urank kafir, yo disobut ''urank com besunat'' oleh sidok yo nyobut diri'a sebegei '' urank besunat'', yonyint sunat yo dilakukant pado tubuh oleh derik jeri ensio. ¹² ingatam saat nyint ikau idup cado Kristus, tepisah d'rik kewargoant Israel kant urank-urank asink begi ikatant pejenjiant yo dijenjikant, com ngemeilik'ik pengarapant kant cado Allah dlom dunio tuk. ¹³ Namun tum, dlom Yesus Kristus ,ikau yo doluk sejo jeuh dah dibeik nyedi somak deik derah Kristus. ¹⁴ Dongah, Io surank adolah damai sejahtra kito yo dah ngemulah keduok belah pihak njedi satu kant yo dah ngancorkant dindink pemusuhant yo ngemisahkant, ¹⁵ 'ngant ngapuskant pemusuhant dlom degin-A , yonyint Hukum Taurat yo beisik prentah -prentah kant ke'ttapant-ke'ttapant sehinggo di dlom diri-A, Io ngemulah kaduok'a nyedi satu ensio beru, sehinggo tejedi pedamaiant, ¹⁶ kant ngendamaikant keduok'a ngant Allah dlom satui tubuh nglaluik salib, sehinggo ngematikant pemusuhant. ¹⁷ Io dtank kant ngemorikant damai sejahtera ka ikau yo jeuh kant damai sejahtera ka sidok yo somak. ¹⁸ dongah, nglaluik I, kito beduok ado jelent mansuk ka Apak dlom satu Roh. ¹⁹ Nyedi, ikau kan'a agik urank -urank asink kant pendetank, tapi sesamo warga ngant urank-urank kudus kant anggota -anggota keluargo Allah, ²⁰ yo dib'ngunt di atas dsar paro rasul kant paro nabi, ngant Yesus Kristus surank sebegei B'tu Penjuru'a. ²¹ Dlom Kristus, seluruh b'ngunant gik dipesatukant besamo kant betumbuh nyedi Bait Suci dlom Doto. ²² D'lom Io, ikau yo gik dibangunt besamo nyedi tompat tinggel Allah d'lom Roh.