¹ Kerna tuk mek, aku, Paulus, de tepuk ke rumah tutup (penyara) kerna Yesus Kristus demi kitak, urang-urang te nadai pecayak. ² Kitak pasti udah ninga tentang penatalayanan anugerah Tuhan Allah te de berik ke aku untuk kitak, ³ kerna bisik penyataan, resia yak de padah ngau aku upa te bisik sikit aku tulis meliak. ⁴ Tengah maca tuk, aku tau ngerti nama upa resia Kristus, ⁵ te nadai de padah ngau urang-urang ari kenturun lain, tapi te pituk de padah ngau bala rasul, bala nadi Ia te kudus kerna Roh Kudus. ⁶ Resia e bahwa ngelalu Injil mensia te nadai pecayak jadi ahli waris, sesama anggota ari sutik tubuh, sama-sama ngamik bagian ari janji dalam Yesus Kristus. ⁷ Aku jadi pelayan Injil sesuai ngau karunia ari anugerah Tuhan Allah te de berik ngau aku menurut kerja kuasa Tuhan Allah. ⁸ Ngau aku te paling jaik de antara urang-urang kudus, anugerah yak de berik untuk de padah ngau urang-urang te nadai pecayak mengenai kekayaan Kristus te nadai mampu de pahami, ⁹ dan ngemaik terang ngau semua urang tentang resia te nadai de ketau selama berabad-abad dalam Tuhan Allah te mulah nama te bisik. ¹⁰ Medah upa yak melalui jemaat, berbagai hikmat Allah pituk de padah ke kebala pemerintah, penguasa dalam surgawi. ¹¹ Tuk sesuai ngau rencana kekal dalam Yesus Kristus Tuhan kita, ¹² te dala Ia, kita bulih keberanian dan jalai tamak ngau Tuhan Allah ngau keyakinankerna kesetiaan Kristus. ¹³ Kerna yak, aku mintak ngau kitak supaya anang putus asa mendak pemedih te aku asai demi kitak. pemedih yak adalah penyamai kitak. ¹⁴ Kerna yaklah aku berlutut de hadapan Apai. ¹⁵ Ari Ia lah setiap keluarga de surga ngau de dunia tuk nerima nama Yesus Kristus. ¹⁶ Aku bedoa supaya sesuai ngau kekayaan kemuliaan-E, Ia kak merik ke kitak kekuatan dalam ati, ngau kuasa melalui Roh-E, ¹⁷ sehingga Kristus kak dudi dalam ati kitak ngelalu iman supaya kitak tau beakar dalam kasih, ¹⁸ supaya kitak semua urang kudus tau ngerti pe luar, pe manyai, peninggih ngau pe nalam kasih Krustus. ¹⁹ Dengan demikian, kitak tau ngala kasih Kristus te ngelangkau pemenau sehingga kitak de penuhi ngau semua kepenuhan Tuhan ALlah. ²⁰ Bagi Ia, te sanggup melakukan jauh lebih banyka ari semua te kitak mintak atau pikir keh, sesuai ngau kuasa te bekerja dalam kitak. ²¹ Bagi Ia am kemuliaan dalam jemaat, dalam Yesus Kristus bagi semua kenturun sampai selama-lama e. Amin.