¹ Subak, kitak mati dalam penyalah-penyalah dosa kitak ² meliak kitak idup nunak dunia, nunak kebala puyang gana, kebala semengat de sekitar anak mensia te nadai setia. ³ De antara kitak, kita semua dulau idup dalam penyaik penyalah, pemikir te jaik. Kitak tuk sebenar termasuk dalam mensia kurang ajar, sama upa mensia te lain. ⁴ Ulih Tuhan Allah te banyak belas kasih, kerna kasih Ia te besai mengasihi kita, ⁵ bahkan antik kita mati ulih penyalah penyaik kita, Ia ngidup ke kita bereta ngau Kristus -- angak kerna anugerah kita seselamatkan --, ⁶ Ia te mulah kita idup agik udah yak nuduk ke kita sama-sama ngau Ia de surga dalam Yesus Kristus, ⁷ supaya lusak tulat Ia tau nunyuk ke anugerah Ia te nadai mampu ngukur penalam pemaik Ia ngau kita dalam Yesus Kristus. ⁸ Sebab, kerna anugerah kitak de selamatkan ngelalu iman dan tuk bukai ari dirik kita, ulih pemerik Tuhan Allah, ⁹ bukai asih usaha kita, supaya nadai bisik mensia te sumung. ¹⁰ Kita tuk de pulah Tuhan Allah, de pulah dalam Yesus Kristus ngulih ke kerja te baik te udah de siap ke Tuhan Allah dulau supaya kita tau idup diak. ¹¹ Kerna yak, kitak alah ingat dulau kitak idup nadai pecayak te de telah "urang nadai besunat", ulih sidak te nelah dirik "urang besunat", maksud e sunat nyata te de kereja ngau jari mensia. ¹² Subar kitak idup de luar Kristus, perarak ari Israel, nadai bisik pengarap dan nadai be Tuhan Allah de dunia tuk. ¹³ Ulih pituk dalam Yesus Kristus, kitak te dulau matang jauh udah de baik jadi damping kerna darah Kristus. ¹⁴ Kerna Ia pun sebenar e damai sejahtera kita te udah mulah kedua belah pihak jadi sutik dan te udah ngancur ke tembok permusuhan te nyuruh perarak, ¹⁵ dengan ngapus permusuhan dalam dagin Ia, yaitu Hukum Taurat te berisik kebala perintah-perintah, ketetapan-ketetapan sehingga dalam dirik E Ia mulah keduanya jadi sutik mensia baru, sehingga terjadi perdamaian, ¹⁶ dan mendamaikan duanya ngau Tuhan Alllah dalam sutik tubuh ngelalu salib, sehingga permusuhan baduk ¹⁷ Ia datai nutur ke damai sejahtera ngau kitak te jauh ngau te damping. ¹⁸ Kerna ngelalu Ia kitak te jauh ngau te damping bulih jalai datai ngau Apai dalam sutik Roh. ¹⁹ Jadi, kitak bukai agik urang-urang te asing ngau penatai, tapi sama-sama warga urang-urang kudus entang anggota-anggota keluarga Tuhan Allah, ²⁰ te de bangun datau dasar sidak rasul. ²¹ Dalam Kristus, semua bangunan tengah de jadi ke sutik dan tumuh jadi Bait Suci dalam Tuhan Allah. ²² Dalam Ia, kitak ugak tengah de bangun jadi badah Tuhan Allah dalam Roh.