¹ Aku matakatn kabanaratn daapm Kristus,aku ina'k pangalok.suara ati ku ikut basaksi daapm Roh kudus, ² Kade'k aku sidi badukacita ba salalu basedih ati. ³ Bahkan,Aku mao'k takutuk ba tapisah dari Kristus demi kamaru'k-kamaru'k ku, kalompok sabangsaku secara jasmani. ⁴ Karna mereka koa urakng Israel,mereka dah ngangkat jaji anak,ba mereka dah narima'k kamuliaatn,ba pajanjiatn-janjiatn, ba ukum Taurat,ba ibadah,janji-janji. ⁵ Mereka koa katurunan apa'k-apa'k enek'k moyang,nang nurunan Mesias dalam daapm kaadaa-Ne sabagai manusia,nang ada ka atas sagalae.Ia koa Allah nang arus disambah sampe salama-lamae Amin! ⁶ Tapi Firman Allah ina'k mungkin gagal. Karna ina'k samua urakng nang barasal dari Israel koa urakng Israel, ⁷ Ba uga'k ina'k samua taetong katurunan Abraham koa anak Abraham,Tapi:"nang barasal dari Ishak nang akan disabut katurunan nyu." ⁸ Artie: buke'k anak-anak menurut dagen adalah anak-anak Allah,tapi anak-anak pajanjiatn nang disabut katurunan nang banar. ⁹ Karna firman koa barinsi'k janji:"pada waktu ayanyianlah Aku mao'k atakng ba Sara mao'k namu seko'k anak nang laki." ¹⁰ Tapi buke'k kahe koa aja'k. Lebih jelas agi'k Ribka nang babuntikng dari seko'k urakng,yakoa dari Ishak,Apa'k enek moyang diri'k. ¹¹ Karna saat anak-anak nape'k diparanakatn ba nape'k ngalakukan nang baik ato nang jahat,-- biar rencana Allah untuk pamilihan-Ne diteguhatn,buke'k badasarkan pabuatatn,tapi badasarkan panggilan-Ne-- ¹² Di ngataatn ka Ribka:" Anak nang tuha akan jaji amba anak nang muda," ¹³ Saparari ada tatulis:"Aku ngasihi'k Yakub,tapi teget ka Esau." ¹⁴ Kade'k ayanyian,ahelah nang mao'k diri'k kataatn?Ahe ge'k Allah ina'k adil? Mustahil! ¹⁵ Karna Ia bafirman ka Musa:" Aku mao'k mare'k belas kasihan kasae Aku mao'k mare'k belas kasihan ba Aku mao'k bamurah ati kasae aku mao'k bamurah ati." ¹⁶ Jaji hal koa ina'k bagantung ka kamao'kan urakng ato usaha urakng,tapi ka kamurahatn ati Allah. ¹⁷ Soale kitab suci bakata ka Firaun:" koalah sabape Aku mangkitatn kao,biar Aku neeatn kuasa-Ku ka diriknyu,ba biar dama-Ku dimasyurkan ka saluruh bumi." ¹⁸ Jaji Ia mare'k belas kasihatn ka sae nang Ia kehendaki'k ba Ia nguatatn ati sae nang Ia kehendaki'k ¹⁹ Angkitn kao mao'k bakata ka Aku:"kade'k yanyian,ahe agi'k nang masih Ia salahatn? Karna sae nang nantakng kamao'k an-Ne?" ²⁰ Sae ge'k kao,he manusia,maka kao mantah Allah? Bisa ge'k nang dipinjawat bakata ka nang minjawatiya:" Ngahe ge'k kao minjawat aku ayanyian?" ²¹ Ahe ge'k tukang periuk ina'k ba hak atas tanah liate,untuk minjawat dari gumpal nang sama ahepun barang untuk dipake untuk tujuan nang mulia ba barang lain untuk dipake untuk tujuan nang biasa? ²² Jaji,kade'k untuk nunjukatn murka-E ba nyataatn kuasa-E,Allah nyimpan kasabaratn nang aya'k untuk barang-barang kamurkaatn-Ne,nang dah dinyiapatn untuk kabinasaatn-- ²³ Justru untuk nyataatn kakayaatn kamuliaatn-Ne untuk barang-barang belas kasihatn-Ne nang udah dinyiapatn untuk kamuliaatn, ²⁴ Yakoa diri'k,nang dah Ia milih buke'k kahe dari antara urakng Yahudi,tapi uga'k dari bangsa-bangsa lain, ²⁵ Tolen nang Ia firmankan uga'k ka daapm kitab nabi Hosea:" Nang buke'k umat Ku disabut umat Ku: ba buke'k kekasih:kekasih." ²⁶ Ba katampat, dimae mao'k dikataatn ka mereka:" kao nyian buke'klah umat- Ku," kadinaun mao'k dikataatn ka mereka:" anak-anak Allah nang idup." ²⁷ Ba Yesaya ngampak tentang Israel:" sakaipun jumlah anak Israel aya pasir ka laot,tapi kahe sisae nang mao'k disalamatn. ²⁸ Karna ahe nang dah Ia firmankan,pasti dilakukan Jubata ka atas bumi,sampurna ba sagera." ²⁹ Ba tolen nang dingataatn Yesaya sanape'k e:" Saandaie Jubata semesta alam ina'k ningaatn ka diri'k katurunan,diri'k dah jaji aya Sodom ba aya Gomora." ³⁰ Kade'k yanyian,ahe ge'k nang mao'k diri'k kataatn?Nyian: kade'k bangsa-bangsa lain nang ina'k nalama'k kabanaratn,dah namu kabanaratn, yakoa kabanaratn karna iman. ³¹ Tapi kade'k Israel,sungguhpun mentingkan ukum nang mao'k ngatangan kabanaratn,ina'k lah sampe ka ukum koa. ³² Ngahe ina'k? Karna Israel nalama'k iya buke'k karna iman,tapi karna kalakuan .Mereka tarantuk ka batu sandungan, ³³ Saparati ada tatulis:"Sabanare,Aku ngakaatn ka Sion sege'k batu santuhatn ba batu sandungan,ba sae nang picaya'k ka- Ia,ina'k akan dipasupek'ik."