¹ Yakoalah angkitn ina'k ada ukuman untuk mereka nang ada ba Kristus Yesus. ² Roh nang mare'k idup udah merdekaatn kao daapm Kristus dari ukum dosa ba ukum maut. ³ Sabab ahe nang ina'k mungkin dipinjawat ukum Taurat karna ina'k badaya di dagen,udah diminjawat di Allah.Ba lewat ngutus anak-Ke sandiri'k daapm dagen,nang sabaya ba dagen nang dinguasai'k dosa karna dosa,Ia udah nyantu'katn ukuman atas dosa kadaapm dagen, ⁴ Biar tuntutatn ukum Taurat ditepati'k ka daapm diri'k,nang ina'k idup menurut dagen,tapi menurut Roh. ⁵ Karna mereka nang idup menurut dagen,mikiratn hal-hal nang dari dagen; mereka nang idup menurut Roh,mikiratn hal-hal nang dari Roh. ⁶ Karna kainginan dagen adalah Maut,tapi kainginan Roh adalah idup ba damai sejahtera. ⁷ Karna kaingian dagen koa adalah patangkaratn untuk Allah,karna ia ina'k takluk ka ukum Allah; hal nyian memang ina'k mungkin bagie. ⁸ Mereka nang idup daapm dagen,ina'k mungkin bakenan untuk Allah. ⁹ Tapi kao ina'k idup daapm dagen,melainkan daapm Roh,kade'k memang Roh Allah diapm ka kao. Tapi kade'k urakng ina'k ada ba Roh Kristus,ia buke'k milik Kristus. ¹⁰ Tapi kade'k Kristus ada ka daapm diri'knyu,maka tubuh memang mati karna dosa,tapi roh adalah kaidupatn oleh karna kabanaratn. ¹¹ Kade'k memang Roh-He, nang dah mangkitatn Yesus dari antara urakng mati,diapm kakao,maka Ia,nang dah mangkitatn Kristus Yesus dari antara urakng mati,pasti ngidupatn uga'k tubuhnyu nang fana koa di Roh-He,nang diapm ka kao. ¹² Jaji,kamaru'k-kamaru'k,diri'k nyian urakng nang barutakng,tapi buke'k kadagen, biar idup menurut dagen. ¹³ Soale kade'k kao idup nuruti'k dagen,kao pasti mati; tapi kade'k di Roh kao matiatn pabuatatn-pabuatatn tubuhnyu,kao pasti idup. ¹⁴ Samua urakng ,nang dimimpin Roh Allah,adalah anak Allah. ¹⁵ Karna kao ina'k narima'k roh pabudakatn nang minjawat kao jaji gai'k agi'k,tapi kao udah narima'k Roh nang minjawat kao anak Allah.Di Roh koa diri'k nyarui'k :" ya Abba,ya Apa'k!" ¹⁶ Roh koa basaksi basama-sama ba rih diri'k,kade'k diri'k koa anak-anak Allah. ¹⁷ Kade'k diri'k nyian anak,maka diri'k nyian uga'k ahli waris,maksute urakng-urakng nang bahak narima'k janji-janji Allah,nang mao'k narima'k basama-sama ba Kristus,kade'k diri'k menderita basama-sama ba Ia,biar diri'k uga'k dimuliaatn basama-sama ba Ia. ¹⁸ Karna aku yakin,kade'k penderitaan Zaman angkitn ina'k bisa dibandingkan ba kamuliaatn nang akan dibareatn ka diri'k. ¹⁹ Karna samua rindu saluruh makhluk ngantiatn waktu anak-anak Allah ditee'katn. ²⁰ Karna saluruh makhluk udah dik jinakatn jaji sia-sia,buke'k karna kehendak sandiri'k,tapi karna kehendak-Ke, nang dah Ia nyinakatn, ²¹ Tapi daap pangarapatn,karna makhluk koa sandiri'k uga'k mao'k dimerdekaatn dari pabudakatn kabinasaatn ba taama'k kadaapm kemerdekaatn kamuliaatn anak-anak Allah. ²² karna diri'k nauan,kade'k sampe angkitn sagala makhluk sama-sama ngeluh ba sama-sama ngarsa sakit baranak. ²³ Buke'k kahe mereka aja'k,tapi diri'k nang udah narima'k karunia pertama Roh, diri'k pun ngeluh kadaapm ati diri'k sambil ngantiatn diangkat jaji anak,yakoa mebasatn tubuh diri'k. ²⁴ Karna diri'k dinyalamatn daapm pangarapatn. ²⁵ Tapi pangarapatn nang dinee'k,buke'k pangarapatn agi'k; soale ayamae urakng masih ngarapatn ahe nang iya nee'k ? ²⁶ Yakoa uga'k Roh nuukngi'k diri'k daapm kalaman diri'k; Karna diri'k ina'k nauan, ayamae sabanare harus badoa; tapi Roh sandiri'k badoa untuk diri'k ka Allah ba keluhan-keluhan nang ina'k taucapatn. ²⁷ Allah nang nyalidiki'k ati nurani, nauan maksut Roh koa,yakoa kade'k Ia,sasuai ba kehendak Allah,badoa untuk urakng-urakng kudus. ²⁸ Diri'k nauan angkitn, kade'k Allah ikut karaja daapm sagala ahepun untuk ngatangan kabaikatn bagi mereka nang ngasihi'k Ia, yakoa bagi mereka nang tapanggil sasuai ba rencana Allah. ²⁹ karna samua urakng nang Ia milih dari pertama,mereka uga'k dah Ia nantuatn dari pertama untuk jaji sabaya ba gambar anak-ke,biar Ia ,anak-ke koa, jaji nang pertama ka antara manyak saudara. ³⁰ Ba mereka nang Ia nantuatn dari pertama,mereka koa uga'k Ia nyaru'k ba mereka nang Ia nyaru'k ,mereka koa uga'k nang Ia manaratn.ba mereka nang Ia manaratn,mereka uga'k nang Ia muliaatn. ³¹ Karna koa ahe ge'k nang mao'k diri'k kataatn tentang samuae koa? kade'k Allah ka pihak diri'k, sae lah nang mao'k ngalawan diri'k? ³² Ia nang ina'k nyayangan anak- Ke sandiri'k,tapi nang Ia nyarahatn untuk diri'k samua,ina'k mungkinlah Ia ina'k ngaruniaatn sagala ahepun kadiri'k basama-sama ba Ia? ³³ Saelah nang mao'k ngugat urakng-urakng Allah? Allah, nang manaratn mereka? Sae ge'k nang mao'k ngukum mereka? ³⁴ Kristus Yesus,nang dah mati? bahkan labih agi'k: nang dah bangkit,nang uga'k dah duduk kasabalah kanan Allah ,nang malahan jaji pembela untuk diri'k? ³⁵ Sae ge'k nang mao'k misahatn diri'k dari kasih Kristus? Panindasatn atau kasasakatn atau panganiayaatn,atau kaparatn atau kakodoatn,atau bahaya ,atau pedang/pakalahiatn? ³⁶ Saparati ada tatulis:" Oleh karna kao kami ada daapm bahaya maut sapanyakng ari,kami dah dingaggap tolen domba-domba sambalehatn." ³⁷ Tapi daapm samuaekoa diri'k labih dari pada urakng-urakng nang manang, di Ia nang dah ngasihi'k diri'k. ³⁸ Karna aku yakin,bahwa maut,mao'k pun idup,baik malaikat-malaikat,mao'k pun pamarentah-pamarentah,baik nang angkitn mao'k pun nang akan atakng, ³⁹ Kuasa-kuasa,baik nang ka atas,mao'k pun nang kababah,atau ahepun mahkluk lain,ina'k akan bisa misahatn diri'k dari kasih Allah,nang ada daapm Kristus Yesus,Jubata diri'k.