¹ Karna koa,kamaru'k-kzmaru'k, demi kamurahatn Allah aku nasehati'k kao,biar kao mareatn tubuhnyu untuk persembahan nang idup,nang kudus ba nang bakenan ka Allah:koa lah ibadahnyu nang sejati. ² Amelah kao jaji sabaya ba dunia nyian,tapi barubahlah karna pambarahuatn budinyu,biar ka bisa medaatn mae ge'k kehendak Allah: ahe nang baik,nang bakenan ka Allah ba nang sampurna. ³ Berdasarkan kasih karunia nang dinganugrahatn ka aku,aku bakata ka satiap urakng ka antara kao: Amelah kao mikiratn hal-hal nang labih tingi dari pada nang patut kao pikiratn ,tapi haruse kao bapikir sidi-sidi,biar kao nguasai'k diri'k menurut ukuran iman,nang dingaruniaatn Allah ka kita'k masing-masing. ⁴ Karna sama aya sote'k tubuh diri'k ada manyak anggota,tapi ina'k samua anggota koa ada ba tugas nang sama, ⁵ Ayakoa uga'k diri'k,walaupun manyak,diri'k sote'k tubuh kadaapm Kristus; tapi diri'k masing-masing adalah anggota nang saurakng terhadap nang lain. ⁶ Yakoaihanlah diri'k ada bakarunia nang lain-lain menurut kasih karunia nang dinganugrahatn ka diri'k: kade'k karunia koa adalah untuk banubuat haruse diri'k ngalakukaniya sasuai ba iman diri'k. ⁷ Kade'k karunia untuk ngalayani'k, haruse diri'k ngalayani'k;kade'k karunia untuk ngajar,haruse diri'k ngajar; ⁸ Kade'k karunia untuk nasehati'k,haruse diri'k nasehati'k. Sae nang mag-magiatn jukut,haruslah ia ngalakukan ba ati nang iklas; sae nang mare'k atasan,haruslah ia rajin ngalakukania ;sae nang neekatn kamurahatn,haruse ia ngalakukan ia ba sukacita. ⁹ Sabaike kasih koa ame pura'k-pura'k! Jauihi'klah nang jahat ba buatlah nang baik. ¹⁰ Sabaike kita'k saling ngasihi'k sabagai kamaru'k ba mare'k hormat labih doho'k. ¹¹ Amelah kirae karajinan nyu kandor, biaratn rohnyu menyala-nyala ba layani'k lah Jubata. ¹² Basukacitalah daapm pangarapatn, sabarlah daapm kasasakatn ,ba tekunlah daapm doa! ¹³ Bantu'klah daapm kakurangan urakng-urakng kudus ba usahakanlah diri'knyu untuk salalu mare'k tumpangan! ¹⁴ Barakati'lah sae nang nganiaya kao, barakati'klah ame nyumpah! ¹⁵ Basukacitalah ba urakng nang basukacita, ba nangislah ba urakng nang nangis! ¹⁶ Baike kita'k saati sapikir daapm idup basama; amelah kao mikiratn pakara-pakara nang tingi,tapi arahatnlah diri'knyu ka pakara-pakara nang sederhana. Amelah nganggap diri'knyu pane! ¹⁷ Amelah malas kajahatatn ba kajahatn; lakukanlah ahe nang baik untuk samua urakng! ¹⁸ Sadapat-dapate, kade'k hal koa bagantukng ka kao,iduplah badai ba samua urakng! ¹⁹ Kamaru'k-kamaru'k nang dinyakngi'k,amelah kao sandiri'k nuntut pambalasatn, tapi bare'klah tampat bera Allah , karna ada tatulis: pambalasatn koa adalah hak-Ku. Akulah nang mao'k nuntut pambalasatn, firman Jubata. ²⁰ Tapi, kade'k munsuhnyu kaparatn, bare'klah ia makatn; kade'k ia aus, bare'klsh ia nyocok! kade'k babuat ayakoa kao numpukatn bara api ka atas kapalae. ²¹ Amelah kao kalah ka kajahatatn, tapi kalahatnlah kajahatatn ba kabaikatn!