¹ Lalu waktu Yesus bajaatn Ia nee' urakng buta' dari daapm parut. ² Para murite nanyai' Ia , " Rabi, saelah nang badosa, urakng nyian atao urakng tuhae, soale ia buta dari enek?" ³ Ja kata Yesus," buke' kaduae nang badosa baik urakng nyian mao'pun urakng tuhae, tapi biar pakarajaatn - pakarajaatn Jubata Panampa' koa dinyataatn malalui' urakng nyian. ⁴ Diri' arus majaanan pakarajaatn - pakarajaatn umpat ka Ia nang ngutus Aku, salagi' abut masih siakng. Maam masih atakng waktu ina' ada seko'pun urakng nang sanggup mao' bakarajaa'. ⁵ Waktu Aku masih ada ka dunia, "Akulah tarakng dunia". ⁶ Aka' Yesus ngataatn hal nyian Ia ngaujah ka tanah Ia naap tanah nang ba ai' ujah koa lalu Ia ngolesatn ka mata urakng koa. ⁷ Ia bakata ka urakng koa," ampuslah ka kolam Siloam lalu sasahlah." Lalu urakng koa pun ampus, nyasah muhae, lalu muakng agi' tapi udah bisa nee'. ⁸ Kamudian para tatanggae ba samua urakng nang paranah nee' ia sanape'e bakata," Buke' me urakng nyian nang duduk jaji paminta' - minta' koa?". ⁹ Urakng nang lainne bakata," Ialah koa." nang lainne bakata uga'," Buke' ayae tapi aya ia," Tapi jare," akulah nang ja kita' koa". ¹⁰ Kabatne batanya ka ia," lalu ayamae matanyu bisa nee'?. ¹¹ Ia manjawab," Urakng nang di saru' Yesus koa naap tanah nang Ia masai' ba ai' ujahe lalu Ia ngolesatn ka mataku lalu bakata ka aku," Ampuslah ka kolam Siloam lalu disasah." ¹² Kabatne batanya kamae Ia?" Jawape," Aku ina' nahui'." ¹³ Kabatne maba urakng nang buta' koa dee ka urakng Parisi. ¹⁴ Waktu koa ari Sabat waktu Yesus ngolesatn tanah koa ka matae lalu matae tabuka'. ¹⁵ Lalu sakai agi' Para Parisi nanyai' Ia ayamae ia bisa mincarakng. Ia bakata ka kabatne," Ia ngolesatn tanah nang becek koa ka mataku, lalu aku angkitn bisa nee'. ¹⁶ laine urakng Parisi koa bakata," Urakng nyian buke' barasal dari Jubata Panampa' sabab ia ina' manghormati' ari sabat. Nang laine bakata," Ina' mungkin urakng nang badosa bisa minjawat tanda - tanda aya koa" Maka jadilah karenggangan ka antara kabatne. ¹⁷ Lalu kabatne nanyai' agi' urakng nang buta' koa," Ahe pandapatnyu ka Ia nang udah muka' matanyu jaji mincarakng koa?" Urakng buta' koa bakata," Ia adalah nabi." ¹⁸ Urakng Yahudi masih uga' ina' picaya' kade ia koa buta' dari enek lalu bisa nee', malah nyaru' urakng tuhae, ¹⁹ Kabatne nanyai' urakng tuhae koa," Nyian ge anaknyu nang kao bakata kade' ia dari lahir udah buta'? Ayamae mungkin ia angkitn bisa nee'. ²⁰ Lalu urakng tuhae nyawab kata kabatne," Kami nahui' kade' ia nyian anak kami nang buta' saja' lahir". ²¹ Ayamae ia angkitn bisa nee', kami ina' nahui' , lalu sae nang muka' matae kami ina' nahui'.Tanyai' ia, soale ia udah dewasa, ia bisa ngomong untuk diri'e sandiri'. ²² Urakng tuhae ngataatn hal - hal," sabab kabatne gai' ka urakng Yahudi. Soale urakng Yahudi satuju kade' ada nang ngakui' Yesus sabagai Karistus ia akan diusir dari Sinagoge. ²³ Sabab hal nyian, urakng tuhae bakata," Ia udah dewasa, Tanyai' ia." ²⁴ Lalu untuk kadua kalie kabatne nyaru' agi' urakng nang bakas buta' dari lahir koa, lalu bakata ka ia," Bare' Kamuliaan ka Jubata Panampa' . Kami nahui' urakng nyian adalah urakng badosa." ²⁵ Lalu urakng koa nyawab," Ahe ge' ia urakng nang badosa, Aku ina' nahui', sote' hal nang aku nahui' ; De'e aku buta', angkitn aku bisa nee'. ²⁶ Lalu kabatne bakata ka ia," Ahe nang Ia pinjawat ka kao ?, Ayamae Ia muka' matanyu?" ²⁷ Ia manjawab," Aku udah bakata ka kao, lalu kao ina' nangar! Ngahe kao ina' nangar agi'? Tantu kao bai' jaji muritE kan? ²⁸ Sambil ngoloan urakng koa," Kao murid urakng koa tapi kami murid Musa. ²⁹ Kami nahui' kade' Jubata Panapa' bakata ka Musa, tapi tentang urakng nyian kami ina' nahui' darimae asale Ia atakng. ³⁰ ja kata urakng koa," Nyian hal nang luar biasa, kade' kao ina' nahui' darimae Ia barasal, tapi jakoa Ia udah mukaatn mataku. ³¹ Diri' nahui' kade' Jubata ina' nangaratn urakng - urakng nang badosa, tapi kade' urakng nang taat, ba malakukan kahendakE, Ia nangaratn Ia. ³² Saja' dunia mulai', nape' paranah nangar kade' ada urakng mukaatn mata nang buta' saja' dari lahir. ³³ Kade' urakng nyian buke' dari Jubata, Ia ina' bisa babuat ahe - ahe. ³⁴ Kabatne koa bakata," Kao banar - banar talahir daapm dosa, lalu kao angkitn ngajaria' kami? lalu kabatne ngusir ia ka uwas. ³⁵ Yesus nangar urakng koa dingusir dari Sinagoge lalu Ia namui' ia bakata ka ia," Ahe ge kao picaya' ka Anak Manusia?" ³⁶ Ia nyawab ," Sae me Ia, Jubata, biar aku picaya ka Ia" ³⁷ Yesus bakata ka Ia," Kao udah nee' Ia, lalu urakng nang bakatai' ba kao adalah Ia." ³⁸ Urakng koa bakata," Jubata, Aku picaya' lalu ia nyambah Ia. ³⁹ Yesus," Untuk pangakiman Aku udah atakng ka daapm dunia nyian biar kabatne nang ina' nee; bisa nee' lalu kabatne nee' bisa jaji buta' ⁴⁰ Ada sangahe urakng Parisi nang barage Ia nangar hal nyian lalu batanya ka Ia," Ahe ge' kami buta' ?" ⁴¹ Ja kata Yesus ka kabatne," Kade' kao buta' kao ina' badosa, tapi angkitn janyu, bakata," Kami nee'; maka dosanyu tatap ada."