¹ sasunguhe Aku bakata ka kita'," Barangsaepun nang ina' taama' malaui' pintu ka daapm kawanan domba, tapi naik malaui' maraga lain, urakng koa adalah pancuri ba parampok. ² Ia nang taama' malalui' pintu adalah gambala domba. ³ Bagie panjaga muka' pintu. Domba nangar suarae. lalu ia nyaru' dombae sandiri' ba damam lalu ngiring e kaluar. ⁴ Waktu ia udah kaluar ngicakng samua milike kaluar, ia bajaatn ka depan kabatne, lalu domba nunaan ia, sabab kabatne kanal ka suarae. ⁵ Kabatne ina' akan ngikuti' urakng nang ina' dikanal, malahan ngindari' ia, soale kabatne ina' kanal ka suara urakng - urakng nang ina' dikanal. ⁶ Yesus ngataatn parumpamaan nyian ka kabatne, tapi kabatne ina' ngarati' ahe maksud hal -hal nyian sabanare nang kabatne ngomongan. ⁷ Yesus bakata ka kabatne agi'," Nang sabanare koa Aku nyianlah pintu domba koa. ⁸ Samua nang atakng sanape' Aku koa adalah pancuri ba parampok, tapi domba ina' nangaratn kabane. ⁹ Akulah pintu. Kade' urakng nang masok malaui' Aku, ia akan disalamatatn , ia kaluar masok ba namuan nang tampat baik. ¹⁰ Pancuri ina' atakng kacoali untuk mancuri, munuh, ba ngancuratn. Aku udah atakng biar kabatne miliki' kaidupatn ba narima' ia sacara ba kalimpahatn. ¹¹ Akulah gambala nang baik. Gambala nang baik nyarahatn kaidupatne untuk domba. ¹² Ia nang adalah amba upahatn, buke' urakng gambala, nang ina' ba domba, nee' sarigala atakng lalu miaratn domba sambil dari. Sarigala nabanan kabatne muok lalu carai baraiatn kabatne. ¹³ Ia dari, sabape amba upahatn, ia ina' maratiatn domba. ¹⁴ Akulah gambala nang baik, Aku kanal ka milikKu, lalu milikKu kanal ka Aku. ¹⁵ Apa' kanal ka Aku, Aku kanal ka Ia, lalu Aku nyarahatn kaidupatnKu ka domba. ¹⁶ Aku ada domba nang lain, nang buke' dari kandang nyian. Kabatne uga', Aku arus ngicakng, lalu kabatne bisa nangar suaraKu biar ana ada sote' kalompok domba seko' gambala. ¹⁷ Nyianlah sabape ngahe Apa' ngiring Aku, Aku nyarahatn kaidupatnKu biar Aku bisa naap iya agi'. ¹⁸ Ina' ada seko'pun nang naap iya umpat ka Aku, tapi Aku nyarahatn iya babaro, Aku nang barhak nyarahatn iya, lalu aku nang barhak naap iya agi'. Aku udah narima' parentah nyian dari Apa'Ku." ¹⁹ Ada pamisahatn agi' kateeatn ka antara urakng Yahudi sabab pakataatn - pakataan nyian. ²⁰ Manyak dari kabatne bakata," Ia karasukan ibalis lalu ina' waras. Ngahe kao nangaratn Ia. ²¹ Nang lainne bakata," Hal - hal nyian buke'lah pakataatn - pakataatn urakng nang dirasuki ibalis.Bisa me ibalis mukaatn mata urakng nang buta'?" ²² Kamudian ataknglah waktue Parayaan Panyarahan ka Yarusalem. ²³ Koa musim dingin, lalu Yesus bajaatn ka bait Jubata ka sarambi Salomo. ²⁴ Lalu urakng Yahudi ngalilingi' Ia lalu bakata ka Ia," Sangahe lama kao nahan kami daapm kategangan? Kade' memang kao Karistus, kataatnlah sacara tarus tarang. ²⁵ Jawab Yesus," Aku udah bakata, tapi kao ina' picaya'. Pakarajaatn - pakarajaatn nang Aku ngarajaan daapm dama Apa'Ku. Samua nyian basaksi tentang Aku. ²⁶ Namun kao ina' picaya' sabab kao buke'lah dombaKu. ²⁷ DombaKu nangar ka suaraKu, Aku nahui' ka kabatne, lalu kabatne nunaan Aku. ²⁸ Aku mare' ka kabatne kaidupatn nang abadi, kabatne ina' akan paranah binasaa', lalu ina' seko'pun nang barani ngarabut umpat ka kokotku. ²⁹ Apa'Ku nang udah mareatn ka Aku, adalah labih aya' dari samua nang lain, ina' seko'pun nang ngarabut kabatne dari kokot Apa'. ³⁰ Aku ba Apa' adalah seko'. ³¹ Kamudian urakng - urakng Yahudi naap batu untuk nabakia' Yesus. ³² Yesus nyawab kabatne," Aku udah neeatn iya ka kao manyak pakarajaatn - pakarajaatn baik dari Apa'. Mae me dari pakarajaatn - pakarajaatn nyian nang untuk nabakia' Aku batu?. ³³ Urakng nyawab Ia," mi ina' nabakatna' batu ka Kita' sabab parbuatan baik ahepun, tapi untuk panghujatan, sabab Kita' dari manusia, agi' minjawat diri'Nyu jaji Jubata Panampa' ". ³⁴ Yesus nyawab kabatne," buke' me udah tatulis daapm ukum kita'," aku bakata," kao adalah jubata"'? ³⁵ Kade' ia nyaru' kabatne jubata-jubata, lalu ka saeme firman Jubata koa atakng ( lalu kitab firman ina bisa di ancuratn ), ³⁶ Kao bakata tentang Ia nang mae Apa' udah didedikasikan lalu ngutus atakng ka dunia. ³⁷ Kade' Aku ina' majaanan pakarajaatn - pakarajaatn Apa'Ku,amelah picaya' ka Aku. ³⁸ Tapi kade' Aku minjawat samua pakarajaatn koa, bahkan kade'pun kao ina' picaya' ka Aku, picaya'lah ka pakarajaatn pakarajaatn koa biar kao bisa nahui' ba ngarati kade' Apa' ada ka daapmKu jakoa uga' Aku ada kadaapm Me. ³⁹ Kabatne nyoba agi' mao' nangkap Yesus, tapi ia ngindar biar ina' kana tangkap. ⁴⁰ Yesus ampus agi' lewat Yordan ka tampat Yohanes udah mambaptis partama kali, lalu Ia diapm ka naun. ⁴¹ Manyak urakng atakng ka Yesus. Kabatne tarus bakata," Sabanare Yohanes udah minjawat tanda - tanda, tapi samua hal nang Yohanes ngataatn tentang urakng nyian adalah banar." ⁴² Manyak urakng nang picaya' Yesus ka naun.