¹ Angkitn ada urakng Parisi nang badama Nikodemus, Pamimpin urakng Yahudi. ² Urakng nyian atakng ka Yesus waktu maam ari bakata ka Ia," Rabi, kami nauan kta' adalah saorang guru nang atakng dari Jubata Panampa sabab ina' ada seko'pun nang bisa minjawat tanda - tanda nyian kacuali Jubata Panampa' basama kita'. ³ Yesus nyawab," sasungguh - sungguhe , kacuali urakng lahir dari Jubata , ia ina' akan nee' karajaan Jubata Panampa'.". ⁴ Nikodemus bakata ka Ia ," Ayamae bisa diparanakatn agi urakng nang udah tuha ? ia ina' bisa taama' kadua kalie kadaapm parut uwe'e lalu diparanakatn agi', kan ?." ⁵ Jawab Yesus, " sasungguh - sungguhe, kacuali urakng nang dimaranakatn dari ai' ba Roh, ia ina' bisa taama' ka karajaan Jubata . ⁶ Nang dimaranakatn dari dagen adalah dagen , nang dimaranakatn dari Roh adalah Roh. ⁷ Ame heran kade' Aku bakata ka kao, " Kao arus diparanakatn dari Jubata. ⁸ Angin basiup kamaepun ia mao', kao nangar bunyie, tapi kao na' nahui darimae koa atakng atao kamae ia ampus. Ayakoalah satiap urakng nang dimaranakatn dari Roh. " ⁹ Nikodemus manjawab," Ayamae hal - hal nyian bisa tajadi?" ¹⁰ Yesus nyawab lalu bakata ka ia," Kao guru urakng Israel, tapi kao ina' ngarati hal - hal nyian. ¹¹ Sasungguh - sungguhe Aku bakata ka kao, kami ngomong ahe nang kami nahui' . kami basaksi tentang ahe nang kami nee'. tapi kao ina' narima' kasaksian kami. ¹² Kade' Aku bakata ka kao tentang hal - hal nang ka dunia, lalu ina' picaya'. ayamae mungkin kao bisa picaya' kade' Aku carita hal - hal subayatn ?. ¹³ Ina seko'pun nang naik ka subayatn kacuali ia nang turutn umpat ka subayatn -- Anak Manusia. ¹⁴ Ayamae Musa ngangkat tingi uwar ka padang gurun, aya koa uga, Anak manusia arus ditingian. ¹⁵ Biar samua nang picayai' ka Ia biar namu kaidupatn nang kakal. ¹⁶ Sabab Jubata Panampa' sidi ngasihi' dunia, maka Ia udah mareatn Anak TunggalE, Biar samua nang picaya ka Ia pasti namu kaidupatn nang kakal. ¹⁷ Sabab Jubata buke ngutus AnakE ka dunia untuk ngukuma' dunia. tapi biar nyalamatatn dunia malalui' AnakE. ¹⁸ Barang saepun nang picaya' ka Ia ina' di ukum, tapi kade ina picaya' ka Ia udah pasti akan namu ukuman, soale ia ina' picaya' daapm damaE dari Anak Tunggal Jubata Panampa'. ¹⁹ Nyianlah alasan unutk pangakiman; sabab tarakng udah atakng ka dunia, urakng - urakng labih nyukai' kagalapatn daripada nang tarakng sabab parbuatan kabatne adalah jahat. ²⁰ Sabab satiap urakng nang babuat jahat banci' ka nang tarakng, lalu ina' atakng ka nang tarakng koa, sahingga parbuatan ina' tabuka'. ²¹ Tapi, barang saepun nang tarus hane maratekatn kabanaratn atakng ka nang tarakng sahingga parbuatan nang udah dinamu dari Jubata Panampa' , pasti nyata. ²² Aka' nyian, Yesus ba para murite taama' ka nagari Yudea. Kanaun Ia gunaan waktue ba kabatne untuk mambaptis. ²³ Yohanes uga' masih mambaptis ka Aenon samak Salim soale ai'e labih manyak kanaun. Urakng - urakng manyak nang atakng ka ia minta dibaptis. ²⁴ Soale Yohanes masih nape' ditamaan ka daapm pinjara. ²⁵ Lalu timulah salisih paham ka naun antara murid Yohane ba urakng Yahudi tentang upacara " pambasuhan ". ²⁶ Kabatne ampus ka Yohanes bakata ka ia," Rabi seko' urakng nang barage kita' ada ka sabarang sunge Yordan, tentang Ia kita' udah basaksi, tee' Ia agi' mambaptis, lalu samua urakng ampus ka Ia. ²⁷ Ja Yohanes ," Urakng ina bisa narima' ahepun kacuali hal koa udah dimareatn ka Ia umpat ka Subayatn. ²⁸ Kita' sandiri'lah basaksi kade' aku bakata, " Aku buke'lah Karistus koa, jakataku tapi Aku dingutus sanape' Ia". ²⁹ Panganten nang bini milik nu' nang laki. Ayukng panganten nang laki, nang badiri ba nangaratn Ia, sidi repo sabab suara panganten dari nang laki, maka ayanyian suka citaku jaji sampurna. ³⁰ Ia arus batamah, tapi akju arus bakurang. ³¹ Ia nang atakng umpat ka atas adalah ka atas samua. Ia nang umpat ka bumi adalah dari bumi ngomong hal - hal sacara bumi. Ia nang atakng umpat ka subayat adalah ka atas samuae. ³² Ia basaksi atas ahe nang Ia udah nee' ba nangar, tapi ina' seko'pun nang narima kasaksianne. ³³ Ia nang narima' kasaksianne udah nahui' kade' Jubata Panampa' adalah nang banar. ³⁴ Sabab urakng nang Jubata Panampa' ngutus bakata - kata dari Jubata Panampa' .Sabab Ia mare' Roh ina' tabatas. ³⁵ Apa' ngasihi' Anak, udah dimare' bakal ka Ia . ³⁶ Barang sae nang picaya' ka Anak miliki' kaidupatn kakal, tapi barang saepun nang ina matuhi' Anake ina' akan nee' kaidupatn nang kakal, malainkan murka Jubata tatap ada ka ia.