¹ Talu ari barikute, ada nang bagawe panganten ka Kana Galilea, ada uwe' Yesus kanaun. ² Yesus ba para murite dingundang uga' ka gawe panganten koa. ³ Waktu kaabisatn anggor, uwe' Yesus bakata ka Ia," Kabatne ina' ba anggor ." ⁴ Yesus nyawab, nang bini, ahe sangkut-paute koa ba Aku ? waktu ku nape' atakng." ⁵ Uwe'E bakata ka para palayan ," Ahepun nang Ia sampeatn ka kao, pinjawatlah ayakoa. ⁶ Kanaun ada anam tampayatn batu ai' nang dimake untuk upacara panyasahatn Yahudi, nang masing - masing barinsi kira- kira saratus dua puluh liter ai'. ⁷ Yesus bakata ka kabatne ," insi'lah tapayatn - tapayatn ba ai'. lalu kabatne nginsii' tapayatn - tapayatn koa barinsi' sidi. ⁸ Lalu ia mare nauan ka palayan," angkitn taaplah sadikit lalu icakng ka juru makanan ba minuman ," Ayakoalah nang kabatne pabuat," ⁹ Juru makanan ba juru minuman nyicipi' ai' nang udah jaji anggor,, tapi ia ina' nahui' darimae minuman koa barasal ( tapi para pelayan nang naap ai' koa nahui' ) lalu ia nyaru' panganten nang laki ¹⁰ bakata ka ia, "satiap urakng nang nyuguhatn anggor nang baik partama kamudian anggor nang murah waktu urakng - urakng udah kamabuk. Tapi kao udah nyimpan anggor nang baik sampe angkitn. " ¹¹ Tanda partama nyian Yesus minjawat ka Kana Galilea, Ia neeatn kamuliaanNe, lalu para murite micayai' Ia. ¹² Aka' nyian Yesus, Uwe'e, ba saudara- saudaraE, ba para muritE ampus turutn ka Kapernaum, kanaun kabatne diapm untuk sangahe ari. ¹³ Angkitn Paskah Yahudi udah samak , maka Yesus bajaatn naik ka Yerusalem . ¹⁴ Ia namui' para panjual lembu - lembu, ba domba - domba ba burukng - burukng merpati, ba para panukar duit ada uga' duduk kanaun. ¹⁵ Lalu Ia minjawat sabuah cambuk dari tali untuk ngusir kaluar kabatne dari Rumah Jubata Panampa' , tamasuk lembu - lembu ba domba - domba . Ia ngamuratn duit para panukar sambil mabalikatn meja - meja kabatne. ¹⁶ Ka para panjual burukng dara Ia bakata ," Taapi' samua hal - hal nyian lalu kaluar dari dian , Parantiatn kagiatan bajual bali ka Rumah Apa'ku. . ¹⁷ Para muritE taringat kade' koa udah tatulis," camburu untuk rumahE pasti abis nunu kao ." ¹⁸ Lalu paminpin Yahudi mananggapi' , bakata ka Ia, " Tanda ahe nang Kao neeatn ka kami sabab Kao babuat hal - hal nyian ?". ¹⁹ Yesus nyawab, " Runtuhatn Rumah Jubata Panampa' nyian , daapm talu ari Aku madiriatn iya. ²⁰ Kamudian pamimpin Yaahudi bakata, " Rumah Jubata Panampa' nyian dimangun salama ampat puluh tahutn , lalu Kao mao' madiriatna' iya daapm talu ari?" ²¹ Tapi Ia bakata masalah Rumah Jubata Panampa' Yakoa tubuhe. ²² Maka waktu ia udah dimangkitatn dari kamatiatn, para murite taringat kade' ia udah bakata tentang hal nyian ,lalu kabatne picaya' ka kitab ba ungkapan nyian nang udah Yesus ngataatn. ²³ Kamudian waktu Ia ka Yerusalem waktu ari Paskah, salama parayaan, manyak nang picaya' daapm damaE waktu kabatne udah nee' tanda - tanda nang ia parbuat. . ²⁴ Tapi Yesus ina' bisa picaya' ka kabatne soale Ia nahui' samua manusia., ²⁵ sabab Ia ina' paralu ka dangan untuk nyaksiatn ka Ia tentang ahe rupa manusia, sabab ia nahui' ahe nang kadaapm manusia.