¹ Panangkapan Yesus Aka' yesus ngataatn hal - hal nyian, Ia ampus barage murit- muritE ka sabarang sunge Kidron, tampat nang ada sabuah taman Lalu Yesus taama' ba na' murit - muritE. ² Yudas, slalh seko' muritE nang bahianat ka Yesus, nahui' taman koa soale Yesus sering bakomo' ba murit - muritE ka dikoa, ³ Yudas aka' narima' sajumlah pasukan lalu amba - amba dari imam - imam kapala ba urakng - urakng Farisi, ngicakng lantera, obor ba sanjata. ⁴ Yesus nahui' samua hal nang mao' tajadi ka Ia, Ia maju ka depan lalu batanya ka kabatne," Sae nang kita' ngagoi' ?" ⁵ Kabatne nyawab, " Yesus urakng ka Nazaret." Yesus bakata ka kabatne, " Akulah Yesus." Yudas nang bahianat ka Yesus, badiri ba kabatne. ⁶ Waktu Yesus bakata," Aku nang Yesus," urakng - urakng koa langsung mundur lalu jantu' ka tanah. ⁷ Lalu, Yesus batanya agi ka kabatne," Sae nang kita' ngagoi'?" Kabatne nyawab," Yesus nang umpat ka Nazaret." ⁸ Ka kata Yesus," udah Aku ngataatn ka kita', Aku lah nang Yesus koa.Jadi, kade' kita' nang ngagoi' Aku, biaratnlah murit - muritKu nyian ampus ka lain. ⁹ Hal nyian tajadi biar ganaplah pakataatn nang udah Yesus ngataatn:" Dari samua nang Kita' bareatn ka Aku, Aku ina kahilangan sote'pun." ¹⁰ Simon Petrus, nang ngicakng pedang, ngibasatn pedange ka palayan imam besar lalu nganai' tarenyeknge nang kanan sampe putus, dama palayan Imam besar koa adalah Malkhus. ¹¹ Lalu, Yesus bakata ka Petrus, " Taamaan pedangnyu koa ka saraknge! Cawan nang Apa' mareatn ka Aku, buke' me Aku arus nyocok iya?" Yesus dingicakng ka adapatn Hanas. ¹² Lalu para parajurit Romawi ba perwira - perwirae ada uga' para palayan urakng Yahudi nangkap Yesus ba dingikat, ¹³ Yesus dingicakng doho' ka Hanas, datu' Kayafas, ia adalah Imam Besar waktu tahutn koa. ¹⁴ Lalu, Kayafaslah nang nasehati urakng - urakng Yahudi kade seko' nang mati adalah hal nang baguna demi rakyat. Petrus ina' ngakoi' Yesus. ¹⁵ Simon Petrus ba seko' murit Yesus lainne nunaan Yesus. Murit nang lain koa dikanali' Imam Besar lalu ia taama' barage Yesus ka daapm istana Imam Besar. ¹⁶ Tapi, Petrus badiri ka uwas, ka samak pintu. Lalu, murit nang lain koa, nang kanal ka Imam Besar, muakng ka uwas lalu bakata ba nang bini panjaga pintu, lalu maba Petrus taama'. ¹⁷ Lalu nang bini panjaga pintu koa batanya' ka Yesus," Buke' me kao uga' salah seko'e murit dari urakng koa?" Jawab Petrus," Buke'!' ¹⁸ Aka' maiki' api, para palayan ba perwira badiri kanaun soale waktu koa abut aga' dingin, lalu kabatne badiakng. Petrus uga' ada ba kabatne, badiri badiakng. Imam Besar batanya' ka Yesus ¹⁹ Lalu, Imam Besar nanyai' Yesus tentang murit - muritE ba tentang ajaranNe. ²⁰ Jawab Yesus ka ia," Aku bakata tarus tarang ka dunia. Aku salalu ngajar ka Sinagoge - Sinagoge ba Bait Jubata, tampat samua urakng Yahudi bakomo'. Aku bakata ina' batapor - batapor. ²¹ Ngahe kao batanya' ka Aku. Tanyaanlah ka kabatne nang udah nangar ahe nang udah Aku kataatn ka kabatne; kabatne nahui' ahe nang udah Aku ngataatn. ²² Waktu Yesus bakata ayakoa, Seko' penjaga nang badiri dikoa nampar muha Yesus lalu bakata," Ayakoa me caraNyu nyawab Imam Besar?" ²³ Yesus nyawab," Kade' Aku ngataatn parihal nang, tojokatn dimae nang salah; tapi kade' nang ku kataatn banar, ngahe kao ina' nampar Aku?" ²⁴ Lalu, Hanas ngirim Yesus daapm kaadaan tarikatka Imam Besar Kayafas. Petrus muakng ina' ngakui' Yesus. ²⁵ Samentara koa,Simon Petrus masih badiri sambil badiakng. Lalu, kabatne batanya," Buke me kao salah satu dari murit urakng koa?" Petrus basangka jakatae," Buke'" ²⁶ Salah seko' palayan Imam Besar, nang ayukng dari tarenyeknge nang kana tatak Petrus, bakata," Buke me aku ada nee' kao ba kabatne ka taman koa?" ²⁷ Sakai agi' Petrus basangka, lalu sakatika koa uga'manok ba kokok. Yesusdi maba ngadap Pilatus ²⁸ Lalu, kabatne ngicakng Yesus dari tampat Kayafas ka gadung pangadilan, waktu koa masih dini ari, sadangkan kabatne sandir' ina' taama' ka gadung pangadilan biar kabatne ina' najsatn dirie biar muih makatn Paskah. ²⁹ Maka, Pilatus muok namui' kabatne lalu batanya'," Ahe tuduhan ka urakng nyian?, ³⁰ Jawab kabatne," kade' urakng nyian buke' urakng jahat, tantu kami ina' ngicakng Ia ka kita' ", ³¹ Pilatus bakata ka kabatne," Icaknglah Ia akimilah manurut ukumnyu." urakng - urakng Yahudi koa nyawab," Ina' sasuai ukum bagi kami untuk ngukum mati ka dangan." ³² Nyian tajadi untuk ganapi' pakataatn Yesus, nang nojokatn aya ahe carae Ia mati. ³³ Maka, Pilatus taama' agi' ka daapm gadung pangadilan lalu nyaru" Yesus, batanya' ka Ia," Ahe ge' Kao urakng Yahudi?" ³⁴ Yesus nyawab," Ahe ge' patanyaannyu koa umpat ka atinyu sandiri; atao ada ge' urakng lain nang mare' kao nahui'?" ³⁵ Pilatus bakata," Ahe ge' Kao urakng Yahudi? Bangsa ba urakng - urakngNyu sandiri' nyarahatn Kao ka Aku. Ahe nang udah Kao pabuat?" ³⁶ Yesus bakata, "KarajaanKu buke' umpat ka dunia nyian. kade' karajaanKu umpat ka dunia nyian, palayan - palayan-Ku pasti mao' malawan biar Aku ina' di sarahatn ka urakng - urakng Yahudi. Tapi, karajaan Ku buke'lah ka dunia nyian." ³⁷ Pilatus bakata," Jadi Kao saorang raja?" Yesus nyawab," Kaolah nang ngataatn Aku saorang raja. untuk nyialah Aku lahir, lalu untuk nyianlah Aku atakng ka dunia, adalah untuk basaksi tentang kabanaran, Satiap urakng nang barasal dari kabanaran akan nagaratn suara-Ku." ³⁸ Pilatus bakata ka Ia," Ahe me kabanaran koa?" Lalu aka' bakata ayakoa, pilatus muok ka uwas agi' naui' urakng -urakng Yahudi, lalu bakata ka kabatne," Aku ina' namui' kasalahan ahepun ka Ia. ³⁹ Tapi, kao miliki' sote' kabiasaan kade' aku arus mebasatn tahanan waktu ari Paskah. jadi, ahe ge' kao mao' biar aku mebasatn ' Raja Urakng Yahudi nyian?". ⁴⁰ Kabatne langsung ngampak ," Ame bebasatn Urakng nyian, nang muih Barabas!" Barabas adalah saorang parampok.