¹ Anam ari sanape' Paskah, Yesus atakng ka Betany, tampat Lazarus diapm, nang ia mangkitatn dari mati. ² Maka kabatne ngadaatn makatn kanaun, lalu Marta agi malayani', samantara Lazarus duduk ba na' Yesus sacongcok. ³ Lalu Maria naap sadikit parfum nang diminjawat dari bahan nang wangi murni, maha sidi, ngolesi paha Yesus ba minyak wangi koa, ia maiti ba buuke, sampe rumahe babau minyak wangi. ⁴ Yudas Iskariot, adalah salah satu murid Yesus nang akan manghianati' Ia, bakata, " ⁵ Ngahe parfum nyian ina' dijua tiga ratus dinar lalu dibareatn ka urakng nang miskin?". ⁶ Sabanare hal nyian ia dingataatn, buke' sabape ia parhatian ka urakng miskin, malainkan ia adalah pancuri : ia nyimpan kantong duit lalu ia kaiti' sabagian ka daapme untuk diri'e babaro. ⁷ Yesus bakata," Ijinan ia untuk tatap minjawat ahe nang ia miliki' untuk air panguburanKu. ⁸ Urakng miskin akan salalu ada basama kita'; tapi kita' ina' salalu ada basamaKu. ⁹ Angkitn, sabagiane manyak urakng Yahudi mahami' kade' Yesus ada kanaun, lalu kabatne atakng buke' untuk Yesus aja', Tapi biar kabatne bisa nee' Lazarus nang udah Yesus mangkitatn koa. ¹⁰ Para imam kapala barencana biar kabatne bisa untuk munuha' uga' Lazarus. ¹¹ Gara - gara ia manyak urakng Yahudi ampus lalu picaya' ka Yesus. ¹² Ari barikute manyak urakng nang atakng ka parayaan. Waktu kabatne nangar Yesus ada atakng ka Yerusalem, ¹³ Kabatne ngicakng daukng palem ampus nyambut ka atangan Yesus sambil kaekngkampak ka repoatn," Hosanna! dibarakati' Ia nang atakng daapm dama Jubata, Raja Israel." ¹⁴ Yesus namu keledai muda' lalu duduk ka atase, aya nang udah tatulis," ¹⁵ Ame gai' putri Sion; tee' rajanyu atakng, duduk ka atas keledai muda'." ¹⁶ Para murite ina' ngarati hala - hal nyian awale; tapi waktu Yesus di agungan, kabatne ingat kade' hal - hal nyian udah tatulis tentang Ia ade' kabatne udah majaanan hal - hal nyian ka Ia. ¹⁷ Angkitn urakng nang manyak koa basama Yesus mare' kasaksian ka urakng rami tentang Lazarus nang udah mati dibangkitatn Yesus agi'. ¹⁸ Nyianlah uga' alasan kabatne ampus ka Yesus sabab kabatne nangar kade' Ia udah nee'atn tanda nyian. ¹⁹ Sabab koa urakng Parisi bakata ba sabayaatne," Tee', kao ina' bisa babuat ahe - ahe, tee'lah dunia baralih ampus ka Ia lalu ngikuti' Ia. ²⁰ Angkitn urakng - urakng Yunani nang sabagian ada uga' ka antara kabatne nang ampus nyambah ka parayaan koa. ²¹ Kabatne nyian ampus ka Filipus, nang barasal dari Betsaida ka Galilea, lalu mohon ka ia ja katae," Tuan, kami mao' batamua' Yesus." ²² Filipus ampus lalu nyampeatn ka Andreas ; Andreas ampus ba Filipus, lalu kabatne nyampeatn ka Yesus. ²³ Yesus nyawab kabatne jakatae," Saate udah atakng untuk Putra Manusia dimuliaatn." ²⁴ Sasungguh - sungguhe Aku bakata ka kita', kacoali banih gandum jantu' kadaapm tanah lalu mati, banih koa akan tatap ayakoa, tapi kade' koa mati, banih koa pasti akan muokatn manyak buah. ²⁵ Barangsae nang ngasihi' kaidupatne akan kailangan kaidupatne, tapi barangsae nang banci' kaidupatne daapm dunia nyian akan mihara iya untuk kaidupatn nang kakal, ²⁶ Kade' ada nang malayani' Aku, biarlah ia ngikuti' Aku; kamaepun Aku barada, kanaun uga' ambaKu barada, kade' ada nang malayani' Aku, Apa' akan ngahormati' ia. ²⁷ Jiwaku tagoncang angkitn: ahe nang arus aku kataatn? ' Apa' salamatatn Aku dari saat nyian?' Tapi untuk alasan nyianlah Aku udah atakng saatn nyian. ²⁸ Apa' muliaatnlah damaNyu," Lalu kadangaratn suara dari angit jakatae," Aku kaduae baik samua udah muliaatn Ia mao'pun baru' nang maoa' agi'." ²⁹ Lalu urakng nang rami badiri samak bakata koa kahe bunyi baguruh. nang lain bakata," Seko' Malaekat udah bakata ka Ia." ³⁰ Yesus nyawab jakatae," Suara ina tajadi buke' sabab Aku, tapi sabape kita'. ³¹ Angkitn adalah pangakiman dunia nyian. Angkitn mao' nyuciaatn pangeran - panguasa dunia nyian. ³² Lalu Aku, waktu Aku mao' di tingian ka bumi nyian, mao' narik samua umat ka diri'Ku babaro. ³³ Ia bakata tentang hal nyian untuk ngataatn ayamae carae Ia matia' ana. ³⁴ Urakng nang rami koa nyawab," Kami udah nangar dari ukum Taurat kade' Mesias tatap idup salamae, Ayamae bisa kao bakata," Anak Manusia arus ditingian? Sae Anak Manusia nyian?" ³⁵ Maka Yesus bakata ka kabatne," masih ada sadikit tarakng ka antara kita'. Bajaatnlah samentara kao miliki' tarakng, biar galap ina' bisa nguasai' kao. Barangsae nang bajaatn daapm galap ina' nahui' mao' kamae ia mao' ampus. ³⁶ Kade' kao masih miliki' tarakng, picaya'lah daapm tarakng sahingga kao bisa manjadi anak - anak nang tarakng. ³⁷ Walaupun Yesus minjawat udah manyak tanda - tanda ka kabatne, tapi masih uga' ina' picaya ka Ia. ³⁸ jaji kata nabi Yesaya tantu tapanuhi', jakatae," Jubata, sae nang picaya' panyampeatn diri'? lalu ka sae kokot Jubata udah dineeatn?" ³⁹ Untuk alasan nyian kabatne ina' bisa picaya', sabab Yesaya ngataatn agi'. ⁴⁰ " Ia udah mutaatn mata kabatne, la udah ngarasatn ati kabatne; sabalike kabatne bisa nee' ba mata kapala kabatne lalu bisa ngarati ba ati pikiran kabatne, bisa babalik, lalu Aku bisa nomoan kabatne." ⁴¹ Yesaya ngataatn hal - hal nyian sabab ia udah nee' kamuliaan tentang Yesus lalu bakata manganai' Ia. ⁴² Biarpun ayakoa, manyak paminpin picaya' daapm Yesus, tapi sabab urakng Parisi, kabatne ina' ngakoi' iya lalu kabatne ina' dikucilatn dari rumah ibadah. ⁴³ Kabatne nyukai' pujian nang atakng dari urakng labih dari pada pujian nang atakng umpat ka Juabata Panampa'. ⁴⁴ Yesus bakata sambil ngampak jakatae," Barangsae nang picaya' ka Aku, picaya' buke' ka Aku saja' tapi uga' picaya' ka Ia nang ngutus Aku, ⁴⁵ lalu barangsaepun nang nee' Aku nee' Ia uga' nang ngutus Aku. ⁴⁶ Aku udah atakng daapm sabagai suatu nang tarakng kadaapm dunia sahingga barangsae nang picaya' daapm damaku ina' tatap daapm kagalapan. ⁴⁷ Kade' nang ada nangar pakataatnKu, tapi ina' ia pihara, Aku ina' ngakimi' ia, sabab Aku atakng buke' untuk ngakimi' dunia, tapi untuk nyalamatatn dunia. ⁴⁸ Barangsae nang nolak Aku lalu ina' narima' pakataatnKu ada nang ngakimi' ia, pakataatn nang Aku udah kataatn koa nang mae akan ngakimi' ia waktu ari akhir. ⁴⁹ Sabab Aku ina' bakata dari pihakKu sandiri', malainkan, Apa' nang udah ngutus Aku, nang udah mare' ka Aku parentah tentang ahe nang arus Aku kataatn ba ahe nang ahe nang arus Aku sampeatn. ⁵⁰ Aku nahui' kade' parentaHe adalah kaidupatn kakal, biar ahe nang Aku kataatn sama aya nang Apa' udah kataatn ka Aku, maka Aku kataatn ka kabatne.