² Angkit'n, sagala page kamaru', badoalah onto' kami supaya firman Jubata nang kami maritaat'n namu kamajuan, dimuliaat'n, aya nang udah kita' nee' ka antara kita', ¹ supaya kami nyian talapas dari urak'ng nang suka ngaco, ba urak'ng-urak'ng jahat, barang ga' ina samua urak'ng bariman. ³ Tapi, Jubata koa satia sidi. Ia pasti nguatat'n ati kita' ba mihara kita' dari hal nang ina' banar. ⁵ Kami picaya' ka Jubata, bahwa ahe nang kami masanan ka kita' pastilah kita pinjawat. ⁴ Kira'e Jubata tatap nojokat'n ati kita kaseh sayak'ng Jubata, ba katabahat'n Kristus. ⁷ Kami bapasat'n ka kita, samua page kamaru', ka daap'm dama Jubata Yesus Kristus supaya kita' ame basamakat'n ba ayuk'ng nang bai' ngarajaat'n pakarajaat'ne, bai' nuruti' ajarat'n nang udah kita' narima' dari kami. ⁶ Kita' babaro ja' dah nauan ayamae kita' arus ngikuti' contoh kami nang ina' suah caroboh kade' bakaraja ka antara kita', ⁸ ina makat'n pamakanan urak'ng paracuma, tapi kami tarus barusaha uga bajarih lalah siak'ng maam, supaya ame jaji darita urak'ng nang ada ka samak kita'. ⁹ Buke' karana kami nyian ina' berhak onto' koa, tapi kami nyian mao' mare' contoh ka kita', supaya kita' nunaan ahe nang kami ngajarat'n. ¹⁰ Waktu kami ada ka antara kita', kami mare' paringatat'n nyian ka kita': kade' ada ka antara kita' bai' bapauh memeh bakaraja, ame maan ia makat'n. ¹¹ Kami matakat'n nyian ka kita' barang kami nangar ada nang ina taratur idupe, bai' bakaraja, tapi sau sibuk ihane ba parihal nang ina' baguna. ¹² Urak'ng-urak'ng nang ayakoa kami mare pasat'n ba nasihati' ka daap'm dama Jubata Yesus Kristus, supaya kabat'ne tatap tanang ngarajaat'n pakarajaat'ne, supaya ia namu pamakanan ba makat'n pamakanane babaro. ¹³ Ku masanan uga' ka kita' samua page kamaru', ame suah-suah kita minjawat sagala hal nang baik ka daap'm idup nyian. ¹⁴ Kade' ada urak'ng nang bai' nangarat'n ahe nang kami matakat'n ka daap'm surat nyian, tandai' sidi ia, lalu ame barayuk'ng ba ia, supaya ia nauan rasae supe'. ¹⁵ Tapi ame nganggap ia koa musuh, tapi tagurlah ia koa sarupa aya kamaru' diri'. ¹⁶ Kirae Ia, Jubata pamare' damai koa mareat'n damaiE tarus-tarusat'n ka daap'm sagala parihal ka kita'. Jubata kirae marakati kita' samuae. ¹⁷ Salam dari aku, Paulus. Salamku nyian ku nulis ba kokotku babaro. Nyianlah tandae ka daap'm samua suratku: Aya nyia ihan tulisanku. ¹⁸ Kasih barakat dari Jubata Yesus kirae nyaratai' kita' samua page kamaru'.