² Parihal barita kaatakangan Jubata diri', Yesus Kristus ba ayamae diri' jaji sete', kami minta' ka kita sigala page kamaru', ¹ supaya kita' ame gia ijak-ijak bingung ba ina' tanang ka daap'm idup nyian, baik nya dipanarangan roh, baiknya di pamaritaat'n ba surat-surat nang suah kami ngiriman ka kita', saolah-olah ari kaatangan Jubat koa sia' samak. ³ Ame sidi kita' mareat'n diri' kita disasatat'n di urak'ng-urak'ng ba cara-cara nang ayamae pun uga'. Sanape' ari kaatangan Jubata koa, arus ada nang murtat, aruslah ia disahat'n urak'ng nang durhaka, nang arus mati, ⁴ kabat'ne koa musuh nang ningiat'n diri'e ka atas samua'e atau ge' nang dinyambah sebagai Jubata. Aduh agi' ia duduk ka rumah Jubata, lalu mao' nyabuta' diri'e sebagai Jubata. ⁵ Ina' ge; dee kita' ingat, parihal koa dee sering lalu ku matakat'n ka kita' waktu aku masih sirage-rage ba kita? Angkit'n kita' dah nauan ahe jukut nang nahan ia, sampe ia ⁶ baru' mao' matakat'n diri'e ka waktu nang udah ditantuat'n onto' ia. ⁷ Kadurhakaat'n koa bakaraja sidi ina' kateeat'n, tapi angkit'n masih ada nang nahan ia, kade' nang nahan ia koa udah dinyingkirat'n, ⁸ waktu kuihanlah baru' pandurhaka koa nojokat'n diri'e, tapi Jubata Yesus akan munuh ia ba sengat dari mootE, ngancurat'n ia, kade' ia atak'ng agi'. ⁹ Kaatangan si pandurhaka koa pakarajaan Ibalis, nang dinyaratai ba pakarajaan nang ina' masok diakal, ba pakarajaan nang aneh-aneh, ba mujijat nang alok-alok, ¹⁰ uga' ba macam pakarajaan nang ngaloki manyak urak'ng ka urak'ng-ura;ng nang memang arus mati, barang ga' kabat'ne koa ina' narima' ba ina' sayak'ng ka jukut nang banar nang bisa minjawat kabat'ne salamat. ¹¹ Angke kuihanlah Jubata ngatangan sagala kasasatat'n ka atas kabat'ne, nang minjawat kabat'ne jaji picaya ka sagala parihal nang ina' banar, ¹² supaya diukum samua urak'ng nang ina' picaya' kabanarat', ba nang suka idup ka daap'm kajahatat'n. ¹³ Karana kuihanlah, kami nyian sau basukur ihane ka Jubata taga di kita', sagala page kamaru' nang sidi Jubata nyayangi, sabape Jubata koa dari gi' jaman are' dee, sanape ada samua'e ka dunia nyian, Jubata udah milih kita' onto' disalamatat'n ka daap'm Roh Baraseh nang udah ngudusat'n kita' ka daap'm kabanarat'n nang kita' udah micayai'. ¹⁴ Onto' kuihanlah Jubata dah nyaru; kita karana Barita Baik nang udah kami maritaat'n, sampe kita' namu kamuliaan Yesus, Jubata diri'. ¹⁵ Angke kuihanlah, kita' arus badiri tagap, sambi mampauti' ajaran-ajaran nang udah kita' narima' dari kami, baik nang kami matakat'n langsung ba nang kami nulis ka surat. ¹⁶ Ia koa, Yesus Kristus, ba Jubata, Apa' diri' ka daap'm kaseh saya'ngE udah ngasihi' kita' ba udah mare' pangiburat'n nang salama-lamae, ba pangarapat'n baik ka kita, ¹⁷ kira'e koa ngibur ba nguatat'n ati kita ka daap'm pakarajaan ba pakataat'n nang baik.