¹ Yesus de tolak tangar kota Asale Salanjute, Yesus tulak deke aro dan hampe tangar kata asale, dan murid-murid te umba aye. ² Pas andrau sabat hampe, Yesus mulai ngajar tangar sinagoge. Dan, ajoh ulun sa nga rengey ngingkam takjub, dan bapander? Hikmat inon sa de ami ge aye dan mukjizat-mukjizat sa kalah hiyo sa de ulah tangan ne? ³ Aye yo anak tukang kayu, anak Maria, babuhan Yakobus, dan babuhan Yoses, ingkeng Yudas dan Simon? Lainkah babuhane naan tangar ti sawawey hayak ingkeng taka? Inonkah pulaknai-pulaknai wawai haan tangar ti sameh taka udi yo, ira ta kait dan nihi nguring aye ⁴ Selanjute, Yesus bapander nahi ire, ta awe-awe bo ulun hormat ingkeng nabi, salain tangar uneng aye kakarep, ingkeng babuhan-babuhane, kakarep, dan tangar leu e kakarep. ⁵ Maka, Yesus bakoy tau ngulah mukjizat tangar aro selain ngodok tanggan ne tangar entu ulun sa sakit dan paranaye, ⁶ Dan, aye heran ingkeng ire gana bakoy percaya. Selanjute, aye tulak kaliling nahi tumpuk-tumpuk dan mangajar. Yesus nunyu murid-murid te ⁷ Selanjute, Yesus nerau dua blas murid te dan ngutus ire ba ruweh-ruweh, dan ngami kuasa atas roh-roh najis. ⁸ Udi yo aye ngami parintah gi ire de bakoy nunda inon-inon tangar huwang kia ire. Ekat nunda tungkot, bakoy nunda wadai, bakoy nunda tas, bakoy nunda duit huwang hurukan pakewu e. ⁹ Ekat makai sandal nihi ada pakai ruweh lemba. ¹⁰ Dan, Yesus bapander ingkeng ire tangar awe bo kaon mambay lue, suluk bo muneng hampe bo kayo balua waleng neke hiyo. ¹¹ Dan, amun naan uneng sa bakoy narima kayo dan ngarengey kayo, pas kayo tulak de barasih dabu tangar pee ko de tau jeri kesaksian gi ire. ¹² Udi yo ire tulak dan ngami barita gi ulun-ulun de batobat. ¹³ Maka, ire ngusir ajoh pijat dan mengurapi ajoh ulun nihi minyak, sarta paranaiy ire. Herodes Ngarengey Kabar Yesus ¹⁴ Dan, Raja Herodes haot ngarengey ye, gana aran Yesus haot de kenal dan ulun bapander, Yohanes pembaptis haot bangkit neke antara ulun sa haot matey, maka mujizat-mujizat te bagawi tangar huwang aye. ¹⁵ Saparu bapander aye Elia, Namun separu bapander aye yo ulun mehe nabi, kalah isa neke ire nabi. ¹⁶ Akan salain, pas Herodes nga rengey kabar yo, aye bapander Yohanes, sahaot kuki tetek ulu e haat de bangkit kan lagi! Yohanes Pembaptis de Unu ¹⁷ Bujur, Herodes kakarep sa nunyu ulun de nyaput Yohanes, dan mangorong tangar huwang panjara demi Herodias. Haraw pulok nai aye kakarep, Filipus, gana Herodes naharaw Herodias. ¹⁸ Gana, Yohanes ba ulang kali ba pander nihi Herodes, bakoy bujur kayo nugo haraw puloknai ko. ¹⁹ oleh karna hiyo, Herodias ngingkeh dendam ingkeng Yohanes dan kakan ngunu aye, tatapi aye koy iyut. ²⁰ Gana, Herodes takut ingkeng Yohanes gana aye kataru Yohanes ulun sa bujur dan sa suci, dan Herodes ngalindung e pas Herodes ngarengey Yohanes, aye merasa bingung tapi Herodes rajin ngarengey Yohanes. ²¹ Namun, hawilah andrew sapas, pas andraw ulang tahun Herodes ma ada kan perjamuan gi pejabat-pejabat etue, perwira-perwira e, dan pemimpin-pemimpin Galilea. ²² Pas sa anak wawey Herodias suluk manari, aye parami Herodes dan nihi ire sa maharung sahayak aye. Dan, raja bapander nihi wawey yo, lakolah sa dekana ngakan kaye dan kuki ngamie gi kayo. Bahkan hampe saparu karajaan kuki. ²³ Dan, Herodes basumpah gi aye, inon bo sa de lako kayo nihi kuki, tau uki nami gikayo, bahkan hampe separuh karajaan kuki. ²⁴ Dan, wawey yo tulak dan bapander nihi ine'e, kuki harus lako inon? ine'e manjawab, ulu Yohanes Pembaptis. ²⁵ Dan, waktu hiyo ley ba ancap-ancap, wawey yo hawi gi hadapan Raja dan Pembaptis, kuki kokan lako nihi kayo itiley kayo ngami ulu Yohanes Pembaptis tangar entu baki. ²⁶ Gana yo, raja ngingkam sedih, gana sumpahe dan ulun-ulun sa kuman hayak aye, aye bakoy iyut nguring wawey yo. ²⁷ Lohuy, Raya nunyu ngirim isa ulun algojo nihi parintah de nunda ulu Yohanes, lahuy algojo yo tulak dan netek ulu Yohanes tangar penjara. ²⁸ Selanjute, aye nunda ulu Yohanes tangar entu baki dan ngami nihi wawey yo, dan wawey yo ngami ge ine e. ²⁹ Dan, pas murid-murid Yohanes ngarengey, ire hawi dan nugo tengga Yohanes dan nondoke ta huwang ogang. Yesus Ngami Panguta Gi Labih Neke Dime Ribu Ulun ³⁰ Selanjute, ire rasul bakumpul sahayak Yesus dan mara gi aye inon bo sa haot kayo gawi dan inon bo sa haot kayo ajarkan. ³¹ Dan, Yesus bapander ingkeng ire, ayo taka tulak mangasingkan arep ge uneng sa benyem dan tawire tawelek gana ajoh tengga sa hawi dan tulak, dan de kuman gin ire koy sampet. ³² Ubi, yo Yesus nihi murid-murid te tulak mengasingkan tenga nihi jukung ge uneng sa benyem. ³³ Akan tetapi, ulun ajoh ngindi ire tulak dan katora ire. Dan, ulun ajoh hiyo malempat sahayak-hayak nangkah lalan entu neke ngaluhan kota, dan hawi tangar aro dahulu neke Yesus dan ire murid-murid te. ³⁴ Ketika Yesus tulak gi hiring danau, aye ngindi ajoh tengalun, dan aye marasa mehi nihi ire gana ire kalah domba sa bakoy naan gembala. Maka, Yesus mulai ngajar ire ajoh hal. ³⁵ Pasa andrau mulai kamalem, murid-murid Yesus hawi gi Yesus dan bapander, uneng ti uneng sa benyem dan haot penah malem. ³⁶ Hunyulah ire tulak gi uneng sakaliling dan ge tumpuk-tumpuk de ire tau midi inon bo sa tau de kuta. ³⁷ Akan tetapi Yesus manjawab, kayo yo sa harus ngami kuta ire. Dan, ire bapander nihi aye, haruslah kami tulak midi waday sa umane ruweh jatuh dinar (200) dan ngami ge ire biar de kuta ire? ³⁸ Yesus bapander gi ire, naan pire waday sa ampun kayo? tulak dan indi lah? Pas ire haot karasa, ire bapander, dime waday nihi ruweh kenah. ³⁹ Lalu, Yesus nunyu ire kaluhan de maharung ba kalompok-kalompok tangar entu rikut sa kakuring. ⁴⁰ Ulun ajoh hiyo maharung ba kalompok naan sa seratus kulun dan naan sa dimempulu kulun. ⁴¹ Satelah yo, Yesus nugo dime roti dan ruweh kenah yo, nyidik gi langit, aye mander sukur dan mulok-mulok roti hiyo, lahuy aye ngami ge murid-murid te supayo de mayake ga ulun ajoh aye gin ngami-ngami ruweh kenah yo gi kaluhan tenga. ⁴² Dan, ire kaluhan kuman hampe wising. ⁴³ Sataruse, ire nugo dua belas karanjang sa penu nihi sisay roti dan kenah. ⁴⁴ Dan, naan dime ribu laki sa kuman roti. Yesus Takiya Tangar Entu Ranu ⁴⁵ Kamudian, Yesus nunyu ka dua balas murid-murid e mambai ge jukung dan tulak ngadahulu e ge sabarang, ge Batsaida, samantara aye nunyu ulun ajoh yo tulak. Setelah. ⁴⁶ premisi nihi ire, aye tulak ge bontot de badoa. ⁴⁷ Katika mulai kamalem, jukung naan targar penah danau, dan Yesus kakarep tangar entu tane. ⁴⁸ Dan, pas ngindi murid-murid e batananju basusah payah gune riwut balawanan arah nihi ire, kira-kira pas jam jaga malem kaepat, Yesus hawi ge ire nihi takiya tangar entu danau dan aye kakan takiya nangkah ire, ⁴⁹ Akan tetapi, pas ire kindi Yesus takiya ta entu danau, ire manyangka bahwa aye pijat, lahay ire kaminyak, ⁵⁰ Karna ire kaluhan gindi Yesus dan katakute. Namun, Yesus lahuy bapander nihi ire, dan bapander, tenangbo ti kuki! Ada takut. ⁵¹ Lalu, aye mambay umba ire ge jukung, dan riwut yo baranai, dan ire embah. ⁵² Gana, ire masih mete mamahame tentang mukjizat dime roti yo gana atey ire masih mape. Yesus Paranai Ajoh Ulun ⁵³ Dan, udi Yesus dan murid-murid e nyabarang, ire tunduk tangar tane Genesaret dan taping. ⁵⁴ Katika, ire minau neke jukung, ulun lahay kataru Yesus, ⁵⁵ dan malempat gi kaluhan daerah yo dan mulai nunda ulun sakit tangar entu tilam, ge awe pun ire karengey kabaradaan Yesus. ⁵⁶ Maka, ge awe pun Yesus suluk gi tumpuk-tumpuk, atau kota-kota atau daerah-daerah ta sakita-e, ire pakading ulun sakit tangar pulau ulun rami dan memohon ge aye supaya ire tau nyaput ujung jubah-e. Dan hiye bo sa nyaput jubah e lahuy ranai.