¹ Tamo kayou wedereid foko' wo' are idi lo fiya ado yeneid adodo tamo kari' difediyouf, to didodo'f, idi biya age difouf nigin ololo difouf, ² taka to bouwa bun od du'f, wau inosiya ado waud difene'diyouf, tamo ganan bun dimatkesiyouf nigin ago. ³ Adag kulu kisi neneya adon, tadodon, didegnadan, tenebur ne' oroya fire fire ado bouwa ne' oroya fire fire ne' ferfer tabodon. Ada tobonuna' sesen ado kiyei' bun tabodon, to dileda orodin, adag taileid to orodan. ⁴ Ani ere, Waitou neda Isennadaya ne' tobonuna' biya ado wau laa fiya wo' ye fen, ⁵ i' isennadan, are ada ereb madur age tafen ani' bunem sa', are yogon wau yu'ya bunem. I' mata wo'ya ne' naan kulo fiya bunem ado, Awa Uur Fateulem mata falei fiya bunem isennadan. ⁶ Waitou i,' Yesus Kristus neda Isennadaya bunem, Awa Uur Fateul, ada bun kisi feleya bagai foula fen, ⁷ are yogon wau ifene'ya bunem madur fadan, ani' bunem, ada mata faimud ibodkeleya ne' wauda iseya ado fen, in akor ani' talouf nigin age fen. ⁸ Od enei momoi bagai, ani' nigin, aya, o' enei totol wogo' wo di, Waitou nigin momoi def anidi kari' del fen, ereb biya ani' el de age difouf ani' orouf. Enei ganan are biya bagai, tamo ganan nigin deuf. ⁹ Ani' ere, neneya kisi abob fe fiye'ya ani', ibor dir fiya, mone'ya ado, lo nigin luwa irouya ani' sese wiyei'd, ere nigin, anidi are kau' sa', kabi' ifene'ya kisi feleya sa'. ¹⁰ Taka i', a' atun fara fef, uruwa bun weder urouwauf, ago fen, babaneg weder urouwauf. Ani' bure fele di, i' utorne'f. ¹¹ O' kelei' youf, tamo age fiya are wau gogil fen, mosor bun ilen, i' yogo bouwa sanen inon. ¹² Sain aya o' gein Artemas be Tikikus sur afiye' di, o' Nikopolis an, aya gein kaisa' isiya nigin, totol bagai naab umire'f, ere nigin, yau sain bun aya an abodo'f nigin kisi anon. ¹³ Lo kelei' tamo Senas ado Apolos, idi neid naab dilauf nigin, ereb ereb ganan usenne'diyouf, ago di, idi ereb lau fiya sa' dilauf. ¹⁴ Neda tamo kayau idig, ereb ereb biya age fiya nigin, idi de kelei' ani' dalouf bagai, are idi naa ganan ne' safina dale fen , kau' sa' to dibodo'f nigin age difouf. ¹⁵ Ganan aya geid mabodok anidim, o' bun aanya sur mafef. Momoiya bun ama' nigin waud laa fef anidi aan wiyei'd. wau ifene'ya a' ganan bun ibodo'f.