¹ O' ereb biya od wogo' yef ani' kilei ufelne' diyouf. ² Tamo biyeid dogo nigin biya kulatun difouf nigin, idi ani' kari' difiye' diyouf nigin, idi kisi biya ado dibogo'f nigin ado, momoiya, waud laa fia ado, feseya sa' ifareya bun madur dibodo'f nigin ufelne' diyouf bagai. ³ Age fiya bagai, kayau biyeideg kari' del dibodo'f nigin, taka dumen od to diro'f nigin, wain fatuk bagai to da'f nigin, agef fen, ereb biya ani' difelne' diyouf nigin ufelnei'd. ⁴ Ago di, idi, kayau momoul, nedi aiweid tar adodo kesu tar nigin waud laa fouf nigin, tai difediyouf, ⁵ idi dogo nigin, sa' biya kulatun difouf nigin ado bouweid od sa' dibodo'f nigin, fo' bun kabi' dalouf nigin, tobonuna' biya age difouf nigin ado, aiweid tar nigin kari' difediyouf, age dife di, taka nem Waitou ne' od to kobu fouf nigin, kayau momoul tai difediyouf. ⁶ Age fia gen bagai, kesu gau', dogo nigin biya kulatun difouf nigin wedereid urou. ⁷ Ereb ereb ganan bun, idi dile fen, do' difouf nigin ereb ereb biya ago. Ogon ifelne' ya bun, o' tutuk ifareya, wau adok ifelne'diya bun ifeneya, ⁸ wogo' biya tamo to kiwai difene'f ne' ani' ufelne' diyouf, ago di, idi kiwai difonok ani mama fediouf, ere nigin, idi ada nigin ereb sane taka wogo' ya nigin are sa'. ⁹ Ferfer, ereb ereb ganan bun, nedi moroid tar kari' difediouf, waud al fiya difene' diyouf, aiteid to solo difouf, ¹⁰ idi bun tamal be' to dalouf, idi nedi moroid tar ne' od do' fiya biya bagai ani' difelne'diyouf nigin ufelne'diouf, age dife di, naab ganan bun, idi age difef bunem, Waitou neda Isennadaya nigin ifelne'ya ani', tamo meleid bun biya ile di, tamo neid oroya ani' bun dinouf. ¹¹ Waitou ne' wau ifene'ya, isenne'ya irou isidig ani', tamo ganan bun isin. ¹² Anim, Waitou ne' tobonuna' do' fiya sa' ado tenebur ne' oroya sane bun, "Bai" yeya nigin ifelnadadig, agef fen, ada dug nigin biya kulatun ibodo'ya, madur ibodo'ya ado, Waitou ne' oroya bun, gama sain enei bun ibodo'ya nigin, ifelnadadig, ¹³ agef ma', ada elfiya ne' wauda iseya, are neda Waitou odug ado Isennadaya, Yesus Kristus i', fula fiya medei'ya ado isiyouf ani' tari' tafouf, ¹⁴ Yesus Kristus i' yogo luwa ada nigin itoron, are i' sesen ganan bun tamal yalelnada fen, i' yogo nigin yogon tamo kayau bagai kulo fele di, idi ereb biya age difouf nigin kabi' totol dalouf nigin, i' age fen. ¹⁵ Ereb ereb enei o' ufelne'diyouf.Ogon totol ganan bunem,idi neid waud wales fen, wedereid urou. To loloum weid len, o' lai diyo'f.