¹ La viturila aleie a tikumu sele eau abiamu tela matale Deo me Kraist Isus, eia moli ge matamuli egite ale mahulili me egiteu ale pehoti, la vuhula eia ge guvi palala mela mautula sagela tetala: ² Emege valolo la merera, emge raragi tela imala tomi ale tartigi me ale ouka, mera robo egiteu, tagua la matagiteu, karasuku egiteu, mela tiamadila mela vimari ale tartigi. ³ La imala isa ge gomai la valua me hatavile katige abi la vimari la vuhula papaga toimi, oukati, egitege tau olua giteu la valua ale ge igola vimari tela masaga giteu, egiteu ale ge vei la papaga ale la gavusa giteu ge makasili tavu la ilolola. ⁴ Egite ge taugale la ilolo tegiteu loio la seselela, me egite ge lagu tavu la vigile mulila tegite ururu. ⁵ Alamoli emei, eme vagari umala maveve la gabutalamu ge oio la papaga tomi.la tikumula ge gomai eme vagari, igo la igolu la ilabi rivu giteu la valalua; vikaluvu la igolu taume. ⁶ La vuhula eau tigitaro tomiti la mahuligu.La logo la tuluga taku omaiti. ⁷ Eau tuhaka sele oilo la hirari aleie'. eau vikaluvu ti la hirari taku, me eau magiri vagari oilo la tautaulailo. ⁸ La Kraon la magiri matatala tegaku oio poutali eau, ale la uru, ale maroka mata muli tia, eia ge abiagu tela logo alele, ale kama taku moli, age tegiteu tai ale masaga tavu la sibitala la tetala. ⁹ Eme ge vagari ge gomai harari taku. ¹⁰ E Demas hele taro ti eau. eia hilo tavu la papaga la mautula aleie me eia tugati soio e Tesalonika. e kresen tuga taiti oioti e Galatia, e Taitus goio e Dalmatia. ¹¹ E Luk moliti omai takue. puli e Mak amula tomi gomai la vuhula eia susuli eau oilo la igolu. ¹² E Taikikus eau baha tia soio e Epeses. ¹³ La kairobo ale eau taua oio e Troas a oiote Kapus, ababia mae eme ge gomai, la buku tai, umala gabutaro la kulkuli la Basi ale etato kesi tatola la papaga la igolu oio volao. ¹⁴ E Alexenda la isa kokovula eia visibitala la vulovulo ale kama kora somai taku. la Uru ge loto eia tela vulovulola ale eia igoa. ¹⁵ Eme ge baumuli sele eme loio tetala, la vuhula eia magiri roborobo la merera tegatou. ¹⁶ Tela siloko la tikumula taku, isa kama magiri la baligu, oio vola, egite tomi hele taro eau, alamoli ale kamage la tikumula soio tegiteu. ¹⁷ Alamoli la Uru magiri la baligu me eia abiagu la vagari la vuhula, oilo taku moli, eau ge valolo tomi la merera, egiteu e Gentael tomi ge loloa. la uru utululu eau loio la hare le Laion, ¹⁸ Me la Uru lou ge utululu eau loio la papaga tomi ale kama kora me eia ge vimahuli eau tela mautu la sagegela tetala. la vimarasala ge tetala la tapasila ge ouka. Amen. ¹⁹ Segege robo e Prisila, e Akuila, me egite tomi ale oilo la luma te Onesiporus. ²⁰ E Erastus pou rivu oio e korint, e Tripomus e moura lea eau hele taroa oio e Miletus. ²¹ Eme ge vagari ila eme ge gomai tela imala hipu. e Eubulus sagege le emei, e Pundens, e Linus, e Klaodia, me egite tomi tabarabara mu. ²² La Uru ge vikapopo mela kalulumu. mela gilogo ge vikapopo le emei.