¹ Alamoli eme ge rovi matagaga aleie: te la tapasi la logologo la imala la tikumula ge guvi. ² La valua me hatavile ge masaga rivu lou egiteu, la masaga la uati, la kalisaela, paraosaosala, mera barala, vareagila soio te tama me tila giteu, la pulou tigila ge ouka, me ale kama maroka. ³ La gilabulabu tela vovo ge ouka, la ilapu matata la iriru ge ouka, la vasigologolola, la hatetolala ge ouka, igo hatemasila, la masaga la paga ale tartigi ge ouka, ⁴ Egitege la valuala tahi tarola, varu vagarila, gabutala pahila, la masaga la vovo, egite kamage masagae Deo. ⁵ La tataro le Deo ge oio tegite, alamoli egite ge tahi taro la vagarigarila. lake taro loio tegite la valua ale maele. ⁶ Isahari tegite la valua ale tiroro soilo la luma me egite ge kisitola egiteu e hatavile ale kama mari. ale egite hatavile ale volu mela vulovulo ale kamakora mela masaga la vovo vitatuga egiteu. ⁷ Egite la tavile ale masaga ge vimari la imala tomi, alamoli egite kama koramuli ge guvi oio la mari tela merera la selela. ⁸ Oilo la gauru moli alele e Janes me Jambres ule papahi la merera te Moses, me egiteu la valua la vimari la vasigologolola magiri tomi la merera la sesela. egite la valua ale la gabutala giteu marapa, me oio la mata mulila oilo la tautaulailo amite rovia mae egite la valua la vasigolo golola. ⁹ Alamoli egite kama ge tuga malau, la paua la tegiteu ge taupala lou egiteu, age maemoli e Janes me Jambres. ¹⁰ Alamoli emei, eme tilimuliti la vimari tegaku, la vulovulogu, la gabutala taku, la tautaulailo, la magirigirila oilo la tikumula, la gilogo, mela hate tolala, ¹¹ La magiri robola, la iligiligi, me la papaga tomi ale sibitala tegaku oilo e Antoik, ale oio Ikonium, me ale oio e Listra, eau magiri vagari oilo la tikumula,oilo tela tikumula tomi alele, la Uru utululu eau. ¹² Egite tomi ale masaga ge mahuli oilo la vulovulo le Kraist Isus egite ge magiri robo egiteu, ¹³ La valua ale kama kora me egiteu ale vitatuga la isa polo ge kama kora sele, egite ge vitilo usu la valua me egite tamai ge marapa. ¹⁴ Alamoli ale taume, magiri tora oilo la papaga ale eme vimari ti oio vola me ale la tautaulailo taume vagariti oio vola. Eme tai rovi la ba ale mave eme abila vimari oio vola. ¹⁵ Eme rovia la imala eme solo bisikeri moli eme rovi la kilekesi ale la lotu ilovia. la paga aleie koramuli ge abiamu la mari tela mahulila oilo la tautaulailo oilo te Kraist Isus. ¹⁶ La merera tomi eia la gabutala te Deo. age viguvi tomi la paga ale tartigi tela tautaulailo, age tau pala la paga tomi, me a tartigi tela ilapu matatala, age vimari me la vulovulo ale matata, ¹⁷ Age maele la vuhula la tahalo tela Deo ge tahoka la mari tela papaga, me eia koramuli sele la igolu tomi ale tartigi.