¹ Igoe, tabarabaragu, amuto ge kaka tamiteu, via la merera te la Uru ge igo hari mela marasala, age mae moli ale oio ti tamutou, ² Amite tai ge maramara loio tegite la papaga ale kama kora mela valua ale kamakora. kama egite tomi tautaulailo, ³ Alamoli la Uru eia tautaulailo, eia moli ge vipou eme me eia ge baumuli eme loio tela tahalo kama kora. ⁴ Amite abi la vagarigarila oilo tela Uru ile emei, tela rova eme igo tia eme ge solo la iligo la rova amite mera vagari tiamu ovola, ⁵ La Uru moli ge muga la hate muto soio tela masagala te Deo me soio tela vagarila ale oilo te Kraist. ⁶ Ala amite vikara vagaria mutou,tabarabaragu, via amuto ge ba malau taro egite tabarabara gato ale la mahuli giteu volu mela silahala me egite kama mahuli oilo tela veimulila ale amuto abitia omai tamiteu, ⁷ Amuto lou rovia via eia tartigi peho via amuto ge igo muli sele amite, la vuhula amite kama pou mata toto tela imala amite pou tomi le amutou. ⁸ Amite kama ali bulahu isa la ilali tela tahalo polo via amite kama lotoa, amite igolu la logo la haro la igolu ale tivura sele mela tikumula, via amite kama ge sibitala mae la tikumula soio tamuto isasa. ⁹ Amite igoa maele kama via amite kama tahoka la pulou ale uru, ouka amite igoa maele via age la vitovomulila somai tamutou, tio amuto ge igo muli sele amiteu. ¹⁰ La imala ale amite vikapopo le amutou, amite vikara vagaria mutou, "mae la tahalo ale kama masaga ge igolu eia umala ge alali." ¹¹ Amite loloa via isahari tamuto kavou bubu moli, egite kama tuhaka tavu la igolu, alamoli egite la valua la igo marapala. ¹² Ala egite ale maele amite mera vagari muto mela tututolala oilo tela Uru e Isus Kraist, via egite ge igolu makovu moli ge ali la ilali tegiteu lou. ¹³ Alamoli amuto, tabarabaragu, umala silaha la iligo la paga ale tartigi. ¹⁴ Mae la tahalo isa kama lolo la merera tamite ale amite kekesia oilo la buku, mata muli eia umala vikapopo tomi leia, la vuhula eia ge mahela. ¹⁵ Alamoli umala hililo eia mae la gima, amuto ge mera taro eia mae eia isa tabarabara gato. ¹⁶ Igoe la Uru la tia madila eia moli ge abia muto la tia madila tela imamala tomi me oilo tela gauru tomi. la Uru ge vikapopo le amuto tomi. ¹⁷ Eau, e Pol, kekesi aleie tela limagu sele, eia la irovilala tela buku ale eau kekesia. ¹⁸ La gilogo te la Uru gatou e Isus Kraist ge vikapopo le amutou tomi. Asele.