¹ Oilo tela bileu la tela Uru gatou e Isus Kraist mela vikapopola tegatou me la pulou tomila tegatou tomi leia, amite tahi amutou,tabarabaragu. ² Amuto umala ge hate pariri ouka ilo burukoruko harari, loio tegite la kalulu ouka la merera, oukage tela buku ale kekesia soukage lomai tamiteu, soio tela seselela ale via la logo tela Uru eia guviti ³ Umala kope la mata soio tela tahalo isa eia souka ge vasigolo emei. eia kama ge beurivua kara mulmuli tela Paru sekela ge guvi pala, me la valua ale polo pepe la viturila ge sibitala matagaga, e latatu la igo marapala. ⁴ Ale la tahalo ale magiri robola me ale kalisasae eia soio tela paga ale la isala e Deo ouka la paga ale lotu tavua. la vavuala, eia pou oilo la luma la lotu te Deo igo eia mae e Deo. ⁵ Eme kama gabutalea la imala eau soloio vikapopo le amutou eau veia muto la papaga aleie? ⁶ Igoe eme rovi larova magiri robo eia, me eia ge guvi palala moli tela imala tetala sele. ⁷ La gabutala kovula teale ge raga utu la viturila omai igolu ti, mae moli la tahalo isa ge magiri roboa igoe kara mae egite ge abi taroa loio tela gauru. ⁸ v 8Goio la tahalo la iragautu la viturila ge guvi palala, la Uru e Isus ge bilile eia la galala harela me eia ge kokovu bulahu moli loio tela gabutala kovula tela gomaila tetala. ⁹ La guluvi tela tahalo la iragautu la viturila ge tabuli kara mae la igolu te Satan mela vagarigarila, tela irovilala, la vasigologolola mela karutula, ¹⁰ Vikapopo mela vulovulo ale kama kora tomi ale vasigologolo egite al ge vilua. la vuhula egite tou la masaga tavu la seselela me ale ge mahuli. ¹¹ Ale eia la vuhula ale e Deo bahataroa gite la vasigologolola ale vagari ila egite ge tautaulailo moli tela vasigologolola, ¹² Tio egite tomi ge vilua me egite tai ale kama tautaulailo oilo tela seselela me egite masaga tavu moli la papaga ale kama kora. ¹³ Alamoli la imala tomi amite ge vei tataho e Deo ile amutou, tabarabaragu la Uru masaga amuto, la vuhula e Deo hilovi ti amuto ge mae la silokoloko la vavua ale ge mahuli oilo tela vimarokala tela kalulu mela tautaulailo oilo tela seselela. ¹⁴ Eia tola ti amuto loio tela merera la lotu ale amite valolola, oilo vola amuto ge sautola la marasala te la Uru gatou e Isus Kraist. ¹⁵ Tio oio vola, tabarabaragu, magiri vagari sautola vagari la veimulila ale amite vimari ti le amutou, ale tela merera ouka tela buku ale amite kekesia. ¹⁶ Ala igoe tartigi la Uru gatou e Isus Kraist eia lou me e Deo tama gatou, eia moli masaga sele etatou me eia abia gatou la vimalmalu mela tautaulailo ale tartigi oilo tela gilogo, ¹⁷ La vimalmalu te Deo ge pou oilo la hate muto me oilo la igolu ale tartigi peho mela merera.