¹ Haqad mat na ya ibilenim bilam, ari ni yaqgo on mataw uliq Efesus-ib osayta na gigo angelo amen gamuk kazaq mar ton ham. Mat aben aqabnib uliq giwazaqta na, mat na kazaq ne gibilenaq ham. ² Ya ne gigo kabiy daq bunmo ne emayta na tuhurit ham. Ad ne giholyuw bulad zaway iyim tursa ya tigibiymo ham. Ne mataw meqinta nenaq osnan gituw hiqiyayta ham. Teq mataw katiyad bilaqayta, i inaqmo aposel-mo haqayta na ne gilum kemim gigo daq katiyta ham. ³ Ya ibin ne giholib usaqta na ago mataw ne gimeqin tonayta ham. Gimeqin tonsa ne zaway diq iyim turad afaqan na sorad gituw a hi hiqiyayta ham. Na ago daq na bunmo ya tuhuritta ham. ⁴ Teq yaqgo gamuk araq kazaq ne gigo hib lehaq ham. Mebmebmo diq ne ya inan helmo haqayta nab ne ya inan ginad diq dilaqyaqta ham. Ari muran ne ya inadin ayahom diq a hi emayta ham. ⁵ Nazaq iyan ne ban ulilibta nab osim waqiyta na dnadin emiyta ham. Ne ginad buliyeq ne gigo deq meqinta gileh ugad mebmebmo ne daq dimdimunta em yaqyaqta na ne a ta em toniyham. Haiq lam na abanab tuwalemdaiq ham. Ne ginad a hi buliyid yua nazaqmo tiqedaiq ham. ⁶ Teq ne gigo daq dimunta araq na in kzaq ham. Ne on mataw Nikolatans muzayta na gigo daq hulosmo diq hulosayta ham. Ya in gigo daq anan inad a hi dilaqaqta ham. ⁷ Ari mat adek inaqta na in Bugaw Dimunta yaqgo on mataw gidauhan bunmo gamuk giblenaqta ka huriteq anad eman ham. On mataw zaway meqinta giquriyam bug dayata na bunmo ya giblenid in ay anon neqin kuluwa-kuluwmo osayta na tineq daqay ham. Ay na God ago saw dimunta paradais-ib. ⁸ Haqad mat na ibilenim bilam. Ari ni yaqgo on mataw uliq Samerna-ib osayta na gigo angelo amen gamuk kazaq mar ton ham. Mat aqen diqta na teq abebtanta na, in na gibilenaq ham. In momta teq muran in kayeqmo osayqta ham. Mat na kazaq ne gibilenad ham. ⁹ Ne afaqan sarad samanmo ginaghan hiq la teq ne giwitan gigo nagah kabemmo diq usaqta ham. Ad mataw asor ne gibilawunayta na ya tuheritmo ham. Mataw na bilaqay, i Juda-mo gisenlul haqayta ham. Teq in Juda gisenlul a haiqta ham. Na in satan-mo asenlul ham. ¹⁰ Ari afaqan kazaq teq ne gigo hib gwahtiqsa ne hi rabad gihol asawan woltayeq osiy ham. Ni gidek emiy ham. Satan teq ne asor gihunegid bit giqirquran osaytab tileh daqay ham. Daq na ne gilum waqgo giholib gwahtiqdaqta ham. Gwahtiqid ne afaqan teq santitiy na kam 10 nezaq tisor daqay ham. Sorad ne helmo haqad oseq le ne moq daqayta akaman nab ne moqiy ham. Id teq ya os dimunta kuluwa-kuluwmo osayta na naw nog tineqdaiq ham. ¹¹ Ari mat adek inaqta na in Bugaw Dimunta yaqgo on mataw gidauhan bunmo gamuk gibilenaqta ka huriteq anad eman ham. Mat aw nog zaway neqinta meqinta giquriyam bugeq in moq gigerta na a hi loyin daqay ham. (Yesus in ago on mataw uliq Perganmum-ub osayta na gimen gamuk bilam). ¹² Haqad mat na ibilenim bilam, ari ne yaqgo on mataw uliq Pergamum-ub osayta na gigo angelo amen gamuk kazaq mar ton ham. Mat ago baqir ame meqin diqta inaq na in kazaq ne gibilenaq ham. ¹³ Ya uliq ne osayta na ago tuhurit kam ham. Satan in ago marorgo ban eman ne gigo uliq nabmo diq usaqta ham. Ta teq ni ya ibin waz naqmo hiqiyayta ham. Kwaziqmo mat yah inad muz bugad yaqgo gamuk bilaqyaqta anan Antipas haqayta ne in ne gilikmanib ossa mataw wol emiyta ham, huliq Satan osaqta nabmo ham. Teq kam meqinta nab ne ya inan helmo diq haqad gileh a hi yagiy ham. ¹⁴ Ari yaqgo gamuk asor kazaq ne gigo hib lehaq ham. Ne gigo mataw asor Balam in Balam ago daq muzinayta ham. Kwaziqmo Balam in Balak isihunan Balak in Isrel on mataw kat negad gihureqsa in daq meqintab woq yaqayta ham. Balak in Isrel on mataw kat neqsa in god katiyta giyon tamaz akaruwan neqad teq in an haresmo hureq yaqayta ham. ¹⁵ An nazaqmo Nikolatans asenlul nenaq in daq meqinta ne giqisihunsa ne gigo asor in muzinaytamo. ¹⁶ Nazaq iyan ne ginad buliyad ne gigo daq meqinta na gileh ugiy ham. Ne nezaq a hi emid teq ya hidmo ne gigo hib tilehdaiq ham. Leheq yaqgo baqir iteb kawa usaqta ka amalib ya mataw na nenaq an tuwoldaiq ham. ¹⁷ Ari mat adek inaqta na in Bugaw Dimunta yaqgo on mataw gidauhan bunmo gamuk gibilenaqta ka huritq anad eman ham. Mat aw nog in zaway meqinta giquriyam bugid ya manna bret kaitib woqim ulilemim usaqta na tinegdaiq ham. Ad ya gig araq husta tinegdaiqmo ham. Gig nab in giholnan muturta mar tonan usaqta ham. Mat gig wamta naqmo amomo in aholnan muturta na tuhuritdaq ham. ¹⁸ Haqad mat na ibilenim bilam, ari ni yaqgo on mataw uliq Tayatairia-ib osayta na gigo angelo amen gamuk kazaq mar ton ham. God atatin na ham in ameqnagin bilaqne faq atoranmo oyaq nazaq nogta ham in kazaq ne gibilenaq ham. ¹⁹ Ya ne gigo daq bunmo ne emayta na ago tuhurit ham. Ne on mataw ginad diq bilaqqta ham. Teq ne ya inan helmo haqaytamo ham. Ne on mataw gilumsihad kabiy dimunta eyayta ham. Ad ne afagan saorad, zaway diq iyim turayta ham. Teq muran ne gigo daq dimunta ne emayta na in kwaziqmo ne aq em yaqayta na giquriyam bugaq ham. Daq bunmo ne emayta na ya tuhuritta ham. ²⁰ Teq yaqgo gamuk araq kazaq ne gigo hib lehaq ham. Ne aw anan Jezebel haqayta na hulosan in ne gilikmanib osaqta ham. Aw na bilaqaq, ya God ago nantut araq haqaq ham. Haqad in yaqgo kabibiy on mataw kat negas in an haresmo hureqad teq in god katiyta giyon tamaz akaruwan neqayta ham. ²¹ Ya inad aw na anad buliyan haqad ya hulosan osaqta ham. Ta teq haiq ham. In ago daq meqinta na gileh ugnan atuw haqiyag ham. ²² Nazaq iyan ne gidek emiy hem. Ya aw na mog araq ayahta tuqugdaiq ham. Ad aw na ayogniz in inaq daq meqinta na a hi hulosid teq yah afaqan ayahmo in tinegdaiqmo ham. ²³ Negad ya aw na ago onmin ginol emid tumoq daqaymo ham. Nazaq iyid teq yaqgo on mataw gidauhan bunmo in yaqgo tuhurit kem daqay ham. Ya mataw bunmo ginad teq gigem gilum kemaiqta ham. Gilum kemad ya ne amulik-mulikmo gigo daq ahunibmo amenin tinedaiq ham. ²⁴ Ari ne on mataw ta asor uliq Tayataira-ib osayta na ham ne aw na ago suleq meqinta a hi muzinta ham. Ad daq asor anan Satan ago suleq awaz meqinta haqayta na ago ne a hi huritiytamo ham. Ya kabiy afaqanta araq a hi negdaiq ham. ²⁵ Daq amulikmo ne em daqayta na in kazaq ham. Nagah bunmo ne wazayta na ne waz naqmo hiqiyeq ossa le ya muleqeq te boldaiq ham. ²⁶ Ari mat aw nog in zaway meqinta giquriyam bugad teq in yaqgo daq bunmo muzinad osaq le in gigo kam abebtanta iyid teq, ya on mataw na zaway negid on mataw en bunmo tigiwamuz daqay ham. ²⁷ Giwamuzad in gwahtug ain-ibta wazeq amulib ginol titaysa in dauh amikmikta tiqiy daqay ham. Bilaqne mat reb wolzila yid tiqdaqta nazaq ham. Ya imam zaway, ya gan ya on mataw giwamuzai-ata, nazaq ya in zaway neqid in on mataw tigiwamuz daqaymo ham.