¹ Gamuk ka kwaziqmo ulilemim ussa Yesus Krais emam ulalab gwahtimta. Gwahtiqman gamuk ka ugta. In anad Yesus gamuk ka waqeq ago kabibiy mataw gibilensa in nagah hidmo gwahtiqdaqta na agi tuhurit daqay haqad. An Yesus in ago angelo araq eman ago kabibiy mat Jon ago hib lehim gamuk ka bulmonta. ² Bulonan Jon in God ago gamuk teq Yesus abin inhurita ka mar tonad in ameb nagah ahol wamta kagan awagamun inaqmo wastitayimmo tumar tonmor. ³ Mat God ago nantut agamukan ka ahol waqad bilaqaqta na in gamuk ka muzin bugeq teq in dugimniydaq. Ad on mang gamuk ka huritad osayta na in nazaqmo gamuk ka muzin bugeq teq in tidimuniy daqaymo. Ne ezaqgo nagah ka akamun sinsin tiqiyaqta na ago iyan. Jon in Yesus ago on mataw gidauhn 7 nazaq gimen gamuk marton nag. ⁴ Yaqmo Jon,ya gamuk ka mar tonim eman Yesus ago on mataw gidauhan 7 saw Esiya-ib osayta na gigo hib lehaq. I gigo God kwaziqmo osta teq muran in os tutaqta teq abeb in boldaqtmo. In teq bugaw 7 in ago ban tawonta na amab turayta, ⁵ na teq Yesus Krais inaq in bunmo gigem dimunta negad teq in ne gigemid gigem kute nemsa osiy. Yesus in God ago gamuk wastitayimmo diq bilaqaqta . Teq mataw tumoqiyta gilikmanib inmo danmab hodhodab eramta eraqim in king og kabta na bunmo giwamuzim osaqta. I gigo daq meqinta i giqirguran ossa inmo anedan amalib i gigaaaamun na tihas ig- ⁶ has igim in i gigman i in ago maror aduganib tugwahtqim i God ago on mataw tamaz emayta tiqiyim osauqta.nazaq iyan kam bunmo i Yesus abin ayahta na iluwsa in zaway diq iyeq nagah bun diqmo giwamuzad kuluwa-kuluwmo osan. Hel diqtaqmo. ⁷ Ne gidek emiy. In onqas amalib oseq bolsa on mataw bunmo ahol tuwaq daqay, mataw emub ulumiyta na inaqmo. Ahol waqad on mataw en bunmo og kab osayta na gaq wazad ginad meqniy naqmo hiqiy daqay. In nazaqmo diq tiqiydaq. Hel diqtaqmo. ⁸ God Iyahta bilam, nagah bunmo gilulin na yaqmo ham. Ad nagah bunmo hiqiydiqta akaman na yaqmo wazaiqta ham, God zaway bunmo wazaqta na in nazaq bilamta. In muran osaqta teq kwaziqmo in osta teq in abebboldaqtamo. ⁹ Ya ne gimaqbab Jon. Ya nenaq i araqibmo Yesus muzad aforqan sorauqta. Ad Yesus ne giqeman ne God ago maror aduganib osayta nazaqmo in ya iqeman ya ne nenaq God ago maror aduganib tuqosa iqtamo. Teq in ne zaway negsa ne afaqan sorad gituw a hi hiqiyaqta nazaqtmo in ya liumsihsa ya afaqan sorad ituw a hi hiqiyaqtamo. ya God ago gamuk anan helmo haqad Yesus abin ululabmo bilaqiqta na ago mataw ya iwazim nud anan Patmos hagayta kab iqmiy. ¹⁰ Iqeman ossa ari iyahta ago kam sande aragab in ago bogab dinunta ya iholib ayahmo bol. bolan ya ibun ban mat araq atoranmo lileysa ya in aqez bilaqne taur uiamayta nazaq nog ya hurit. ¹¹ Sa mat na lileyim bilam, nagah bunmo lileysa ya ni ahol waqdaqta na ni buk-ib mar toneq emid Yesus ago on mataw gidauhan 7 na gigo hib lehan ham. Yesus ago dauh uliq Efesus- ibta na teq uliq Samerna-ibta na teq uliq Pergamum-ubta teq uliq TTayataira-ibta na teq uliq Laodisiya-ibta na gigo hib ni nagah ahol waqdaqta na agamukan emid lehan ham. ¹² Haqsa ya ihol tubuliy mat nog ibilenaqta na ahol waqd aiq haqad. Ya ihol buliyim lam 7 nazae gol-ib rmiyta ahol way. ¹³ Ahol waqad ya mat araq lam na gilikmanib tursa atatin awaqan nog. In ago tubusan sisaqta asen isih bugta. Teq in nagah araq gol -ibta am gan abanib hureqan usta. ¹⁴ In afaqin teq aqensan bunmo hus diq sipsip ahulgen teq ongas nogta. Ad in ameqnagin bilaqna feg elimeq oyaq nazag nogtamo. ¹⁵ Teq in asen awaqna bilaqna ain baras faq ayahta ameb usim akakaqan iyaq hikliyanqta nazaq nogat. Ya in aqez huritsa iyaq nazaq nog ya huritta. ¹⁶ Teq in aban aqabun ban ulig 7 nazaq giwazta. Ad baqir araq ame gigerta ame meqin diqta anenmosib gwahtiqim usta. Teq in anobun bilaqne zeq atoranmo oyaq nazaq nog ya ahol wayta. ¹⁷ Ahol waqad ya in asen agerab waqim ya us. Ussa in aben aqaben ger ya iholib emim iwa iwazad ibilan, ni hi rab ham. Ia mat aqen diqta teg ya mat abebtantamo ham. ¹⁸ On mataw kayeqmo kuluwa-kuluwamo osayta na alulinham. Ya tumota ham. Yaqgo zaway kazaq usaq, ham ya mataw tumoqiyta gidanin has negid in mataw moqiyta gigo uliq huloseq tugwah tiq daqay ham. Teq ya in gidanin otid in uliq nab tuqos tut daqay ham. ¹⁹ Nazaq eyan nagah in ahol tuwamta ka bunmo in mar ton ham. Ad nagah muranta teq nagah abab teq gwahtiqdaqta na inaqmo ni mar tonmo ham. ²⁰ Ariya iben iqabnib ulig 7 usaqta ka teq lam gol-ib emiyta ka gilulin ulilemim usaqta na ya tinibilennan ham. Ulig 7 na yaqgo on mataw gidauhan 7 na gigo angelo mulik- mulikmo gitowun. Teq lam 7 na yaqgo daus 7 nagmo gitowun ham.