¹ Ari nagah na tihiqiyanmo angelo araq awaz meqinta heven hulosim gehitiqsa ya ahol way. In ahol abalawun oy naqmo hiqiysa ogib kab saw bunmo hastitay an saw anuwan ayahumo us. ² Sa in atoranmo lileyim bilam, uliq ayahta Babilon timeqniy has ham. In timeqniy has ham. Meqniy hasim muran in bugaw meqinta gigo uliqta tiqiy ham. Uliq na bugaw meqmeqinta nagan teq ah meqmeqinta ginumlan inaqta mataw ingina gitew hiqiyayta nagan bunmo gigo ban tiqiy ham. ³ Na ezaqgo uliq na wa na in on mataw en bunmo gihureqim gigeman in gihol atoranmo eraqsa ginad meqinta hares gwahtiqyaqta ham. Bilaqne in wain ayun atoranta ulumim ginad dimunta hulosiyta nazaq ham sa ogib king bunmo in uliq na inaq daq amebay inaqta kabemmo emiytamo ham. Uliq na amatawun in ginad bilaqgo anaghan anan diq moqsa iyan og kab mataw mani a kabiyan emayta na bunmo in gigo es nagah uliq nab a le zayad mani ayahmo waq yaqayta ham. ⁴ Ari mat ta araq aqez heven-ib gwahtiqsa ya kazaq hurit. In bilam yaqgo on mataw ham ne uliq na huloseq bo asanib gwahtiqiy ham. Luweq daq meqinta in emayta na ne giholib soqotid ne em daqaymo ham. Emsa mataw na in gigo daq meqinta na amenin meqinta waqsa ne nenaq araqibmo tuwaq daqaymo ham. ⁵ Uliq na ago daq meqinta kuluwmo diq iyim in an amalib amalib gwale ulilibmo diq tiqiy ham. Iyan God ahol waqad in uliq na anadin tiq emaq ham. ⁶ Uliq na bilaqne aw danatabta nog iyim mataw giyon daq amta nazaqmo ne in ayon emiymo ham. Emad ne aw na ago daq meqinta in amta na amenin ugad teq ne a ta ug toniy ham. In yuw atoranta gogib buliyim mataw negan uluwiyta nazaqmo ne yuw atoran diqta gogib emeq teq ne gog gigermo ugid in uluw bugan ham. ⁷ Awna inmo ahol abin ayahmo iluwta na teq in daq ahol bilaqgota kuluwmo amta na nazaqmo diq ne in santitiy ayahmo ugsa in ame kabemmo gaq wazan ham. Na ezaqgo ham inmo ahol anan bilaqaq ya maror ayah diqta haqaqta ham. Ya wabur a haiqta haqaqta ham. Ya gaq a hikidikmo wazdaqta haqaqta ham. ⁸ Teq iyahta God ago zaway ayahta inaqta in Babilon ago daq tuqulum kemim anan bilam uliq na temeqniydaq haqad in bilam ham. Nazaq iyan moq meqin diqta teq santitiy ayahmo teq zarow akaman amimk a haiqta in kam amulik nabmo uliq nab tugwahtiq bugdaqta ham. Gwahtiqsa teq faq eraqeq uliq Babilon oyid in tihiqiy bugdaq ham. ⁹ Ari kam nab og kab king bunmo uliq na inaq gihol bilaqsa oasd us yaqayta na in uliq na faq ayahmo oyad aqasin gwalehsa in ahol tuwaq daqay ham. Ahol waqad in ginad meqniysa gigem afaqan iysa gaq wazadtuqos daqay ham. ¹⁰ Osad in uliq nq afaqn meqin waqsa ahol waqad in rabad pesanmo turad bilaq daqay, uliq Babilon timeqniy haq daqay ham. In timeqniy haq daqay ham. In timeqniy haq daqay ham. In uliq ayah diqta teq kam amulik nabmo in ago daq meqinta na anuwan tuwaq bug haq daqay ham. ¹¹ Sa og saw bunmo mataw mani akabiyan emayta na in uliq Babilon anadin emad ginad meqniysa gigem afaqan iysa gaqad tuqos daqay ham. Na ezaqgo Babilon on mataw na in mataw mani akabiyan emayta na gigo es a ta hi zay daqayta na ago iyan ham. ¹² Es naway na gol teq silva teq gig dimdimunta anawun ayahmota teq gig kamisisbta anan bokbok haqayta teq tubusan kakaqta anawun ulilibta teq tubusan dimunta anan silk haqayta teq ay anan sitron haqayta teq karuw aseseqta gite sisoqim nagah dimdimunta gigemayta teq nagah amo amo ayib teq baras-ib teq ain-ib teq gig amarmarin inaq na gimalib gigemayta anuwun ayahmota nagan bunmo gizaygo akaman tihiqiy ham. ¹³ Teq ay sinamonasan ahuran dimunt teq gunay teq nagah araq nal nogta aqasin ahuran dimunta giger mir ayow frenkensens inaq teq wain ayun teq oliv amasilan teq mel dimunta teq wit anagin teq bulmakau teq sipsip teq hos teq wilka teq kabibiy on mataw gizayad gimemin waqayta nagan bunmo gizaygo akaman tihiqiymo ham. Nagah nagan bunmo mataw mani akabiyan emayta na in uliq nab a leheq a ta hi gizay daqayta ham. ¹⁴ Kam nab mataw mani akabiyan emayta na in uliq Babilon buloneq bilaq daqay, nagah dimdimunta ni anan diq moqaqta na bunmo in ningo nib tihiqiy haq daqay ham. Ningo nagah dimdimunta teq ningo balaw dimdimunta na bunmo nabagag tilehan mataw ahol a ta hi waq daqay haq daqay ham. ¹⁵ Sa mataw mani akabiyan emad uliq nab mani ayahmo waq yaqayta na in uliq na santitiy ayahmo waqsa ahol waqad teq in tirab daqay ham. Ad in hulos ugeq pesanmo turad teq in gaq wazad gigem afaqaniysa tuqos daqay ham. ¹⁶ Mataw na bilaq daqay uliq ayahta na timeqniy haq daqay ham. In timeqniy haq daqay ham. Kwaziqmo on mataw na tubusan dimunta anan linen haqayta na teq tubusan kakaqta awawqan bilaqne king gigo tubusan awaqan nogta na in giholib giqem yaqayta haq daqay ham. Sa in gigo balaw dimdimunta gol-ibta teq gigo kaliloy gig away dimdimunta amo amo amalib giqemiyta in giholib usyaqta haq daqay ham. ¹⁷ Teq kam amulikmo nawaqmo in gigo es nagah nagan bun diqmo tihiqiy haq daqay ham. Ari muy anamreniz teq mataw muyib luwad uliq ari muy anamreniz teq mataw muyib luwad uliq aseseqta asorib lehayta na teq muy ago kabibiy mataw teq mataw bunmo kamisib mani akabiyan emad luwayta na in bunmo pesanmo turiy ham. ¹⁸ Turad faq amileq aqasin inaq gwalad oysa in ahol waqad dedibmo bilaq yaqay, uliq araq abin in uliq ayahta ko abin nog a haiq ta haq yaqay ham. ¹⁹ Haqad mataw na og abutbutan waqim in gimo gifaqinib emad teq in gaqad gigem afaqan iysa lileyeq bilaq yaqay, uliq ayahta ko timeqniy haq yaqay.In timeqniyhaq yaqay ham. Mataw gigo muy inaq na bunmo in uliq nab mani ayahmo waq yaqayta haq yaqay ham. Ta teq kam amulikmoqmo uliq ayahta na timeqniy has haq yaqay ham. ²⁰ Haqad mat na a ta bilam heven-ib angelo bunmo ham, ne ginad dimniyan ham. Teq God ago nantut teq in ago Aposel teq in ago on mataw tawonta na bunmo ham ne nagah muran uliq nab gwahtimta na ago ne ginad diminiyanmo ham. Uliq ayuta na na in ago daq meqinta amalib ne gimeqin tonan muran God in uliq na ago daq meqinta na amenin tuqug bug ham. ²¹ Ari gamuk na tihiqiyanmo angelo ta araq awaz meqinta in gig araq bilaqne gig ayah nenan diqta amalib wit wol ninalayta nazaq nogta in waqim hunegan kamismeb woqsa in bilam, kazaqmo teq uliq ayahta Babilon waqeq atoranmo hunegid tuwoqdaqmo ham Woqid teq mataw uliq na ahol a ta hi waq daqay ham. ²² Nazaq iyid teq Babilon ham mataw bar amo amo waz yaqayta giqez teq taur ahula teq kadug ahulan ne gigo hib a ta hi hurit daqay ham. Ad ne gigo uliqab in mataw kabiy amo amo em yaqayta na gisawanmo tuwaq daqay ham. Teq on mel akakbiyan emad wit anagin wol ninalayta na gihulan ne gigo uliq na amuganib a ta hi gwahtiqdaq ham. ²³ Lam anuwan ne gigo hib a ta hi oydaq ham. Sa ne gigo hib on mataw an a ta hi waq daqay ham. Na ezaqgo ne gigo mataw mani akabiyan em yaqayta na in og kab mataw aseseqta gibin inaqta iyim in igmo ag naqad osiyta ham. Teq ne gigo liqiy amalib ne on mataw og saw bunmo gikat negiy ham. ²⁴ Teq Godago nantur kabemmo teq in ago on mataw tawonta kabemmo ginol eman ginedan womta na ago mebay uliq nab usta ham. Ad on matawbunmo babub ginol oman ginedan womta na ago mebay uliq nab ustano ham.