¹ Ari angelo 7 deg wazim turiyta na gigo araq in ya igerab gelim kazaq ibilan. Ni bolid ae danatabta awaz meqinta yuw aseseqta giqurumnib osaqta ko in ago daq meqinta amenin waqsa ya ni tiniqisihunan ham. ² Ogib kab king bunmo in aw na inaq usiyta ham. Teq aw na in on mataw bunmo gihureqan in ago daq meqinta emad gihol atoranmo eraqsa in an haresmo hureqad inaq us yaqayta ham. Bilaqne in wain ayun atoranta negan in uluwim ginad dimunta huloim daq emiyta nazaq nog ham. ³ Haqsa God ago Bugaw Dimunta ya iholib ayahmo bolan angelo na ya iwaqim isorim iqad og amatawun haiqtab tilah lehan saw nab aw araq in karuw kwasikta kakaqta araq amalib ossa ya ahol way. karuw kwasikta na aholna kabemmo in asanib mar tonan giqusta .Adin aholnan amo amo na bunmo abilaqan ahuritan meqin diqta, bilaqne gamuk amalib God bilawunayta nazaq nog. Karuw kwasikta na afaqin 7 nazaq inaqta teq adanidin 10 nazaq afaqinib nagab gituriy. ⁴ Saaw na ago tubusan kakaqta awaqan bilaqne king gigo tubusan awaqan nog. Sa in ago balaw dimdimunta amo amalib giqemiyta aholib giqus. Aw na abenab in gog araq gol-ibta wazaq. Sa gog na aduganib daq amo amo God ameb lilihim usaqta na teq aw na danatab luwad daq amebay inaq emaqta nagan bunmo in gog nab ate gwalim giqus. ⁵ Teq aw na amaqbelab in ahol agamukan abarawunta araq kazay mar tonan us. Ya uliq Babilon Awaz Meqinta on Danatabta Ginenmo Diq Yaqmo Diq God Ameb Lilihim Usaqta Na Anamren Yaqmo Diq. ⁶ Aw na in God ago on mataw tawonta ginedan uluwim ahol agadan iysa ya ahol way. On mataw na Yesus anan helmo haqsa iyan in ginol eman moqiyta. Ya nagah na ahol waqad ihol turuh nem naqmo diq hiqiyaq. ⁷ sa angelo na kazaq ibilan. Ni nagaqgo nihol turuh nemaq?ham. Ya teq aw na alulin tinibilendaiq ham. teq karuw kwasikta aw sorad a luwaqta na teq in afaqin 7 na teq in adanidin 10 nazaq usaqta na gilulin ya tinibilendaiqmoham. ⁸ Karuw kwasikta nawa ni ahol tuwamta na in kwaziqmo osta ham. Ad muran in a ta hi osaq ham. Teq abeb in yay abe milhasta na huloseq a ta gwahtiqdaq ham. gwahtiqeq luwad oseq le in timeqniy hasdaqta ham. In kwaziqmo osta teq in a ta hi osaqta teq abeb in ta boldaqta na ago on mataw giholnan God ago bok-ib haiqta naqmo in karuw kwasikta na ahol waqad gihol riten lamdaqta ham. Buk nab on mataw kayeqmo tuteqmo os daqayta na giholnan usaqta ham. Kwaziq diqmo God og ka eman a hi gwahtiqsamo in on mataw na ginan buk nab mar tonan tuqusaqta ham. ⁹ Mat anad dimunta inaqta an in nagah ka ago tuhurit kemdaq ham. Karuw kwasikta na ago afaqin 7 na in garah 7 nazaq gitowun ham. Sa aw na in garah 7 na gibigmanib osaqta ham. ¹⁰ Sa afaqin 7 naway na in king 7 nazaq gitowunmo ham king abaynagin nazaq tuqosiyta teq muran king 6-ta na in osaq ham sa king 7-ta na teq gwahtiqdaqta ham. In gwahtiqeq asitmo tuqosdaq ham. ¹¹ Ossa teq karuw kwasikta kwaziqmo osta teq muranin a ta hi osaqta na in abeb a ta gwahtiqeq in king 8-ta nazaq nog tiqiydaq ham. In ago daq king 7 na gigo daq nog iydaqta teq in gwahtiqeq luwad oseq teq in timeq niy hasdaq ham. ¹² Ad ni karuw kwasikta afaqinib adanidin lo nazaq ahol giwamta na in king lo nazaq gitowun ham. Teq king lo na in gigo ban waqim a hi osay ham. Abeb in gwahtiqeq karuw kwasikta na inaq zaway waqeq teq in kam asitmoqmo zeq adulan amulikmo nazaq in king iyeq tuqos daqay ham. ¹³ King nagan ginad amulikmoqmo usdaqta ham. Ad in gigo zaway teq gibin aseseqta nabunmo in karuw kwasikta na tuqug daqay ham. ¹⁴ King nagan in sipsip amidon ago walmataw nenaq bab emsa sipsip amidon ago mataw na nanaq eraqeq king nagan babub tigiquriyam bug daqay ham. Na ezaqgo sipsip amidon in king bunmo gigo king-ta teq in mataw aseaeqta bunmo gigoiyah diqta ham. Teq sipsip amidon ago walmataw na gibin kazaq usaqta ham sipsip amidon inmo mataw na giliewunim aholyon gilumim giwamta ham. Giwaqan in ago nan muuzinzd gituw a hi hiqiyayta ham. ¹⁵ Haqad angelo na kazaq a ta ibilan , aw danatabta yuw aseseqta gigerab ossa ni ahol wamta na ham yuw na in on mataw bunmo gitowun ham. Og kab mataw en amo amo gidauhan og saw haresmo osad gigo nan amoamo bilaqayta gitowun na in yuw aseseqta naqmo ham ¹⁶ Sa karuw kwasikta adanidin lo na giyow karuw kwasikta ta araq na inaq in aw danatabta na gigem meqin diqta tuqug daqay ham. Ad in aw na abin meqin diq toneq ago tubusan nagah nagan bunmo giwaqid in begbeg iyeq abe aholmo tiluwdaq ham. Sa king lo na giyow karuw kwasikta na inaq in aw na amizan neqad teq in asan hunegid le faqmeb gwale tuqoywordaq ham. ¹⁷ God in king lo na gigeman in ginad amulikmo iyim gigo zaway in wazayta na bunmo in eman karuw kwasikta na ahaqenib lehan iyan in daq nazaq em daqayta ham. Ad in God-mo anad muzinad daq nazaq emad ossa teq nagah bunmo God anah bilamta na tugwahtiq bugdaq ham. ¹⁸ Teq aw in ahol wamta na in uliq ayah diqta og kab king bunmo giwamuzaqta naqmo atowun ham.