21 ¹ A sa raici ira na vutuniyau ni dainia na nodra soli ena kena kato. ² A sa raicia voki lia e dua na yada dravudravua ni dainia e rua nai lavo lailai. ³ A sa tukunia ko koya, au sa kaya vakaidina vei kemunu, Na yada dravudravua koya sa dainia vakalevu, ia ko ira kece sa dainia vakalevu, sa dainia vakalailai. ⁴ Ni ra sa dainia eso ko ira kece lia oqo, mai na nodra ka e vuqa, kina kato ni soli: ia ko koya, sa dravudravua sa dainia kece sara lia nai yau me bula kinia. ⁵ Ia ni sa tukunia nai vale ni soro ko ira eso, ni sa vakaukuukutaki ena veivatu vinaka kei nai solisoli, sa kaya ko koya. ⁶ Na veika oqo, dou sa raicia, ena yaco na siga ena yali ni vo voki e dua na vatu veitaqataqai, ena talaraki sobu kece lia. ⁷ A ra sa tarogi koya, ka kaya, "vakavuvuli, ena yaco ni naica na veika koya? Ia ka cava na kenai vakatakilakila ni sa voleka lia ni na yaco mai kinia na ka oqo? ⁸ A sa tukunia ko koya, dou qarauni kemudou vinaka de konu na vakacalai: ni ra na lewe vuqa era vakacacavutaki au, ka kaya, koi au, lia. Ko koya, a sa qai toro voleka na kena gauna: monu kua ni muri ira voki. ⁹ Ia ni dou sa rogocia nai tukutuku ni valu, se na veisei, kakua ni kidroa: ni sa dodonu me yaco mada e liu na vei ka oqo: ia sa yali ni voleka sara nai vakataotioti ¹⁰ Sa qai tukunia vei ira ko koya, e na veivolebolei na vanua eso, kei na matanitu eso: ¹¹ Ia na tavuki vakalevu na veivanua eso, ena tubu voki lia na dausiga, kei na mate ca; ia ena rairai eso na ka dauveivakarerei ka so nai vakatakilakila levu mai lomalagi. ¹² Ia ni se bera ni yaco na ka kece lia oqo era na tauri kemuni, ka vakacacani kemudou, ka soli kemunu kina veivale ni lotu, kei na vale ni veivesu, ia konu na yadi kina matadra na tui kei na kovana ena vuku ni yacaqu. ¹³ Ia na ka ena yaco me nomunu vakaidinadina ¹⁴ O koya mo dou qai vakataudeitakia na lomamunu, mo dou kakua ni vananumia mada e liu na ka mo dou tukunia. ¹⁵ Niu na solia vei kemudou na gusu, kei na vuku, ena yali kinia na nomudou meca ena veiletitakia rawa, se voratia. ¹⁶ Ia era na soli kemunu yani na nomudou qase, kei tamamudou kei ira na kai nomudou kei na wekamunu a ra na vavunia na mate eso vei kemunu. ¹⁷ Ia ena cati kemunu na tamata kece lia, ena vuku ni yacaqu. ¹⁸ Ia ena yali ni rusa e dua na drau ni ulumudou. ¹⁹ Dou na maroroya na yalomudou ni dou na vosotia. ²⁰ Ia ni dou sa raicia ni sa buki na druadrua mai Jeruisalemi e na mataivalu eso, dou kila kinia ni sa qai voleka na kena ca sara. ²¹ Me qai tuba voki i ulunivanua ko ira era tiko e Jutia, ia ko ira sa tiko e loma me ra qai tani; me kakua voki lia ni curu mai kinia ko ira sa tiko ena viyasana ki vanua. ²² Ni sa gauna ni visausaumi ke, me vakayacori kece kinia na ka sa volai. ²³ Ka na ca voli lia vi ira na bukete, kei ira era vasucumia na gone ena gauna koya! ni na ca valevu sara na vanua, a ra na cudruvi valevu na tamata oqo. ²⁴ A ra na vamatei e nai selewau, a ra na yadi vabobula kina vi vanua: a ra na butuki Jeruisalemi sobu ko ira na vimatanitu, me yacovia nai vakataotioti ni nodra gauna ni veimatanitu. ²⁵ E na qai tu nai vatakilakila eso e na mata ni siga, kei na vula, kei na vikalokalo, a ra na ca e vuravura, ni ra na kidroa ena kena vadugu na wasaliwa kei nabiau. ²⁶ Ena kania voki na yatedra na tamata na rere, ni ra warakia na vika sa voleka ni yaco e vuravura: ni na vitosoyaki ki na vika kaukauwa ni lomalagi. ²⁷ Ia era sa qai raicia na luve ni tamata ni sa qai mai ena o ena kaukauwa kei nai ukuuku levu. ²⁸ Ia ni sa vatekivu me yaco na vi ka ke, dou tucake ka vosa vagalegalei kemunu ni sa voleka ni vabulai. ²⁹ A sa vosatakia vi ira e dua na vosa vatautauvata: raicia na lolo, kei na vikau kecelia; ³⁰ Ni ra sa tubu, dou sa raicia ka kila kinia vai kemunu ni sa voleka na vulai katakata. ³¹ Sa va voki lia kinia koi kemunu, ni dou sa raicia na kena yaco na vi ka oqo, dou na kila kinia ni sa voleka na matanitu ni Kalou. ³² Au sa tukunia vamatata vi kemunu, ena yaco mada e liu na ka kece lia, ena yali ni takali na tabatamata koya: E ³³ na takali ko lomalagi kei vuravura, ia na noqu vosa ena yali ni takali. ³⁴ Ia dou qarauni konu vavinaka, de dua na siga sa bibi kinia na yalomunu ena kakana, kei na daumateni, kei na lomaocaoca ena veika ni bula oqo, ka yaco vakidacala kina vei kemunu na siga koya. ³⁵ Ni sa va nai cori ni yaco vei ira kece lia era sa tiko e delai vuravura taucoko. ³⁶ O koya mo dou qai vatawa, ka masu tiko lia, mo dou vakabau kinia mo yaga me bula mai na ka kece lia oqo ena yaco mai, ka tu e mata ni luve ni tamata. ³⁷ A sa vatavuvuli tiko ko koya ena vale ni soro ni sa siga, ia ni sa bogi sa qai yani ka moce e ulu ni vanua sa vayacani kinia na veiolive. ³⁸ A ra sa qai mai vua na lewe vuqa kina vale ni soro ni sa savulaci caca, me ra rogoci koya.