1
Oi kemunu na Turaga, dou solia vi ira na tamata na ka e dodonu ka tautauvata; ni dou sa kila sa dua voki lia na nomunu Turaga mai lomalagi.
2
Mo dou dau masu tiko lia, ka cikevia tiko ka vavinavinaka;
3
ka masulaki keitou voki lia, me dolavia vi kitou na Kalou na katuba ni vosa, me kitou tukunia na vika sa vuni kei Karisito, o koya ka'u sa vesu tu kinia:
4
me'u varaitakia koya, me vaka sa dodonu kei au me'u tukunia.
5
Dou ia tiko nai valavala vuku vi ira e taudaku, ka volia me nomunu na gauna.
6
Me ia tiko lia na nomunu vosa ena yalovinaka, ka vatuituinataki ena masima, mo dou kila kinia se cava sa dodonu mo dou kaya voki lia vi ira na tamata yadua.
7
E na tukunia vi kemunu na ka e kece lia e baleti au o Tikiko, a wekaqu ka'u sa lomania, kei nai talatala yalodina, kei na noqui tokani e na Turaga:
8
ia ka'u sa talai koya vi kemunu ena vuku ni ka koya, mo dou kila na nitou tiko, ka me vaceguya na yalomunu ko koya;
9
oi rau kei Onesimo, na wekaqu sa yalodina ka'u sa lomani, o koya sa dua vi kemunu. Erau na vatakila vi kemunu na ka kece lia sa caka eke.
10
Sa loloma yani vi kemunu ko Arisitako kirau sa vesuki vata tiko, kei Marika na luve ni gane i Panapasa, (o koya dou sa varotia oti kinia: kevaka sa qai vi kemunu, dou vacegui koya;)
11
kei Jisu, a yacana voki lia ko Jusito, eratou sa cili. O iratou lia ke eratou sa daucakacaka vata ki au ena ka ni matanitu ni Kalou, a ratou sa dauvacegui au.
12
Sa loloma yani vi kemunu ko Epafira, sa dua vi kemunu, ai talatala i Karisito Jisu, sa dau gumatua tiko lia ni dau masulaki kemunu, mo dou tudei ka vinaka sara ka vasinaiti tu ena kece sa loma ni Kalou.
13
Ni'u sa vadinadina vua, ni sa lomakatakata sara ena vukumunu voki lia mai Leotisea, kei na vukudra mai Aiarapoli.
14
Sa loloma yani vei kemunu ko Luke, na vu-ni-wai lomani, kei Timasa.
15
Au sa loloma yani vi ira na viwekani mai Leoptisea, vei Nimifa voki lia, vi ira voki lia nai soqosoqo lewe ni lotu mai nona vale.
16
Ia ni sa wili oti nai vola koya vi kemunu, dou lewa me wili voki lia vi ira nai soqosoqo lewe ni lotu mai Leotisea; mo dou wilikia voki lia nai vola vi ira ki Leotisea.
17
Kaya voki lia vi Akipo, Mo varaica na cakacaka ko sa rawatia mai vua na Turaga, mo vayacoria sara.
18
Au sa loloma yani ka vola e na ligaqu dina, koi au ko Paula. Dou nanumi au ni'u sa svesu tiko. Me nomunu na loloma. Emeni